კონტროლის პალატამ საქველმოქმედო ფონდი „ქომაგის“ ანგარიშები დააყადაღა მოაქცია რა ეს ორგანიზაცია მონიტორინგის ქვეშ ოპოზიციურ კოალიცია „ქართულ ოცნებასთან“ კავშირის მოტივით.

17 მაისს ფონდის ანგარიშზე უცხოეთიდან 90 ათასი ევრო გადარიცხა კონსერვატიული პარტიის საგარეო ურთიერთობათა მდივანმა ბიძინა გიორგობიანმა, რომელიც „რომელიც ამავდროულად არის პოლიტიკური კოალიცია „ქართული ოცნება-დემოკრატიული საქართველოს“ წევრი და მისივე საჯარო განცხადებებით, მჭიდროდაა დაკავშირებული „ქართული ოცნების“ გეგმებთან", განაცხადა კონტროლის პალატის ფინანსური მონიტორინგის სამსახურმა 18 მაისს.

„აღნიშნული ტრანსაქცია, ისევე როგორც ფონდის საქმიანობა, სუბიექტებით, ფორმით, შინაარსითა და სხვა ნიშნებით პოლიტიკური ხასიათითაა ნიშანდებული და წინააღმდეგობაშია მოქმედ კანონმდებლობასთან“ პარტიათა დაფინანსების შესახებ, განაცხადა კონტროლის პალატამ.

ბიძინა გიორგობიანმა, რომელიც ხელისუფლებასთან დაპირისპირების გამო საქართველოდან 2005 წელს გაიქცა, განუცხადა გაზეთ "რეზონანსს", რომ მან კონსერვატიული პარტია 2011 წლის სექტემბერში დატოვა და ამჟამად არცერთი პარტიის წევრი არ არის.

ახალი საქველმოქმედო ფონდი "ქომაგი", რომლის საქმიანობა მიზნად ისახავს იმ პირების  სამართლებრივ, მორალურ და ფინანსურ დახმარებას, ვისაც „პოლიტიკური რეპრესიები“ შეეხება, შესაძლო კანონდარღვევის შესახებ წინასწარ გააფრთხილეს კონტროლის პალატამ და უფლებადამცველმა ორგანიზაციებმა. ფონდის ხელმძღვანელობამ უარყო, „ქომაგის“ რაიმე კავშირი რომელიმე პოლიტიკურ ძალასთან.