Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
'ფოტოგრაფების საქმის გამოძიება უკვე დასრულებისკენ მიდის'
სივილ ჯორჯია, თბილისი / 15 ივლ.'11 / 18:52


წითელ რკალში ჩასმული გადახაზული ფოტოკამერის გამოსახულება წარწერით “No Pictures - No Democracy” ფოტოგრაფების დაპატიმრების წინააღმდეგ პროტესტის სიმბოლო გახდა. შაბათს საღამოს, რამდენიმე ადგილობრივი მედია საშუალება, მათ შორის „მაესტროს“ ტელე და რადიო სადგურები; ტელეკომპანია „კავკასია“; გორში მდებარე ტელეკომპანია „თრიალეთი“; ბათუმში მდებარე „25–ე არხი“; Obieqtivi.net; PalitraTV.ge და რადიოსადგური „პალიტრა“ ერთდროულად გადასცემენ პირდაპირ ეთერში ერთსაათიან ერთობლივ პროგრამას, სადაც დაკავებულ ფოტოგრაფთა საქმეს განიხილავენ.

ჯაშუშობაში ბრალდებული ფოტოგრაფების საქმის გამოძიება "უკვე დასასრულისკენ მიდის“ და სასამართლო პროცესი  "უახლოეს მომავალში დაიწყება“, განაცხადა შსს–ს საინფორმაციო და ანალიტიკური დეპარტამენტის ხელმძღვანელმა შოთა უტიაშვილმა 15 ივლისს.

“მე არ ვიცი ეს თარიღი –  პირველი სექტემბერი  – საიდან მოდის. მე არ გამოვრიცხავ, რომ ცოტა უფრო ადრე სასამართლო პროცესი დაიწყოს“, – განუცხადა მან ჟურნალისტებს.

დაკავებული ფოტოგრაფების ადვოკატებმა მას შემდეგ, რაც 8 ივლისს საქალაქო სასამართლომ მათ კლიენტებს წინასწარი პატიმრობა შეუფარდა, განაცხადეს, რომ სასამართლოში საქმის წინასწარი მოსმენა 1 სექტემბრისთვის დაინიშნა.

15 ივლისს თბილისის საქალაქო სასამართლოს პრესსამსახურში Civil.ge-ს დაუდასტურეს, რომ ამ საქმეზე სასამართლოს წინასწარი მოსმენა 1 სექტემბერს გაიმართება.

ამასთან, უტიაშვილმა კონკრეტული პასუხი არ გასცა ჟურნალისტის კითხვას, მისცეს თუ არა აღიარებითი ჩვენება დაკავებულმა ფოტოგრაფებმა ზურაბ ქურციკიძემ, European Pressphoto Agency-ის (EPA) კორესპონდენტმა და გიორგი აბდალაძემ დასავლურ მედია სააგენტოებზე მომუშავე ფოტოკორესპონდენტმა და საგარეო საქმეთა სამინისტროს ფოტოგრაფმა.

"მე არ ვარ უფლებამოსილი, რომ გავამხილო ეს ინფორმაცია,“– განაცხადა მან.

უტიაშვილმა ასევე აღნიშნა, რომ ამ ეტაპზე შინაგან საქმეთა სამინისტრო რაიმე დამატებითი მტკიცებულებების წარმოდგენას არ აპირებს. მისი თქმით, დაინტერესებულ პირებს „ღია სასამართლო პროცესზე“ თავად მიეცემათ ამ მტკიცებულებების გაცნობის საშუალება.

მან ასევე აღნიშნა, რომ ფოტოგრაფების "მთელ საქმეს გრიფი "საიდუმლო“ არ ადევს“.

"ამ საქმეში საიდუმლო იქნება მხოლოდ ძალიან მცირე ნაწილი დოკუმენტებისა, რომელსაც ამ საქმის გარეშეც ედო გრიფი "საიდუმლო“, – განაცხადა მან.

კითხვაზე, ხომ არ დაარღვია მან უდანაშაულობის პრეზუმპცია, როცა სასამართლო განაჩენის გამოტანამდე, ზურაბ ქურციკიძეს "დიდი სტაჟის მქონე აგენტი“ უწოდა გაზეთ "კომერსანტთან“ ინტერვიუში, უტიაშვილმა კვლავაც გაიმეორა, რომ „ბატონ ქურციკიძეზე ჩვენ დიდი ხანია გვაქვს ინფორმაცია, რომ ის თანამშრომლობს სხვა ქვეყნის სპეცსამსახურებთან“.   

“სასამართლო არ შემდგარა, მაგრამ იმედია სასამართლო დაადასტურებს,“– განაგრძო მან, "თუ მე რამე დავარღვიე, ამისთვის ბოდიშს ვიხდი, მაგრამ ჩვენთვის ეს კაცი ცნობილია, როგორც, კიდევ ერთხელ ვიმეორებ, სპეცსამსახურის თანამშრომელი“.

იმავდროულად, ჟურნალისტთა საერთაშორისო ფედერაციამ მოუწოდა საქართველოს ხელისუფლებას გირაოთი გაათავისუფლოს დაპატიმრებული ფოტოგრაფები.

"ჟურნალისტების წინააღმდეგ ჯაშუშობის ბრალდებების წაყენება ასე ადვილად არ უნდა ხდებოდეს“, – განაცხადა ფედერაციის პრეზიდენტმა ჯიმ ბუმელამ და შეშფოთება გამოხატა იმის გამო, რომ საქმეს გრიფი "საიდუმლო“ ადევს.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
44