Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
კონსტიტუციური პროექტის საჯარო განხილვა გრძელდება
სივილ ჯორჯია, თბილისი / 12 აგვ.'10 / 18:45

კონსტიტუციური ცვლილებების პროექტის ძირითადი ნაწილები, რომელიც ხელისუფლების შტოების ახალ უფლებამოსილებებს და მათ შორის განახლებულ ძალთა ბალანსის შემოღებას უკავშირდება, 2013 წლიდან შევა ძალაში, განაცხადეს დეპუტატებმა მმართველი პარტიიდან.

პარლამენტის თავმჯდომარის დავით ბაქრაძის განცხადებით, საჭიროა დრო ახალ სისტემაზე გადასასვლელად, რასაც ასევე წინ უნდა უძღოდეს მთელი რიგი საკანონმდებლო ცვლილებები და ფართო საინფორმაციო კამპანია.

„[კონსტიტუციური კანონის] ამოქმედება მოხდება ეტაპობრივად 2012 წლის საპარლამენტო და 2013 წლის საპრეზიდენტო არჩევნებიდან,“– განუცხადა Civil.ge-ს პარლამენტის თავმჯდომარემ, "საბოლოო ჯამში, 2013–ში მოხდება მთლიანად ამოქმედება და მანამდე ამოქმედება მოხდება ისე, რომ ცალკეული ნაწილების ამუშავებამ ხელი არ შეუშალოს მთლიანად სახელმწიფო მექანიზმის მუშაობას“.

ეს განცხადებები პარლამენტის თავმჯდომარემ დღეს ილიას უნივერსიტეტში გამართული შეხვედრის შემდეგ გააკეთა, რომელიც ერთ–ერთი იყო იმ შეხვედრების მთელ სერიას შორის, რომელიც პროექტის ერთთვიანი საერთო–სახალხო განხილვის ფარგლებში თითქმის ყოველდღიურად იმართება.

მან ასევე აღნიშნა, რომ კონსტიტუციის ახალი რედაქციის ასამუშავებლად "ყველა არჩევნების  რიგგარეშედ დანიშვნას არ ვაპირებთ“.

პარლამენტის თავმჯდომარემ, ასევე ხაზი გაუსვა, რომ არასწორია ვარაუდი იმის თაობაზე, რომ ცვლილებები მიზნად ისახავს პრემიერ–მინისტრის ინსტიტუტის გაძლიერებას "ვიღაცისთვის ადგილის დასაჯავშნად“.

ოპოზიციური პარტიების განცხადებით, პრეზიდენტი სააკაშვილი, რომელსაც მეორე და საბოლოო საპრეზიდენტო ვადა 2013 წელს ეწურება, ხელისუფლებაში დარჩენას პრემიერ–მინისტრის რანგში გეგმავს.

მორიგი საპარლამენტო არჩევნები 2012 წელს, ხოლო საპრეზიდენტო 2013 წელს არის დაგეგმილი.

ახალი საკონსტიტუციო მოდელის თანახმად, ახლადარჩეული პარლამენტი ახდენს მთავრობის ფორმირებას. კერძოდ, ეს პრეროგატივა პირველ ადგილზე გასულ პარტიას ენიჭება, რომელიც წარადგენს პრემიერ–მინისტრის კანდიდატურას დასამტკიცებლად. პრეზიდენტს კი, პრემიერ–მინისტრისთვის უფლებების გადანაწილების ხარჯზე, საკმაოდ შეეზღუდება უფლებამოსილებანი.

როგორც მმართველი პარტიიდან დეპუტატმა ლაშა თორდიამ განმარტა, კონსტიტუციური პროექტის ამ ახალი დებულებების ამოქმედება ნავარაუდევია 2013 წლიდან და არ გავრცელდება 2012 წელს ასარჩევ პარლამენტზე.

საკონსტიტუციო ცვლილებათა პროექტში, რომელიც მისი საყოველთაო–სახალხო განხილვის ფარგლებში გამოქვეყნებულია საქართველოს პარლამენტისა და გაეროს განვითარების პროგრამის (UNDP) ერთობლივი ძალისხმევით შექმნილ ვებ–გვერდზე, ამოქმედების ორი ვადაა მითითებული 2011 წლის 1 იანვარი და 2013 წლის 1 დეკემბერი – ამ უკანასკნელი თარიღიდან დებულებების დიდი უმეტესობის ამოქმედებაა გათვალისწინებული.

პარლამენტი პლენარულ სხდომებზე საკონსტიტუციო ცვლილებების განხილვის დაწყებას სექტემბერში გეგმავს.

პარლამენტის თავმჯდომარის ცნობით, სექტემბერში იგეგმება ასევე ვენეციის კომისიის დელეგაციის ვიზიტი საქართველოში, რომელიც საკონსტიტუციო ცვლილებების პროექტთან დაკავშირებით საბოლოო დასკვნას ამზადებს.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
16