Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ფოტოგრაფების საქმე შესაძლოა საპროცესო შეთანხმებით დასრულდეს
სივილ ჯორჯია, თბილისი / 18 ივლ.'11 / 13:20

(განახლებული ტექსტი მოიცავს ზურაბ ქურციკიძის ადვოკატის კომენტარს მე–5, მე–6 და მე–7 აბზაცებში)

ალბათობა, რომ ჯაშუშობის ბრალდებით დაკავებული ფოტოგრაფების საქმე სექტემბერში დაგეგმილ სასამართლომდე საპროცესო შეთანხმებით დასრულდება, მას შემდეგ გაიზარდა, რაც ცნობილი გახდა, რომ სამივე ფოტოგრაფმა, რომლებიც წინასწარ პატიმრობაში იმყოფებიან, აღიარებითი ჩვენებების მიცემაზე თანხმობა განაცხადა.

ყველა დაკავებული ფოტოგრაფის მიმართ საპროცესო შეთანხმების გაფორმების შემთხვევაში - საქართველოს სისხლის სამართლის მართლმსაჯულების სისტემაში ძალზედ გავრცელებული პრაქტიკა, რომელიც ხშირად უფლებადამცველების კრიტიკის საგანია - საქმის არსებითი განხილვა სასამართლოზე აღარ შედგება. 

საქართველოს სისხლის სამართლის საპროცესო კოდექსის თანახმად, საპროცესო შეთანხმება ბრალდების და დაცვის მხარეებს შორის სასამართლოს გადაწყვეტილებით უნდა დამტკიცდეს და მოსამართლე უნდა დარწმუნდეს, რომ საპროცესო შეთანხმება ძალდატანებით არ მოხდა. მოსამართლემ ასევე უნდა შეისწავლოს საქმეში არსებული მტკიცებულებები. ბევრი ადვოკატი აცხადებს, რომ საქმეების დიდ უმრავლესობაში ეს პროცედურა უბრალო ფორმალობაა და უმრავლეს შემთხვევებში მოსამართლეები საპროცესო შეთანხმებას ამტკიცებენ. 

გამოძიებასთან დაახლოებულმა წყარომ განუცხადა Civil.ge–ს, რომ ზურაბ ქურციკიძე, European Pressphoto Agency-ის (EPA) კორესპონდენტი, იმ პირობით დათანხმდა აღიარებითი ჩვენების მიცემას და საპროცესო შეთანხმების მიღწევას, თუ მისი ჩვენება კონფიდენციალური დარჩება და არ გახდება საჯარო. იმავე წყარომ განაცხადა, რომ საპროცესო შეთანხმებით ქურციკიძეს, სავარაუდოდ, პირობითი სასჯელი შეეფარდება. 

ქურციკიძის ადვოკატმა დაუდასტურა Civil.ge-ს, რომ მისმა კლიენტმა აღიარებითი ჩვენება მისცა, თუმცა არანაირი პირობები არ წამოუყენებია. 

"არანაირ წინაპირობას აღიარებითი ჩვენების მიცემის დროს ქურციკიძის მხრიდან ადგილი არ ქონია, ჩვეულებრივად ადვოკატების თანდასწრებით მისცა ჩვენება", – განუცხადა Civil.ge–ს ადვოკატმა ნინო ანდრიაშვილმა.

მისი თქმით, "ჯერ–ჯერობით" საპროცესო შეთანხმების გაფორმების თაობაზე "საუბარი არ არის".

გიორგი აბდალაძემ, სხვადასხვა მედია საშუალებებზე მომუშავე ფოტოკორესპონდენტმა და საგარეო საქმეთა სამინისტროს ფოტოგრაფმა, აღიარებითი ჩვენება 16 ივლისს მისცა. მანამდე აბდალაძე დაჟინებით აცხადებდა, რომ ის უდანაშაულო იყო.

აბდალაძის ადვოკატები აცხადებენ, რომ მისი აღიარების გულწრფელობაში ეჭვი ეპარებათ.

პრეზიდენტის პირადმა ფოტოგრაფმა ირაკლი გედენიძემ აღიარებითი ჩვენება 9 ივლისს მისცა. გედენიძის მეუღლე ნათია გედენიძე, გაზეთ „პრაიმტაიმის“ ფოტოგრაფი, დანარჩენებთან ერთად დააპატიმრეს, თუმცა ის 9 ივლისს ჯერ გაათავისუფლეს და შემდეგ კი სასამართლომ გირაო შეუფარდა.

თავის აღიარებით ჩვენებაში გედენიძემ ქურციკიძე „ჯაშუშური ქსელის“ სავარაუდო ხელმძღვანელად წარმოაჩინა, რომელმაც აიძულა ინფორმაცია მიეწოდებინა.

თუმცა, გამოძიების ბოლო ოფიციალური ვერსიის თანახმად, სამივე ფოტოგრაფი რუსულმა დაზვერვამ ცალ–ცალკე გადაიბირა და ისინი მოგვიანებით დაუკავშირა ერთმანეთს. ამ ოფიციალური ვერსიის თანახმად, გედენიძე უკვე მუშაობდა რუსულ დაზვერვაზე იმ დროს, როდესაც ხუთი წლის წინ საქართველოს პრეზიდენტის ადმინისტრაციაში დაიწყო ფოტოგრაფად მუშაობა.

ბევრი ჟურნალისტი და მედია აქტივისტი, რომლებიც აქტიურ კამპანიას აწარმოებენ საქმეზე „საიდუმლო“ გრიფის მოხსნის მოთხოვნით, დაკავებული ფოტოგრაფების აღიარებითი ჩვენენების არ სჯერათ და აცხადებენ, რომ „საეჭვო აღიარებები“ არ პასუხობს იმ კითხვებს, რომლებიც მათ საქმესთან დაკავშირებით გააჩნიათ; ისინი აგრძელებენ კამპანიას, რათა საქმეში არსებული მტკიცებულებები ხელმისაწვდომი გახდეს. 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
36