Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პარლამენტმა "თავისუფლების ქარტია“ დაამტკიცა
სივილ ჯორჯია, თბილისი / 31 მაი.'11 / 17:50

პარლამენტმა 81 ხმით, მესამე და საბოლოო მოსმენით ერთხმად დაამტკიცა "თავისუფლების ქარტია“.

ეს საკანონმდებლო ინიციატივა, რომელიც დეპუტატ გია თორთლაძეს ეკუთვნის და ასევე მხარი დაუჭირა მმართველმა პარტიამ, ითვალისწინებს ქვეყანაში საბჭოთა და ფაშისტური სიმბოლიკის აღმოფხვრას და ასევე აღმასრულებელ ხელისუფლებაში თანამდებობრივი შეზღუდვების დაწესებას მათთვის, ვინც 1989 წლის 9 აპრილამდე  ყოფილი საბჭოთა კავშირის სპეციალურ სამსახურებთან საიდუმლოდ თანამშრომლობდნენ ან კავშირში იყვნენ მათთან.

ამგვარმა ადამიანებმა 2012 წლის იანვრამდე უნდა დატოვონ კანონით განსაზღვრული თანამდებობები, რომელთა ჩამონათვალშიც ყველაზე მაღალი არის მინისტრის პოსტი.

კანონი აწესებს ე.წ. შეზღუდულ ლუსტრაციას, ვინაიდან უშიშროების აგენტების სია საჯარო არ იქნება და მათ შესახებ ინფორმაცია ექნება მხოლოდ სპეციალურ კომისიას, რომელიც შინაგან საქმეთა სამინისტროში შეიქმნება და მასში საპარლამენტო ფრაქციების წარმომადგენლებიც შევლენ.  კანონპროექტის თავდაპირველ ვარიანტში, ამგვარი კომისია პრეზიდენტს უნდა შეექმნა.

კომისია, კანონის თანახმად, აწარმოებს საიდუმლო აგენტების რეესტრს და უზრუნველყოფს ამ პირთა შესახებ ინფორმაციის საიდუმლოებას, თუმცა შეუძლია საჯარო გახადოს მხოლოდ იმ პირთა ვინაობა და მონაცემები, რომელთაც უკავიათ აკრძალული თანამდებობა და ნებაყოფლობით არ განაცხადებენ მასზე უარს. 

"თავისუფლების ქარტია" იმ ნაწილში, რომელიც ანტიტერორისტულ ღონისძიებებს ეხება, ითვალისწინებს ამგვარი დანაშაულის ნიშნების შემცველი ინფორმაციის შინაგან საქმეთა სამინისტროს კოორდინაციის ქვეშ მოქცევას; ასევე შსს-ს მიერ სასაზღვრო–გამშვები პუნქტების, საქართველოს ოკუპირებული რეგიონების მიმდებარე ტერიტორიების, აეროპორტების, საზღვაო პორტების, რკინიგზის სადგურების, მეტროპოლიტენის,  ხიდების,  საზოგადოებრივი მასობრივი თავშეყრის ადგილების და სხვა განსაკუთრებულად მნიშვნელოვანი ობიექტების” ვიდეო-სათვალთვალო კამერებით აღჭურვას და მათ დაკვირვების ერთიან სისტემაში ჩართვას.

კანონი შსს–ს ანიჭებს უფლებამოსილებას სახელმწიფო საზღვრის გავლით შემომავალი და გადაადგილებული ტვირთების მონიტორინგი განახორციელოს და იარაღის, საბრძოლო მასალის, ასაფეთქებელი ნივთიერებების უკანონო შემოსვლის აღკვეთის მიზნით შემოსავლების სამსახურთან ერთად განახორციელოს საეჭვო ტვირთების გახსნა და დათვალიერება.

უცხოეთიდან ფინანსური სახსრების კონტროლის კუთხით მესამე მოსმენით მიღებულ ვარიანტი მიუთითებს “უკანონო შემოსავლის ლეგალიზაციის აღკვეთის ხელშეწყობის შესახებ” კანონზე, რომლითაც ტერორიზმის დაფინანსების და ფულის გათეთრების წინააღმდეგ მიმართული ღონისძიებები რეგულირდება.  ამდენად, მასში უკვე აღარ არის ჩაწერილი ის კონკრეტული დებულებები, რომლებიც თავდაპირველ პროექტში იყო გათვალისწინებული და რაც შინაგან საქმეთა სამინისტროს მიერ "საზოგადოებრივ ორგანიზაციებზე, მოქალაქეებზე და პირებზე“ უცხოეთიდან 25 ათას ლარს ზევით ფინანსური გადმორიცხვების კონტროლს ითვალისწინებდა. 

 


 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14