Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
თბილისი მოსკოვსა და სოხუმს ზემო აფხაზეთის დაბომბვაში ადანაშაულებს
/ 12 მარ.'07 / 14:14
სივილ ჯორჯია

ჩხალთაში აფხაზეთის ლეგიტიმური მთავრობის
შენობა შეტევის შედეგად დაზიანდა.
ფოტო: აფხაზეთის ლეგიტიმური მთავრობა.
ოფიციალური თბილისის განცხადებით, გასულ ღამეს ზემო კოდორის ხეობა რუსეთის სამხედრო ვერტმფრენებმა და აფხაზურმა შეიარაღებულმა დაჯგუფებებმა დაბომბეს.

რუსეთის და აფხაზეთის მხარეებმა უკვე უარყვეს ეს განცხადება და მას პროვოკაცია უწოდეს.

საქართველოს თავდაცვის მინისტრის მოადგილემ ლევან ნიკოლეიშვილმა 12 მარტს განაცხადა, რომ რუსული სამხედრო ვერტმფრენები საქართველოს საჰაერო სივრცეში რუსეთის ფედერაციიდან შემოფრინდნენ და ზემო კოდორის ხეობის სოფლებს გაუხსნეს ცეცხლი. თუმცა, მან დეტალებზე საუბრისგან თავი შეიკავა.

აფხაზეთის ლეგიტიმური მთავრობის მეთაურმა მალხაზ აქიშბაიამ განაცხადა, რომ სოფლებს აჟარას და ჩხალთას ვერტმფრენებიდან და ”გრადი” ტიპის დანადგარებიდან გაუხსნეს ცეცხლი ტყვარჩელის მხრიდან.

”ეს იყო ადგილობრივი მოსახლეობის დატერორების მცდელობა და ასევე აფხაზური მხარის მცდელობა სამშვიდობო პროცესიდან გამოსასვლელად”, - განაცხადა აქიშბაიამ.

თუმცა, თვითგამოცხადებული აფხაზეთის საგარეო საქმეთა მინისტრმა სერგეი შამბამ 12 მარტს ტელეკომპანია ”იმედს” განუცხადა, რომ აფხაზ მებრძოლებს არაფერი აქვთ საერთო ინციდენტთან. მისი თქმით, ეს იყო ”ჩვეულებრივი შეტაკება” ემზარ კვიციანის მომხრეებსა და კოდორის ხეობაში განთავსებულ ქართულ ძალებს შორის.

”ამგვარი შეტაკებები ხეობაში დროდადრო ხდება. თუმცა, როგორც ჩანს, ამ ბოლო შემთხვევაში ამან გაცილებით ინტენსიური ხასიათი მიიღო. გაზაფხული მოდის და [აჯანყებულები] სავარაუდოდ, კიდევ უფრო გააქტიურდებიან”, - განაცხადა შამბამ.

აფხაზეთის რუქა (გაერო).
ფართო ფორმატით სანახავად დააკლიკეთ სურათზე.
აფხაზეთის ლიდერმა სერგეი ბაღაფშმა ასევე განაცხადა, რომ ინციდენტის უკან შესაძლოა კვიციანის მებრძოლები იდგნენ. 

”ჩვენ არ გვაქვს ზუსტი ინფორმაცია ზემო კოდორის ხეობაში განვითარებული მოვლენების თაობაზე. შემიძლია მხოლოდ განვაცხადო, რომ აფხაზურ შეიარაღებულ ძალებს არ უსვრიათ და ჩვენ ვერტმფრენებს რაიმე ფრენები არ განუხორციელებიათ”, - განუცხადა სერგეი ბაღაფშმა ”ინტერფაქსს”.

მან ასევე აღნიშნა, რომ სოხუმისა და მოსკოვის დადანაშაულების ნაცვლად, თბილისმა უმჯობესია კოდორის ადგილობრივი მოსალეობისა და ემზარ კვიციანის საკითხი მოაგვაროს.

”ჩვენ რამდენჯერმე გავაფრთხილეთ, რომ გაზაფხულზე დაძაბულობა იყო მოსალოდნელი”, - განაცხადა მან და დასძინა, რომ მის ხელთ არსებული ინფორმაციით, გაეროს დამკვირვებლები და რუსი სამშვიდობოები უნდა ჩავიდნენ კოდორში 12 მარტს და ვითარებას ადგილზე გაეცნონ.

რუსეთმა ასევე კატეგორიულად უარყო გავრცელებული ინფორმაცია იმის თაობაზე, რომ რუსეთის სამხედრო ვერტმფრენმა საქართველოს საჰაერო სივრცე დაარღვია.

”საქართველოს ხელისუფლების განცხადებები ზემო კოდორის ხეობის სოფლების ჩხალთას, აჟარასა და ღენწვისის ვერტმფრენიდან დაბომბვის თაობაზე, რომელიც სავარაუდოდ რუსეთის ტერიტორიიდან შეფრინდა, სხვა არაფერია თუ არა პროვოკაცია”, - იუწყება 12 მარტს ”რია ნოვოსტი” რუსეთის სამხედრო საჰაერო ძალების წარმომადგენლის ალექსანდრე დრობიშევსკის სიტყვებზე დაყრდნობით.   

ზემო კოდორის ხეობაში განვითარებული მოვლენების შესახებ ინფორმაციის ძირითად წყაროს საქართველოს ხელისუფლება წარმოადგენს. 

გასული წლის ოქტომბერში სოფელ აჟარას მახლობლად ”გრადის” ტიპის ყუმბარები აფეთქდა. ქართულმა მხარემ მაშინაც აფხაზური მხარე დაადანაშაულა ტყვერჩელის მხრიდან ცეცხლის გახსნაში.

თუმცა, გაეროს დამკვირვებლებმა გამოიძიეს ინციდენტი და განაცხადეს, რომ ყუმბარების აფხაზური მხარის მიერ კონტროლირებადი ტერიტორიიდან  გასროლა შეუძლებელი იქნებოდა. მათი თქმით, ყუმბარები ახლომდებარე მთის ფერდობებიდან იქნა ნასროლი.    

ამავდროულად, დუშეთის რაიონში, ბაზალეთის ტბის მიმდებარე ტერიტორიაზე თავდაცვის სამინისტროს კუთვნილი მი-24 ტიპის ვერტმფრენის ჩამოვარდნის შედეგად ეკიპაჟის სამივე წევრი  - გიორგი ლონდარიძე, გაგა ტყემალაძე და სერგო ღვალაძე  - დაიღუპა.

თავდაცვის მინისტრის მოადგილემ ლევან ნიკოლეიშვილმა ეს ინციდენტი კოდორში განვითარებულ მოვლენებს დაუკავშირა. მისი თქმით, ვერტმფრენი დასავლეთ საქართველოსკენ მიფრინავდა კოდორში მომხდარი ინციდენტის შემდეგ. მისი თქმით, კატასტროფის მიზეზი სავარაუდოდ რთული მეტეოროლოგიური პირობები იყო.
 
ნიკოლეიშვილის ინფორმაციით, თავდაცვის სამინისტროს ძალები, ისევე როგორც საჰაერო ძალები ყაზარმული მდგომარეობაზეა გადაყვანილი.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2024, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15