Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პრეზიდენტის შეწყალების პრაქტიკის გარშემო პოლიტიკური დავა გრძელდება
Civil Georgia, Tbilisi / 18 აპრ.'18 / 16:09

პრეზიდენტმა გიორგი მარგველაშვილმა, ასევე ქართული ოცნების და ევროპული საქართველოს დეპუტატებმა ურთიერთბრალდებები გაცვალეს პრეზიდენტის შეწყალების საკითხთან დაკავშირებით.

კრიტიკული განცხადებები პრეზიდენტის წინააღმდეგ გასულ კვირას გაკეთდა მას შემდეგ, რაც შინაგან საქმეთა სამინისტრომ დაადასტურა, რომ თბილისში 13 აპრილს 25 წლის გოგონას მკვლელობაში ეჭვმიტანილი პრეზიდენტის შეწყალების საფუძველზე ერთი წლის წინ გათავისუფლდა.

მმართველი და ოპოზიციური პარტიების კრიტიკის საპასუხოდ პრეზიდენტის ადმინისტრაციის ხელმძღვანელმა, გიორგი აბაშიშვილმა განაცხადა 16 აპრილს, რომ ორი პარტია გიორგი მარგველაშვილის წინააღმდეგ ბინძურ კამპანიას ახორციელებს. 

„საქართველოს პარლამენტში მიმდინარეობს ახალი საკონსტიტუციო უმრავლესობის ფორმირების პროცესი ევროპული საქართველოს და ქართული ოცნების მონაწილეობით და ძალიან სამწუხაროა, რომ ამ უმრავლესობის მთავარი გამაერთიანებელი დღეს არის საქართველოს პრეზიდენტის წინააღმდეგ ბინძური კამპანიის წარმოება“, - განაცხადა აბაშიშვილმა.

ქართული ოცნების და ევროპული საქართველოს დეპუტატებმა საპასუხო კონტრბრალდებები გაახმოვანეს.

ქართული ოცნების დეპუტატმა ანრი ოხანაშვილმა განაცხადა, რომ პრეზიდენტის განცხადებები „აბსურდულია“.  „ეს არის მცდელობა გადაიტანონ საზოგადოების ნეგატიური დამოკიდებულება, რაც მოჰყვა პრეზიდენტის უპასუხისმგებლო და არასახელმწიფოებრივ გადაწყვეტილებას შეწყალებებთან მიმართებაში, ეს ყველაფერი გადაიტანონ და გადაფარონ სხვა თემით“.

ევროპული საქართველოს დეპუტატმა ირმა ნადირაშვილმა განაცხადა, რომ პრეზიდენტის პასუხი მათ „ლეგიტიმურ“ კრიტიკაზე „არაადეკვატური და ისტერიული“ იყო. „პასუხისმგებლობისგან გამოძრომა, როდესაც ადამიანი უკვე დაიღუპა, როდესაც წინა შემთხვევები ვიცით, მისგან გათავისუფლებულმა ნათესავებმა ხელახლა როგორ ჩაიდინეს დანაშაული, ამ შემთხვევაში არ არის ლამაზი, რომ პასუხისმგებლობისგან გამოძვრე. ეს კიდევ უფრო უთავმოყვარეო საქციელია, ვიდრე მაგალითად, როდესაც კონსტიტუციას ხელი მოაწერე“, - განაცხადა ნადირაშვილმა.

გიორგი აბაშიშვილმა დღესაც გააკეთა კომენტარი საკითხზე და ხაზგასმით აღნიშნა, რომ „ფაქტიურად, მთელი სახელმწიფო მანქანა ამ ორ პოლიტიკურ პარტიასთან ერთად მუშაობს საქართველოს პრეზიდენტის წინააღმდეგ შავი პიარის ასაგორებლად“. „ჯობია სახელმწიფო უწყებები დაკავდნენ კრიმინალთან ბრძოლით იმიტომ, რომ არ მოხდეს ისევ ესეთი ტრაგიკული ფაქტები, როგორსაც უკვე ქონდა ადგილი“, - დასძინა მან.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2024, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12