Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სუბარი ხელისუფლებას ”საპროტესტო აქციებისადმი შეუწყნარებლობის” გამო აკრიტიკებს
სივილ ჯორჯია, თბილისი / 29 ოქტ.'07 / 16:13

საპროტესტო აქციების მშვიდობიან მონაწილეებზე თავდასხმებმა წარმოაჩინა ”ხელისუფლების შეუწყნარებლობა” მშვიდობიანი საპროტესტო აქციების მიმართ, განაცხადა სახალხო დამცველმა სოზარ სუბარმა 29 ოქტომბერს.

ათმა ოპოზიციურმა პარტიამ 28 ოქტომბერს სამეგრელოში ჩაატარა აქციები. ზუგდიდში აქციის ჩატარების დროს ახალგაზრდა მამაკაცების ჯგუფი თავს დაესხა რამდენიმე ოპოზიციონერ აქტივისტს.    

ქართულმა ტელეკომპანიებმა გადასცეს კადრები, სადაც ჩანს, როგორ მიაყენა რამდენიმე მამაკაცმა ფიზიკური შეურაცხყოფა ”თანასწორობის ინსტიტუტის” წევრს გიორგი ხაინდრავას  და დეპუტატ ბიძინა გუჯაბიძეს კონსერვატორული პარტიიდან. კადრებში ასევე ჩანს, როგორ ესხმის თავს და სცემს მამაკაცთა ჯგუფი დეპუტატ ბეჟან გუნავას.

”შეძრწუნებული დავრჩი იმ კადრების ხილვით, თუ როგორ უსწორდებოდნენ ზუგდიდში მშვიდობიანი მანიფესტაციის მონაწილე მოქალაქეებს, პოლიტიკოსებსა და პარლამენტის წევრებს კარგად ორგანიზებული ჯგუფები,” - განაცხადა სუბარმა, ”ეს ფაქტი კიდევ ერთი დადასტურებაა იმ სრული შეუწყნარებლობისა, რასაც ხელისუფლება იჩენს მშვიდობიანი შეკრებისა და მანიფესტაციების უფლების განხორციელების მიმართ”.

სუბარის თქმით, ზუგდიდში მომხდარი შემთხვევა ძალიან ჰგავს 2003 წლის ნოემბერში ამავე ქალაქში მომხდარ ინციდენტს, როდესაც ოპოზიციის ლიდერი მიხეილ სააკაშვილი მაშინდელი პრეზიდენტის ედუარდ შევარდნაძის წინააღმდეგ კამპანიას მართავდა.

”კადრებში კარგად ჩანს, რომ ამ სამოქალაქო ტანსაცმელში ჩაცმულ ადამიანებს ქამარში იარაღი ჰქონდათ გაჩრილი, რაც აჩენს ეჭვს, რომ მათ შორის ოფიციალური სტრუქტურების წარმომადგენლებიც იყვნენ. ამ ყველაფერს მშვიდად ადევნებდნენ თვალყურს პოლიციელები, რომლებიც სხვა დროს მშვიდობიანი მანიფესტაციების მონაწილეებს მაშინვე აკავებენ, როგორც კი ისინი ტროტუარიდან ასფალტზე ჩადგამენ ფეხს,” - განაცხადა სუბარმა.   

მან მოუწოდა შინაგან საქმეთა სამინისტროს და გენერალურ პროკურატურას გამოიძიონ ინციდენტი და დამნაშავეები დასაჯონ.

29 ოქტომბერს ოპოზიციის ლიდერებმა განაცხადეს, რომ ისინი ”კატეგორიულად მოითხოვენ” ხელისუფლებისგან დაუყონებლივ დასაჯონ ზუგდიდში მშვიდობიანი საპროტესტო აქციის მონაწილეებზე თავდამსხმელები.

”თუ ეს ხალხი 2 ნოემბრამდე არ დაისჯება, ჩვენ დავსჯით მათ 2 ნოემბრის შემდეგ,” - განაცხადა დეპუტატმა ზვიად ძიძიგურმა კონსერვატორული პარტიიდან ოპოზიციის ლიდერების ერთობლივ პრესკონფერენციაზე პარლამენტის წინ.

”გუშინ ზუგდიდში 10 000-მდე ადამიანი დაესწრო აქციას და ეს იყო 2 ნოემბრის გენერალური რეპეტიცია, რომელიც შედგა, მიუხედავად იმ წინააღმდეგობისა, რომელიც ხელისუფლებამ გაუწიას ამ აქციას,” - განაცხადა პარტია თავისუფლების ლიდერმა კონსტანტინე გამსახურდიამ.

დეპუტატმა მმართველი პარტიიდან ლევან ბეჟაშვილმა განაცხადა, რომ გუშინდელი ინციდენტის გამოძიება მიმდინარეობს. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15