Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სალომე ზურაბიშვილის სარჩელი სააპელაციო სასამართლომაც არ დააკმაყოფილა
სივილ ჯორჯია, თბილისი / 10 სექ.'13 / 18:21

თბილისის სააპელაციო სასამართლომ სალომე ზურაბიშვილის სარჩელი არ დააკმაყოფილა და ძალაში დატოვა საქალაქო სასამართლოს გადაწყვეტილება, რომლის მიხედვითაც, ზურაბიშვილს ორმაგი მოქალაქეობის გამო 27 ოქტომბრის არჩევნებში პრეზიდენტის პოსტზე კენჭისყრის უფლება არ აქვს.

„დღევანდელი გადაწყვეტილება არის სირცხვილი... მთლიანად სახელმწიფოსი“, - განაცხადა ზურაბიშვილმა  10 სექტემბერს სასამართლო სხდომის დასრულების შემდეგ.

მას შემდეგ, რაც 3 სექტემბერს ცესკომ მას უარი უთხრა კანდიდატად რეგისტრაციაზე, ზურაბიშვილმა ამ გადაწყვეტილების გასაუქმებლად სასამართლოში კანონმდებლობით დაშვებული ყველა ინსტანცია გაიარა. სააპელაციო სასამართლოსგან უარის მიღების შემდეგ მან განაცხადა, რომ თავისი უფლებებისთვის ბრძოლას სტრასბურგის ადამიანის უფლებათა სასამართლოში გააგრძელებს.

კანდიდატად რეგისტრაციაზე მისთვის უარის თქმის მოტივი კონსტიტუციაში არსებული ჩანაწერი გახდა, რომელიც ორმაგი მოქალაქეობის მქონე პირს პრეზიდენტის თანამდებობის დაკავებას უკრძალავს.

ყოფილი საგარეო საქმეთა მინისტრი სალომე ზურაბიშვილი, რომელსაც საქართველოსა და საფრანგეთის მოქალაქეობა აქვს და ქართული პოლიტიკიდან 2010 წელს „დროებით“ წავიდა გაეროს უშიშროების საბჭოს მიერ ირანის საკითხებზე შექმნილი ჯგუფის ხელმძღვანელად დანიშვნის გამო, აცხადებს, რომ კონსტიტუცია მას, როგორც ორმაგი მოქალაქეობის მქონე პირს, უკრძალავს პრეზიდენტობას და არა კანდიდატად რეგისტრაციას.

10 სექტემბერს სალომე ზურაბიშვილმა განუცხადა ჟურნალისტებს, რომ მას საქართველოს მოქალაქეობის დათმობაზე შეტანილი ჰქონდა განაცხადი საფრანგეთის საელჩოში, რომელიც „დაკმაყოფილდებოდა იმ დღესვე, როცა საქართველოს მოსახლეობა ამირჩევდა პრეზიდენტად“. „მაგრამ მე არ გამოვდივარ ორმაგი მოქალაქეობიდან“, - განაცხადა მან სააპელაციო სასამართლოსგან უარის მიღების შემდეგ.

ზურაბიშვილის გარდა, კიდევ ორ პოტენციურ საპრეზიდენტო კანდიდატს ეთქვა უარი რეგისტრაციაზე ასევე ორმაგი მოქალაქეობის საფუძველზე. მათგან ერთ–ერთმა, რომელსაც საქართველოს და ჰოლანდიის მოქალაქეობა აქვს, გადაწყვეტილება სასამართლოში გაასაჩივრა, თუმცა საქმე ასევე წააგო.

ამასთან, 10 სექტემბერს პრეზიდენტობის კანდიდატობის კიდევ ერთმა მსურველმა ზურაბ წიწუაშვილმა განაცხადა, რომ მასაც ორმაგი მოქალაქეობა აქვს, თუმცა ამის მიუხედავად, ცესკომ მისი წარმდგენი საინიციატივო ჯგუფი და პირადი წარმომადგენელი დაარეგისტრირა.

როგორც ცესკოს პრესსპიკერმა ეკა აზარაშვილმა Civil.ge-ს განუმარტა, წიწუაშვილი, როგორც პრეზიდენტობის კანდიდატი ჯერ დარეგისტრირებული არ არის და ამ ეტაპზე მხოლოდ საინიციატივო ჯგუფს აქვს ცესკოში რეგისტრაცია გავლილი. 

„საინიციატივო ჯგუფის დარეგისტრირების დროს წარმოდგენილ დოკუმენტაციაში არასად ფიქსირდებოდა ზურაბ წიწუაშვილის ორმაგი მოქალაქეობა“, - განაცხადა აზარაშვილმა, „მას შემდეგ, რაც მან საჯაროდ განაცხადა ორმაგი მოქალაქეობის შესახებ, ცესკო შესაბამისი უწყებებიდან გამოითხოვს დოკუმენტაციას და შესაბამის გადაწყვეტილებას მიიღებს, რასაც საზოგადოებასაც ამცნობს“.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2024, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
7