31 მაისს თბილისში საქართველოსა და რუსეთის დელეგაციებს შორის რუსეთის ფედერაციის ვაჭრობის მსოფლიო ორგანიზაციაში (ვმო) გაწევრიანებასთან დაკავშირებით გამართული მოლაპარაკებების შედეგად რეალური პროგრესი არ არის, აცხადებს საქართველოს ეკონომიკის განვითარების სამინისტრო 31 ივლისს.

სამინისტროს განცხადებით, კვლავ უცვლელია ქართული მხარის მოთხოვნა რუსეთ-საქართველოს საზღვარზე - აფხაზეთსა და სამხრეთ ოსეთში  - მოქმედი ორი არალეგალური საბაჟო-გამშვები პუნქტის ლეგალიზაციისა და გამართული ფუნქციონირების შესახებ.

თბილისის განცხადებით, “განთიადი-ადლერისა” და “როკი-ქვემო ზარამაგის” ლაგალიზაციაზე უარით, რუსეთი არღვევს 2004 წელს ორ ქვეყანას შორის გაფორმებულ ოქმს.

ეკონომიკის განვითარების სამინისტროს განცხადებით, საქართველომ ”დეტალურად აღწერილი და დასაბუთებული მოთხოვნა” გაუგზავნა რუსეთს. მოსკოვმა კი საპასუხოდ გამოაგზავნა წერილი, რომელიც ”არ არის რელევანტური” და ”არ პასუხობს საქართველოს მხარის მიერ წამოჭრილ საკითხებს”.