Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
Civil Georgia, Tbilisi / 24 აპრ.'18 / 12:42


სერგეი აქსიონოვი და ანატოლი ბიბილოვი იალტის საერთაშორისო ეკონომიკურ ფორუმზე, 20 აპრილი. ფოტო: facebook.com/aksenov.rk

ოკუპირებული სამხრეთ ოსეთის ლიდერმა ანატოლი ბიბილოვმა 19-21 აპრილს ყირიმში იალტის საერთაშორისო ეკონომიკურ ფორუმში მიიღო მონაწილეობა, რომლის ფარგლებში იგი სერბ დეპუტატებს და სირიის ეკონომიკის მინისტრს, მოჰამად სამერ ალ-ხალილს შეხვდა.

იალტაში ბიბილოვს ყირიმის ავტონომიური რესპუბლის „პრემიერ-მინისტრმა“ სერგეი აქსიონოვმა უმასპინძლა. 20 აპრილს გამართული შეხვედრის შემდეგ, ბიბილოვმა და აქსიონოვმა ხელი მოაწერეს თანამშრომლობის ოქმს „სამხრეთ ოსეთის რესპუბლიკას და ყირიმის რესპუბლიკას“ შორის.

სირიის ეკონომიკის მინისტრთან გამართულ შეხვედრაზე ბიბილოვმა სოლიდარობა გამოხატა სირიელი ხალხის მიმართ, რომლებიც, მისი თქმით, დასავლური ქვეყნების „ტერორის და აგრესიის“ წინაშე აღმოჩნდნენ და დასძინა, რომ ის დახმარება, რომელსაც მათ რუსეთი უწევს, ქვეყანას „მშვიდობას და კეთილდღეობას“ მოუტანს.

მან ასევე განუცხადა ეკონომიკის მინისტრს, რომ მას სირიასთან ურთიერთობების გაღრმავება სურს და პრეზიდენტი ბაშარ ალ-ასადი ცხინვალში მიიპატიჟა.

ცხინვალის ლიდერი ასევე შეხვდა სერბ დეპუტატებს - ბოშკო ობრადოვიჩს და ივან კოშტიჩს მოძრაობა „დვერიდან“ და უთხრა მათ, რომ რუსეთი „სერბი და ოსი ხალხის საერთო სტრატეგიული პარტნიორია“.

„ჩვენ დადებითი გრძნობები გვაქვს სამხრეთ ოსეთთან დაკავშირებით, ვინაიდან საერთო ჩვეულებები, ტრადიციები და შეხედულებები გვაქვს. გვინდა, რომ სამხრეთ ოსეთს ვესტუმროთ და თანამშრომლობა გავაღრმავოთ“, - იტყობინება ბიბილოვის პრესსამსახური ობრადოვიჩის სიტყვებზე დაყრდნობით.

ბიბილოვი იალტაში ასევე შეხვდა იტალიელი სენატორების და ბიზნესმენების ჯგუფს და რიგი საკითხები განიხილა, მათ შორის „საერთო [ეკონომიკური] პროექტების“ განხორციელების შესაძლებლობა“.

ოკუპირებული სამხრეთ ოსეთის საგარეო საქმეთა მინისტრმა დიმიტრი მედოევმა, რომელიც ასევე ახლდა ბიბილოვს ყირიმში, ცალკე შეხვედრები გამართა იაპონიის პოლიტიკური ორგანიზაციის „ისუიკაის“ თავმჯდომარესთან, მიცუხირო კიმურასთან და ერიტრეას ელჩთან რუსეთში, პეტროს ცეგაი ასგედომთან.

ოკუპირებული აფხაზეთის საგარეო საქმეთა მინისტრი დაურ კოვე და ეკონომიკის მინისტრი ადგურ არძინბა, რომლებიც ასევე ესწრებოდნენ იალტის ფორუმს, სირიის ეკონომიკის მინისტრს შეხვდნენ და იგი აფხაზეთში მიიწვიეს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
53