Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
არასამთავრობოები რუსეთის მიმართ „ადეკვატური“ პოლიტიკის გატარებას მოითხოვენ
Civil Georgia, Tbilisi / 13 მარ.'18 / 17:54

ევროატლანტიკურ კოალიციაში შემავალი 12 არასამთავრობო ორგანიზაცია, მათ შორის, საერთაშორისო გამჭვირვალობა, საია, ატლანტიკური საბჭო და სხვები, პრემიერ-მინისტრ კვირიკაშვილის მიერ რუსეთის უმაღლესი ხელისუფლების სახელზე გაგზავნილ მიმართვას და მოსკოვის საპასუხო განცხადებას ეხმაურება და მოითხოვს, რომ საქართველოს მთავრობის პოლიტიკა რუსეთის მიმართ „რეალობის ადეკვატური“ გახდეს.

კოალიციის მიერ დღეს გავრცელებულ განცხადებაში, ნათქვამია, რომ პრემიერ-მინისტრ კვირიკაშვილის მიერ 9 მარტს რუსეთის ხელისუფლებისადმი გაგზავნილი მიმართვა, სადაც ის სოხუმთან და ცხინვალთან „პირდაპირ დიალოგზე“ და საქართველო-რუსეთის ურთიერთობების მოსაწესრიგებლად „გონივრული ნაბიჯების“ გადადგმაზე საუბრობს, „რთულად გასაგები“ და „ბუნდოვანი გზავნილების“ შემცველია, „რაც საზოგადოებაში დაბნეულობას და უმწეობის შეგრძნებას იწვევს“. 

„ეს განცხადება არ გახლავთ შექმნილი მდგომარეობის ადეკვატურად ამსახველი და უფრო იმ მთავრობის განაცხადს ჰგავს, რომელსაც არ აქვს კონკრეტული გეგმა, გაუმკლავდეს რუსეთ-საქართველოს ურთიერთობების გამოწვევებს“, - აცხადებენ არასამთავრობო ორგანიზაციები. მათივე თქმით, საქართველოს პრემიერ-მინისტრის მიმართვაზე რუსეთის საგარეო საქმეთა სამინისტროს მიერ გაკეთებული საპასუხო განცხადება „თავისი შინაარსით ცინიკური და იმავდროულად, საფრთხის შემცველია“. 

კვირიკაშვილის ბოლოდროინდელ განცხადებასთან ერთად, კოალიციის წევრები ასევე საქართველოს ხელისუფლების მიერ რუსეთთან მოლაპარაკებებისთვის შექმნილ აბაშიძე-კარასინის ფორმატსაც აკრიტიკებენ. მათი თქმით, ჟენევის საერთაშორისო დისკუსიებისაგან განსხვავებით, რომელიც საქართველოს საერთაშორისო პარტნიორების მონაწილეობით მიმდინარეობს, აბაშიძე-კარასინის მოლაპარაკებები „გაუმჭვირვალეა“ და აჩენს კითხვებს, „თუ რა საკითხები განიხილება დახურულ კარს მიღმა, და რა მნიშვნელოვანი შედეგები იქნა ან ვერ იქნა მიღწეული ამ აქტივობის შედეგად და რატომ“. 

„საერთაშორისო აქტორების გარეშე ამგვარი გაუმჭვირვალე დიალოგის ფორმატი, შესაძლოა, მნიშვნელოვანი რისკის შემცველი იყოს საქართველოს ინტერესებისათვის“, - აცხადებენ არასამთავრობო ორგანიზაციები და მოუწოდებენ მთავრობას, „მიაწოდოს საზოგადოებას კონკრეტული ინფორმაცია რუსეთთან სამომავლო ურთიერთობებისა და ამ მხრივ არსებული გამოწვევების მოგვარების ხედვასთან და შესაბამის გეგმებთან დაკავშირებით“. 

ევროატლანტიკური კოალიციის წევრები ასევე საქართველოს პარლამენტში მმართველი გუნდისა და საპარლამენტო უმცირესობის მიერ ინიცირებულ რეზოლუციებსაც ეხმაურებიან, რომელიც 22 თებერვალს საოკუპაციო ძალების მიერ ახალგორში საქართველოს მოქალაქის არჩილ ტატუნაშვილის უკანონო დაკავებასა და მისი სიცოცხლის ხელყოფას ეხება.

„მოვუწოდებთ პარტიებს, გვერდზე გადადონ უთანხმოებები და  უმოკლეს დროში გააერთიანონ ძალისხმევა საქართველოს ინტერესების შესაბამისი რეზოლუციის მისაღებად, რომელიც  რუსეთის ფედერაციის საოკუპაციო რეჟიმისა და მისი ეფექტური კონტროლის ქვეშ მყოფი სტრუქტურების ქმედებების შეფასების გარდა, მათ მიერ ჩადენილ დანაშაულებზე რეაგირების ეფექტური სანქციების ინსტრუმენტების შექმნისკენ იქნება მიმართული“. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
80