თბილისის საქალაქო სასამართლომ 22 დეკემბერს არ დააკმაყოფილა საქართველოს ახალგაზრდა იურისთტა ასოციაციის (საია) სარჩელი და უარი თქვა მიხეილ სააკაშვილისა და ბადრი პატარკაციშვილისთვის პრეზიდენტობის კანდიდატის სტატუსის  მოხსნაზე. 

საია-ს განცხადებით, რომელიც ორივე კანდიდატს ამომრჩეველთა მოსყიდვაში ადანაშაულებდა, სააკაშვილის შემთხვევაში კანონი ორჯერ დაირღვა - ერთხელ 8 დეკემბერს, როდესაც მან ერთ-ერთ ახალგაზრდას კომპიუტერი აჩუქა, ხოლო  მეორედ, როდესაც მისმა საარჩევნო შტაბმა 250 000 საარჩევნო ბუკლეტი დაბეჭდა და თითოეულ მათგანს მოყვებოდა სამი უფასო ბილეთი აჭარის გასართობ პარკში.

სასამართლოს განცხადებით, საჩუქრები ბავშვებისთვის იყო გათვლილი და არა ამომრჩევლებისთვის; ამრიგად, ეს არ ნიშნავდა ამომრჩეველთა მოსყიდვას.

ხოლო პატარკაციშვილის შემთხვევაში, საია-ს განცხადებით, კანონი მაშინ დაირღვა, როდესაც ის დაპირდა ამომრჩევლებს, რომ პრეზიდენტად არჩევის შემთხვევაში 1,5 მილიარდ ლარს დახარჯავდა საკუთარი სახსრებიდან მოსახლეობის მიერ მოხმარებული გაზისა და ელექტროენერგიის საფასურის დასაფარად, ასევე უმუშევრებისთვის კომპენსაციების გადასახდელად.   

სასამართლომ გაითვალისწინა პატარკაციშვილის საარჩევნო შტაბის არგუმენტაცია, რომლის განცხადებითაც ეს თანხები ჯერ ბიუჯეტში გადაირიცხება გრანტის სახით, ხოლო შემდეგ  მოსახლეობის სოციალურ საჭიროებებზე დაიხარჯება.