Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
თბილისი მიესალმება ნატოს საპარლამენტო ასამბლეის რეზოლუციას
სივილ ჯორჯია, თბილისი / 16 ნოე.'10 / 23:59

საქართველოს ხელისუფლება მიესალმა ნატოს საპარლამენტო ასამბლეის მიერ 16 ნოემბერს მიღებულ რეზოლუციას, განსაკუთრებით დოკუმენტის იმ ნაწილს, სადაც აფხაზეთი და სამხრეთ ოსეთი ”ოკუპირებულ ტერიტორიებად” არის მოხსენიებული.

ნატოს საპარლამენტო ასამბლეამ, რომელიც აერთიანებს დეპუტატებს ალიანსის წევრი სახელმწიფოებიდან, ასევე ასოცირებულ დელეგატებს ნატოს პარტნიორი ქვეყნებიდან, მათ შორის საქართველოდან და რუსეთიდან, ვარშავაში გამართულ სესიაზე მიიღო რამოდენიმე რეზოლუცია, მათ შორის ერთ-ერთი საქართველოზე, რომელსაც შესასრულებლად სავალდებულო ხასიათი არ გააჩნია.

რეზოლუციაში ნათქვამია, რომ ასამბლეა ”ღრმა შეშფოთებას გამოთქვამს საქართველოს ოკუპირებულ ტერიტორიებზე არსებული ჰუმანიტარული სიტუაციის გამო” და მოუწოდებს მოსკოვს, ცხინვალსა და სოხუმს ”შეცვალონ შედეგი იმისა, რაც საქართველოს კონფლიქტზე ფაქტების დამდგენმა დამოუკიდებელმა საერთაშორისო მისიამ და სხვა საერთაშორისო დოკუმენტებმა აღწერეს როგორც ეთნიკური წმენდა.”

საქართველოს ხელისუფლების წარმომადგენლები რეზოლუციის სწორედ ამ ორ მომენტს - ”ოკუპირებული ტერიტორიების” და ”ეთნიური წმენდის” ხსენებას - უსვამდნენ ხაზს, როდესაც დოკუმენტს აფასებდნენ.

პრეზიდენტმა სააკაშვილმა რეზოლუციის მიღებამდე რამოდენიმე საათით ადრე ქუთაისში განაცხადა, რომ რუსეთი ძალ-ღონეს არ იშურებდა, რათა რეზოლუციაში ეს ტერმინები არ ჩაწერილიყო.

პარლამენტის თავმჯდომარემ, დავით ბაქრაძემ, რომელიც ვარშავაში საქართველოს დელეგაციას ხელმძღვანელობდა, "რუსთავი 2"-ს განუცხადა, რომ რეზოლუცია რუსეთისთვის მორიგი პოლიტიკური დარტყმაა.  
 
საქართველოს საგარეო საქმეთა მინისტრის მოადგილემ, ნინო კალანდაძემ, რომელმაც რეზოლუციის მიღების შემდეგ ბრიფინგი გამართა, განაცხადა, რომ ეს იყო პირველი შემთხვევა, როდესაც ნატოს საპარლამენტო ასამბლეამ აფხაზეთი და სამხრეთ ოსეთი ”ოკუპირებულ ტერიტორიებად” მოიხსენია.

2008 წლის რუსეთ-საქართველოს ომიდან სამი თვის შემდეგ, ნატოს საპარლამენტო ასამბლეამ მიიღო დეკლარაცია, სადაც დაგმობილი იყო რუსეთის მიერ ”არაპროპორციული ძალის გამოყენება” და ”საქართველოს ტერიტორიების ოკუპაცია”; იმავე დოკუმენტში ასევე დაგმობილი იყო ”ქართველების ეთნიკური წმენდა სამხრეთ ოსეთში.”

2010 წლის 16 ნოემბერს მიღებულ რეზოლუციაში, ასამბლეა მიესალმა რუსეთის მიერ სოფელ პერევის დატოვებას, თუმცა იქვე შეშფოთება გამოთქვა რუსეთის ფედერალური უშიშროების სამსახურის სასაზღვრო ჯარების მიერ აფხაზეთისა და სამხრეთ ოსეთის ადმინისტრაციულ სასზღვარზე მიმოსვლის გამკაცრებული პროცედურების შემოღების გამო.

დოკუმენტში ასევე ნათქვამია, რომ ასამბლეა ”ღრმად შეშფოთებულია” რომ რუსეთის სამხედრო ძალები არ დაბრუნებიან აგვისტოს ომამდე არსებულ პოზიციებს, როგორც ეს 2008 წლის 12 აგვისტოს ცეცხლის შეწყვეტის შესახებ ხელშეკრულებით არის გათვალისწინებული.

რეზოლუცია მიესალმება საქართველოს სტრატეგიას ოკუპირებულ ტერიტორიებთან მიმართებაში და მის სამოქმედო გეგმას და ასევე მოუწოდებს ნატოს წევრ სახელმწიფოებს კიდევ ერთხელ დაადასტურონ ბუქარესტის სამიტის გადაწყვეტილება, რომ საქართველო გახდება ალიანსის წევრი.

საქართველოს ხელისუფლების წარმომადგენლები აცხადებენ, რომ მართალია რეზოლუცია არ არის სავალდებულო ხასიათის, მაგრამ ის მაინც ძალიან მნიშვნელოვანია, რადგან მსგავსი დოკუმენტები, განსაკუთრებით კი ნატოს ლისაბონის სამიტის წინ, ქმნიან ზოგად განწყობას, რაც საქართველოსთვის გრძელვადიან პერსპექტივაში დადებითი შედეგის მომტანი იქნება.

რეზოლუციაში ასევე საუბარია საქართველოს საკონსტიტუციო და დემოკრატიულ რეფორმებზე.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
36