Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სპეცრაზმმა საპროტესტო აქცია დაშალა
სივილ ჯორჯია, თბილისი / 26 მაი.'11 / 04:08


ფოტო: გურამ მურადოვი/Civil.ge

სპეცრაზმმა პარლამენტის წინ შეკრებილ მომიტინგეთა დასაშლელად ცრემლსადენი გაზი, რეზინის ტყვიები, წყლის ჭავლი და ხელკეტები გამოიყენა. დარბევის შედეგად, რომელიც დაახლოებით 00:10 საათზე დაიწყო, რუსთაველის გამზირი გაიწმინდა სამხედრო აღლუმისთვის, რომელიც 26 მაისს 11:00 საათზე იგეგმება.

შინაგან საქმეთა სამინისტრომ განაცხადა, რომ ერთი პოლიციელი გარდაიცვალა მას შემდეგ, რაც "ორგანიზატორების ერთმა ნაწილმა“ მიტინგი დატოვა ისე, რომ თავიანთი მანქანებით დიდი სიჩქარით გაიარა ხალხის მასაში. 


ფოტო: გურამ მურადოვი/Civil.ge

19 პოლიციელი დაშავდა და ასევე არიან დაშავებულები მომიტინგეებს შორის. თუმცა, ზუსტი ოდენობა ჯერჯერობით უცნობია. აქციის დარბევიდან ცოტა ხანში აქციის ადგილას ათობით სასწრაფო დახმარების მანქანა მივიდა.

ფარებით და ხელკეტებით შეიარაღებულმა დიდი რაოდენობით სპეცრაზმელებმა თავიანთი პოზიციების დაკავება რუსთაველის გამზირის ორივე მხარეს ღამის 12 საათის შემდეგ დაიწყეს.

სპეცრაზმი ასევე განთავსდა მიმდებარე პატარა ქუჩებზეც.

დაახლოებით შუაღამისთვის ხელისუფლებამ თბილისის მერიის წარმომადგენელი გააგზავნა მომიტინგეებთან, რათა ეთქვა მათთვის, რომ მათ აქციის გამართვის უფლება აღარ ჰქონდათ, რადგანაც მათი განაცხადი აქციის ჩატარების თაობაზე 25 მაისს, დღის ბოლოს ამოიწურა.

დაახლოებით, რამდენიმე ათასმა მომიტინგემ, რომლებიც წვიმაში იდგნენ აქციაზე, უარი თქვეს ხელისუფლების წინადადების მიღებაზე, რომ სხვა ადგილას განეგრძოთ აქცია.


ფოტო: გურამ მურადოვი/Civil.ge

ქალის ხმამ ხმის გამაძლიერებელი მოწყობილობებიდან რამდენჯერმე გააფრთხილა მომიტინგეები, რომ დაშლილიყვნენ. 

აქციის ორგანიზატორები მოუწოდებდნენ მომიტინგეებს, რომ არ დაშლილიყვნენ. 

ღამის 12 საათის შემდეგ სპეცრაზმი რუსთაველის გამზირის ორივე მხრიდან და მიმდებარე ქუჩებიდან დაიძრა და პარლამენტის შენობის კიბეებიდან მომიტინგეები განდევნა. 

ათობით მომიტინგე, თუმცა შესაძლოა ასზე მეტიც დააპატიმრეს, მაგრამ დაკავებულთა ზუსტი ოდენობა ხელისუფლებას ჯერ–ჯერობით არ გამოუქვეყნებია; "პალიტრა–TV"-ის მიერ გავრცელებულ კადრებში ჩანს, თუ როგორც გამოჰყავთ პოლიციელებს სულ ცოტა 90 დაკავებული რუსთაველის კინოთეატრის შენობიდან. შსს–მ განაცხადა, რომ ეს პირები პოლიციისთვის წინააღმდეგობის გაწევის გამო დააპატიმრეს. 

მას შემდეგ, რაც რუსთაველის გამზირი მომიტინგეებისგან გაიწმინდა, პოლიციამ მომიტინგეთა დევნა ახლომდებარე ქუჩებზეც დაიწყო. 

ათობით სასწრაფო დახმარების მანქანა მივიდა ადგილზე დაშავებული ხალხისთვის დახმარების აღმოსაჩენად. ერთ მომიტინგეს მარცხენა ლოყაზე ჭრილობა ჰქონდა, რომელიც ძალიან ჰგავდა რეზინის ტყვიით, ან სხვა არალეტალური სასროლი იარაღიდან მიყენებულ ჭრილობას.

 

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
40