Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მარგველაშვილი სამუშაო ვიზიტით ვაშინგტონს სტუმრობს
Civil Georgia, Tbilisi / 14 მარ.'18 / 19:17


კონგრესის წევრი, ნენსი პელოსი და გიორგი მარგველაშვილი, 13 მარტი, 2018. ფოტო: president.gov.ge

საქართველოს პრეზიდენტი გიორგი მარგველაშვილი 12-16 მარტს ამერიკის შეერთებულ შტატებს სამუშაო ვიზიტით სტუმრობს, რომლის მიზანიც, პრეზიდენტის პრესსამსახურისინფორმაცით, საქართველოს უსაფრთხოების მიმართ აშშ-ს ხელისუფლების წარმომადგენლების მხარდაჭერის გამყარება და საქართველოს ნატოში ინტეგრაციის პროცესის ხელშეწყობაა.

14 მარტს პრეზიდენტი გიორგი მარგველაშვილი კონგრესის წარმომადგენლობითი პალატის დემოკრატების ლიდერს, ნენსი პელოსის შეხვდა. შეხვედრის დროს მარგველაშვილმა მადლობა გადაუხადა პელოსის აშშ-ის მიერ საქართველოს ტერიტორიული მთლიანობის და ევრო-ატლანტიკური მისწრაფებების მხარდაჭერის გამო და ინფორმაცია მიაწოდა მას ოკუპირებულ რეგიონებში ადამიანის უფლებათა დარღვევების, მათ შორის არჩილ ტატუნაშვილის გარდაცვალების შესახებ.

პრეზიდენტი მარგველაშვილი ასევე შეხვდა ამერიკელ სენატორებს რობერტ მენენდესს, ბობ კორკერს და ჯინ შაჰინს, და ასევე კონგრესმენ ჯერალდ კონოლის. მარგველაშვილმა მადლობა გადაუხადა მათ საქართველოს მხარდაჭერისთვის და ქვეყნის უსაფრთხოების წინაშე არსებულ გამოწვევებზე ისაუბრა.

ვიზიტის ფარგლებში საქართველოს პრეზიდენტმა ასევე გამართა შეხვედრა ატლანტიკური საბჭოს, საერთაშორისო რესპუბლიკური ინსტიტუტის და ეროვნულ დემოკრატიული ინსტიტუტის წარმომადგენლებთან. პრეზიდენტის პრესსამსახურის ინფორმაციით, მხარეებმა ქვეყნის ნატოში ინტეგრაციის პროცესი და აშშ-საქართველოს ურთიერთობები განიხილეს.

საქართველოს პრეზიდენტმა ჰადსონის ინსტიტუტში ექსპერტული წრეების წარმომადგენლებთან მრგვალი მაგიდის ფორმატში გამართულ დისკუსიაში მიიღო მონაწილეობა და რეგიონული უსაფრთხოების გარემოს, უსაფრთხოების საკითხებთან დაკავშირებული გამოწვევების შესახებ ისაუბრა. მოგვიანებით მან ჯორჯთაუნის უნივერსიტეტის სტუდენტებსაც მიმართა სიტყვით.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12