Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
არაბული კომპანია “იმედის” წილების ფლობას უარყოფს
სივილ ჯორჯია, თბილისი / 4 თებ.'10 / 14:55

რას ალ ხაიმას საამიროს საინვესტიციო ფონდის აღმასრულებელმა დირექტორმა უარყო, რომ RAKIA-მ ან რომელიმე მისმა შვილობილმა კომპანიამ ტელეკომპანია ”იმედის” აქციები იყიდა და ივარაუდა, რომ გაურკვევლობა ტელეკომპანია ”იმედთან” მისი კომპანიის კავშირებთან დაკავშირებით იმ კომპანიის მსგავსმა სახელწოდებამ გამოიწვია, რომელიც სინამდვილეში ფლობს ტელეკომპანიის წილს.

”ჩვენ ამასთან არაფერი გვაქვს საერთო... რატომ უნდა ვიყიდო ტელეკომპანია საქართველოში? ეს პატარა ქვეყანაა. რისთვის დამჭირდება იქ ტელეკომპანია?” - განუცხადა რას ალ ხაიმას საინვესტიციო ხელისუფლების (Ras Al Khaimah Investment Authority - RAKIA) აღმასრულებელმა დირექტორმა ხატერ მასაადმა აბუ-დაბიში გამომავალ ინგლისურენოვან გაზეთს The National-ს.

2009 წლის 25 თებერვალს ტელეკომპანია ”იმედის” მფლობელმა ჯოზეფ ქეიმ განაცხადა, რომ მან ტელეკომპანიის აქციების 90% Rakeen Georgia-ს, კერძოდ კი, მის შვილობილ კომპანიას RAK Georgia Holding-ს მიყიდა.

Rakeen Georgia-ა არის RAKIA-ს კუთვნილი დეველოპერული კომპანია Rakeen-ის შვილობილი ფირმა, რომელიც თბილისშია განთავსებული და რომელიც საქართველოში რამოდენიმე დეველოპერულ პროექტს ახორციელებს.

ხატარ მასაადმა, რომელიც ასევე Rakeen-ის აღმასრულებელი დირექტორი და რას ალ ხაიმას მმართველის მოადგილის მრჩეველია, განაცხადა, როგორც ამის შესახებ The National-ი იტყობინება, რომ ბრენდი RAK, რომელიც საქართველოში ”სავსე ჯიბის” სინონიმი გახდა, სხვამ გამოიყენა.

”საქართველოში არის ვიღაც, ვინც საკუთარი კომპანია შექმნა სახელწოდებით RAK Georgia Holding. ეს კომპანია მართლაც არსებობს. მაგრამ ჩვენ მასთან არაფერი გვაქვს საერთო. პრობლემა იმაში მდგომარეობს, რომ მე არ დამირეგისტრირებია სახელი RAK როგორც ბრენდი,” - განაცხადა მან.

2009 წლის ნოემბერში ”საერთაშორისო გამჭირვალობა - საქართველომ” გამოაქვეყნა მოხსენება, სადაც საქართველოში არსებული ტელეკომპანიების მესაკუთრეთა არაგამჭვირვალეობაზეა საუბარი. მოხსენება შეიცავს ქართული ტელევიზიების და მათი ოფიციალურად დარეგისტრირებული მფლობელების სიას, რომელიც საქართველოს კომუნიკაციების ეროვნული კომისიისგან არის გამოთხოვილი. ამ ინფორმაციის თანახმად, ტელეკომპანია ”იმედის” 100%-ის მფლობელია შპს Georgian Media Production Group. ტელეკომპანია იმედის იურისტისგან მიღებული ინფორმაციის საფუძველზე მოხსენებაში ნათქვამია, რომ Georgian Media Production Group-ის აქციების 90%-ის მფლობელია RAAK Georgia Holding S.A (მოხსენებაში კომპანიის სახელი წერია RAAK და არა RAK), ხოლო 10%-ის მფლობელია ჯოზეფ ქეი, რომელიც გარდაცვლილი ბიზნესმენის ბადრი პატარკაციშვილის შორეული ნათესავია. ამ უკანასკნელის ოჯახი ქეის მიერ ტელეკომპანიის ფლობის კანონიერებას ეჭვქვეშ აყენებს და მასთან დავას განაგრძობს. 

”იმედის” 90%-ის მფლობელი Rakeen-ისა და მისი შვილობილი კომპანიის RAAK Georgia Holding-ის სამართლებრივი სტრუქტურა არ არის გამჭირვალე, რაც აჩენს ეჭვს, რომ მისი რეალური მფლობელები ქართველები არიან,” - ნათქვამია ”საერთაშორისო გამჭირვალობა - საქართველოს”  მოხსენებაში.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
31