თბილისის საკრებულოს ორმა წევრმა ნაციონალური მოძრაობიდან ირაკლი შიხიაშვილმა და მიხეილ ქავთარაძემ ოპოზიციურ კოალიცია „ქართულ ოცნებას“ მხარდაჭერა გამოუცხადეს.

მათ ბიძინა ივანიშვილთან გამართული შეხვედრის შემდეგ აღნიშნეს, რომ მმართველი პარტიისგან გამიჯვნის გადაწყვეტილება ციხის სკანდალის შემდეგ მიიღეს.

ივანიშვილმა მათ ამ ნაბიჯს „ღირსეული“ და „დროული“ უწოდა და სხვა საჯარო მოხელეებს ამ პრეცედენტის მიბაძვისკენ მოუწოდა. მისი თქმით, იმის გამო, რომ საჯარო მოხელეები სააკაშვილის გუნდთან არიან, მათთვის „კარები არ დაიხურება“.