Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ივანიშვილმა, მარგველაშვილმა და უსუფაშვილმა მოზეიმე მხარდამჭერებს მიმართეს
სივილ ჯორჯია, თბილისი / 27 ოქტ.'13 / 23:17

ქართული ოცნების ოფისის წინ შეკრებილი მოზეიმე მხარდამჭერების წინაშე გამოსვლისას ქართული ოცნების საპრეზიდენტო კანდიდატმა გიორგი მარგველაშვილმა მადლობა გადაუხადა პრემიერ–მინისტრ ბიძინა ივანიშვილს იმისათვის, რომ მან ეს გამარჯვება შესაძლებელი გახადა.

მან მადლობა გადაუხადა თავისი შტაბის წარმომადგენლებს და კოალიცია ქართულ ოცნებას და შემდეგ განაცხადა: „დიდი მადლობა მინდა ვუთხრა ჩემთვის უარესად მნიშვნელოვან ადამიანს, რომელიც ჩემთვის არის და ყოველთვის დარჩება ძალიან სერიოზულ ავტორიტეტად, ჩემს მეგობარს ბიძინა ივანიშვილს. ბიძინამ შექმნა შარშანდელი გამარჯვება, ბიძინა შექმნა ჩვენი ერთობა და შექმნა დღევანდელი გამარჯვება“.

„ჩვენ გამოვედით ძალიან მძიმე მდგომარეობიდან ძალიან მშვიდობიანად, ჩვენ ვაჩვენეთ მთელ მსოფლიოს თავისუფალი ერი თავისუფლად ირჩევს თავის ხელმძღვანელობას, თავისუფლად ირჩევს იმ ადამიანს, რომლებიც უნდა ემსახურონ ამ ერს“, – განაცხადა მარგველაშვილმა, რომლის გვერდზე ასევე იდგნენ ივანიშვილი და პარლამენტის თავმჯდომარე დავით უსუფაშვილი.

პრემიერ–მინისტრმა განაცხადა, რომ ქვეყანა უძველესი ტრადიცია კიდევ ერთხელ გამოიყენა და აჩვენა, რომ ქართველები დაბალანსებულები და ევროპელები არიან.

მისი თქმით, უზარმაზარი გამარჯვება იქნება, რომ ქვეყანა მომდევნო ოცი წლის მანძილზე ყველაზე წარმატებული ერების წევრი გახდეს. მან ასევე განაცხადა, რომ თუ ვინმე იქნება წარმატებული მსოფლიოში, საქართველო მათ რიცხვში იქნება, თუმცა, ამისთვის ცოტა მოთმინებაა საჭირო.

ივანიშვილის თქმით, იგი ყოველთვის დარწმუნებული იყო მარგველაშვილის გამარჯვებაში პირველივე ტურში. თუმცა ასევე აღნიშნა, რომ მეორე ტური იქნებოდა „ტრაგედია ჩემთვის“, რადგან „მეორე ტური გამოაჩენდა, რომ ქართველ ხალხს არ აქვს მადლიერების განცდა - ეს არ მინდოდა მე“.

„დღეს ხალხში დგას მთელი მთავრობა... დღეს რიგითები არიან თქვენთან ერთად და არა ისე, რომ ეგონათ მოდიოდნენ და მერე უნდა ემსახუროს ხალხი რომელიმე მინისტრს“, - მიმართა მან კოალიციის ცენტრალური ოფისის ეზოში შეკრებილ მხარდამჭერებს, „თქვენ შორის არიან ისინი [მინისტრები] და არაფრით არ გამოირჩევიან, ასეთი ვიყავი მე, ასეთი მთავრობა მოვიყვანე და ასეთი ეყოლება მომავალში და ასეთს აიტანს მხოლოდ საქართველოს მოსახლეობა, სხვანაირ მთავრობას აღარ აიტანს“.

პარლამენტის თავმჯდომარემ დავით უსუფაშვილმა განაცხადა: „ბიძინა ივანიშვილმა შეკრიბა კოალიციის სახით „ლაშქარი“ და „დღეს მეორე დიდი გამარჯვება მოვიპოვეთ და ასეთი გამარჯვებებით ვივლით წინ“.

„გიორგის ვულოცავ მე ამ დიდ გამარჯვებას. ის იქნება საქართველოს პრეზიდენტი, ყველას პრეზიდენტი. ეს იქნება სწორედ ის განსხვავება, რომელიც გვინდა, რომ ვაჩვენოთ ჩვენ ქვეყანას.  დღევანდელი არჩევნები როგორც იყო განსხვავებული ყველა წინა არჩევნებისგან, ხომ იყო ასე? აი ასეთივე განსხვავებული, ასეთივე თვისობრივად სხვანარი პრეზიდენტი ავირჩიეთ ჩვენ“,  - განაცხადა უსუფაშვილმა, „ხვალიდან ვაგრძელებთ შრომას ჩვენი სამშობლოსთვის“.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
51