საქართველოს სოფლის მეურნეობის მინისტრი ბაკურ კვეზერელი გასულ კვირას ორდღიანი ვიზიტით ირანს სტუმრობდა, სადაც თავის კოლეგას სადექ ხალილიანს, ირანის ხელისუფლების სხვა წარმომადგენლებს და სოფლის მეურნეობის სექტორში მომუშავე ბიზნესმენებს შეხვდა, განაცხადა საქართველოს სოფლის მეურნეობის სამინისტრომ 2 ივნისს.
”ვიზიტით კმაყოფილი ვარ, რადგან საქართველოში კონკრეტული შედეგით ვბრუნდებით. შევთანხმდით, რომ ირანი განახორციელებს ინვესტიციას საქართველოს სოფლის მეურნეობაში და ააშენებს ცხვრის სასაკლაოს. მომავალში ჩვენ სხვა პროექტების განხორციელების შესაძლებლობასაც განვიხილავთ,” - განაცხადა ბაკურ კვეზერელმა.