მიხეილ სააკაშვილს ადრე თუ გვიან მოუწევს პასუხი აგოს ჩადენილ საქმეებზე, პირველ რიგში საკუთარი ხალხის წინაშე, განაცხადა რუსეთის პრეზიდენტმა დიმიტრი მედვედევმა 11 თებერვალს.

ტომსკში სტუდენტებთან შეხვედრაზე ერთ-ერთმა სტუდენტმა ჰკითხა მას, რომ ”როგორც ობივატელს” აინტერესებს რატომ არ წარსდგა პრეზიდენტი სააკაშვილი სასამართლოს წინაშე.

”ახლა მე ვიცი რა აწუხებს ობივატელს ტომსკში. კარგი იქნება ამის შესახებ გაიგოს სააკაშვილმა, მაგრამ იმის გათვალისწინებით, რომ ტრანსლირება ხდება, იმედი მაქვს, რომ დღეს მას ამის შესახებ მოახსენებენ,”- უპასუხა მედვედევმა.

თუმცა მას სტუდენტი დამატებით ჩაეკითხა: ”რაღაც არასამართლიანად გამოდის. ყველას ასამართლებენ და მიხეილ სააკაშვილს, რომელმაც მოაწყო ნამდვილი გენოციდი ჩვენი ხალხის, ყურადღებასაც კი არ აქცევენ”.

”თქვენ კითხვა დამისვით ირონიულ ფორმით, თუმცა რაც არ უნდა გასაკვირი იყოს, მე თქვენ 100%-ით დაგეთანხმებით. თოთოეულმა უნდა აგოს პასუხი თავის საქმეზე. და მას თავისი საქმეების შესაბამისად მიეგება,”- განაცხადა მედვედევმა.

”ამიტომ თუ შენ რაიმე ისეთი გააკეთე, მითუმეტეს პრეზიდენტის რანგში, რაზეც პასუხი უნდა აგო, ეს პასუხისმგებლობა ადრე თუ გვიან დადგება,”- განაგრძო მან,  ”როგორი იქნება ეს პასუხისმგებლობა? მე ვფიქრობ, რომ პირველ რიგში, ბატონმა სააკაშვილმა პასუხი უნდა აგოს თავის ხალხის წინაშე, რომლებიც ჩაითრია ომში, სამსხვერპლოდ გაწირა და საბოლოო ჯამში, ეს მივიდა მისი სახელმწიფოს ნგრევამდე”.