Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საქართველო აგვისტოს ომის წლისთავს აღნიშნავს
სივილ ჯორჯია, თბილისი / 7 აგვ.'09 / 12:36

საქართველო დღეს აგვისტოს ომის დაწყების ერთ წლისთავს აღნიშნავს. ამ დღეს დაგეგმილია მთელი რიგი ღონისძიებები, მათ შორისაა წუთიერი დუმილი 15:00 საათზე ომში დაღუპულთა მოსახსენიებლად.

ხსოვნისადმი მიძღვნილი ოფიციალური ღონისძიებები შუაღამისას გორში და რამოდენიმე სხვა ქალაქში დაიწყო, რომლის დროსაც ”ერთობის კოცონი” დაინთო.

პრეზიდენტი სააკაშვილი საქართველოს მოსახლეობას პარასკევს საღამოს გორიდან მიმართავს.  

ხსოვნისადმი მიძღვნილი ღონისძიებების უმეტესობა დაგეგმილია გორში - ცხინვალთან ერთად სწორედ ეს ქალაქი დაზარალდა ყველაზე მეტად შარშანდელი ომის დროს. áƒ¡áƒ®áƒ•áƒ ღონისძიებებთან ერთად დაგეგმილია მემორიალის საფუძვლის ჩაყრა, რომელზეც ომში დაღუპულთა სახელები ამოიტვიფრება.

საქართველოს მთავრობის ანგარიშის თანახმად, რომელიც 6 აგვისტოს გამოქვეყნდა, აგვისტოს ომის დროს 412 საქართველოს მოქალაქე დაიღუპა, მათ შორის 228 სამოქალაქო პირი; 170 სამხედრო და 14 პოლიციელი. 10 სამხედრო და 14 პოლიციელი დაკარგულად ითვლება.  საომარო მოქმედებების დროს ასევე დაიღუპა ერთი ჰოლანდიელი და ორი ქართველი ჟურნალისტი.

იმავდროულად, თბილისში საბჭოთა დროინდელი ჯავშანტრანსპორტიორს რუსთაველის მოედანი აქვს გადაკეტილი; ეს იმ ექსპოზიციის ნაწილია, რომელიც, ორგანიზატორების თქმით, მიზნად ისახავს საქართველოს წინააღმდეგ ”ორსაუკუნოვანი რუსული აგრესიის” წარმოჩენას, რაც 1783 წლის გეორგიევსკის ტრაქტატით დაიწყო.

წლისთავამდე ცოტა ხნით ადრე ქართულმა ტელეარხებმა დაიწყეს ვიდეორგოლების გაშვება შარშანდელ ომთან დაკავშირებით, რომელთა ლოზუნგია ”ბრძოლა გრძელდება”.

ერთ-ერთ ვიდეორგოლში შეკრებილია რუსული მაღალჩინოსნების ციტატები; ერთგან საგარეო საქმეთა მინისტრი სერგეი ლავროვი ამბობს, რომ ”ქართველი ხალხი რუსი ხალხის მეგობარია”, ხოლო პრეზიდენტი მედვედევი ამბობს, რომ ”ჩვენ პატივს ვცემთ და გვიყვარს ქართველი ხალხი” და შემდეგ ჩანს რუსული თვითმფრინავი, რომელიც ჭურვებს ესვრის ქართულ პოზიციებს, რის შემდეგაც ჩნდება წარწერა: ”რუსული სიყვარული”.

ტელეკომპანია ”მაესტრომ” კი ამ დღეებში áƒ’ანაახლა იმ ვიდეორგოლის გაშვება, რომელშიც ნათქვამია რომ áƒžáƒ áƒ”ზიდენტმა ”კაპიტულანტურ ხელშეკრულებას” მოაწერა ხელი, რის შედეგადაც áƒ¡áƒáƒ¥áƒáƒ áƒ—ველომ უფრო მეტი ტერიტორიები დაკარგა და შემდეგ მთხრობელი იწყებს იმ ათობით სოფლის ჩამოთვლას, რომლებიც აგვისტოს ომის შემდეგ რუსული კონტროლის ქვეშ გადავიდა როგორც ზემო კოდორის ხეობაში, ისე ცხინვალის რეგიონში.

”დიახ, რუსეთმა აიღო რამოდენიმე ათეული სოფელი... მაგრამ რუსეთის საბოლოო მიზანი იყო საქართველოს სრული განადგურება,” - განაცხადა პრეზიდენტმა სააკაშვილმა ტელეკომპანია ”იმედთან” ინტერვიუში, რომელიც 6 აგვისტოს. გადაიცა. მისი თქმით, ეს არის ის, რაც რუსეთის საგარეო საქმეთა მინისტრმა სერგეი ლავროვმა უთხრა იმ დროს თავის ამერიკელ კოლეგას კონდოლიზა რაისს. მისივე თქმით რუსეთმა თავის მთავარ მიზანს ვერ მიაღწია.

სააკაშვილის თქმით, ქართულ არმიას შეეძლო შეწინააღმდეგებოდა რუსულ ჯარს და დაეცვა ის ტერიტორიები, რომლებიც შემდგომ რუსეთის კონტროლის ქვეშ გადავიდა, მაგრამ, მისივე თქმით, ამას áƒ¥áƒáƒ áƒ—ული არმიის განადგურება მოჰყვებოდა და ”თბილისის დასაცავად აღარავინ დარჩებოდა”. მან განაცხადა, რომ ისინი ვინც ამბობენ რომ ომი საქართველომ დაიწყო, არიან ”მარგინალი პოლიტიკოსები.”

6 აგვისტოს საქართველოს მთავრობამ გამოაქვეყნა ვრცელი ანგარიში, სადაც ასახულია მისეული ვერსია იმ მოვლენებისა, რასაც აგვისტოში საბრძოლო მოქმედებები მოყვა.

6 აგვისტოს Washington Post-ში გამოქვეყნებულ სტატიაში პრეზიდენტი სააკაშვილი წერს, რომ რუსეთის 58-ე არმიამ გადმოკვეთა საქართველოს საერთაშორისო დონეზე აღიარებული საზღვრები და დაიწყო ”დიდი ხნის წინ დაგეგმილი შემოჭრა, რაც მიზნად ისახავდა ჩემი მთავრობის ჩამოგდებას და რეგიონზე მოსკოვის კონტროლის გაზრდას”.

იმავდროულად, Guardian-მა 6 აგვისტოს დაბეჭდა ორი სეპარატისტი ლიდერის, ედუარდ კოკოითის და სერგეი ბაღაფშის ერთობლივი სტატია, რომლებიც წერენ, რომ ერთი წლის წინ საქართველოს ლიდერებმა ”გასცეს სამხრეთ ოსეთის შეუიარაღებელ მოქალაქეებზე სამხედრო თავდასხმის ბრძანება”.

”აფხაზეთის და სამხრეთ ოსეთის თავისუფალი ერები დგანან იზოლაციის საფრთხის და საქართველოს მხრიდან დაშინების პოლიტიკის საფრთხის წინაშე, რომლის თანამონაწილეც დასავლეთია,” - ნათქვამია ბაღაფშისა და კოკოითის ერთობლივ სტატიაში.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12