Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
უკანონო შეიარაღებულ ფორმირებებთან დაკავშირებული დანაშაულთა წრე გაფართოვდა
Civil Georgia, Tbilisi / 12 ივნ.'15 / 14:16

პარლამენტმა 12 ივნისს მესამე და საბოლოო მოსმენით მიიღო ცვლილებები  სისხლის სამართლის კოდექსში, რომელიც აფართოებს უკანონო შეიარაღებულ ფორმირებებთან დაკავშირებულ დანაშაულთა წრეს.

ამასთან, კანონპროექტი ტერორისტული მიზნებით საზღვრის კვეთის კრიმინალიზებასაც ახდენს.

კანონპროექტის მიხედვით, „უკანონო ფორმირებაში გაწევრიანება ან/და მონაწილეობა, ასეთი ფორმირების მიერ ორგანიზებული წვრთნის გავლა, ამგვარ უკანონო ფორმირებაში გაწევრიანების, მონაწილეობის ან მისი საქმიანობის სხვაგვარი ხელშეწყობის მიზნით პირის გადაბირება ან გაწვრთნა, პირთა შეგროვება“ დაისჯება 3-დან 7 წლამდე პატიმრობით.

კანონპროექტი უკანონო ფორმირებაში გაწევრიანებასთან ან მონაწილეობასთან დაკავშირებული საინფორმაციო მასალის ან სიმბოლიკის გავრცელებისთვისაც ითვალისწინებს სამ წლამდე პატიმრობას, თუმცა მხოლოდ იმ შემთხვევაში, როცა  ეს „კანონსაწინააღმდეგო შედეგის დადგომის აშკარა, პირდაპირ და არსებით საფრთხეს“  ქმნის. თუკი ასეთივე საფრთხეს ქმნის უკანონო ფორმირებებთან დაკავშირებული დანაშაულის ჩადენისკენ საჯარო მოწოდება, ის ორ წლამდე პატიმრობით დაისჯება.

შინაგან საქმეთა მინისტრის მოადგილემ ლევან იზორიამ აპრილში კანონპროექტის პირველი მოსმენით განხილვის დროს განაცხადა, რომ მთავრობამ ამ ინიციატივის მომზადება დასავლელ პარტნიორებთან თანამშრომლობით გასულ წელს დაიწყო იმის პრევენციისთვის, რომ საქართველოს მოქალაქეები სირიასა და ერაყში ისლამური სახელმწიფოს სახელით ცნობილ სამხედრო დაჯგუფებაში საბრძოლველად არ ჩაერთონ. მან პანკისის ხეობაში მცხოვრები მუსლიმი ახალგაზრდების რადიკალიზაციას გამოწვევა უწოდა და ასევე აღნიშნა, რომ ამ პრობლემასთან გასამკლავებლად მხოლოდ კანონმდებლობის გამკაცრება საკმარისი არ არის და სახელმწიფომ „სხვა დაინტერესების საფუძველი უნდა შესთავაზოს“ ადგილობრივებს, რათა მათი „ინტეგრაცია მოხდეს საზოგადოებაში“.

კანონპროექტის თანახმად, ვინც ნებაყოფლობით შეწყვეტს უკანონო ფორმირებაში მონაწილეობას, წვრთნების გავლას, პირთა გადაბირებას ან შეგროვებას ასეთ ფორმირებაში გასაწევრიანებლად და ჩააბარებს იარაღს, სისხლის სამართლებრივი პასუხისმგებლობისგან გათავისუფლდება.

6-დან 9-წლამდე პატიმრობით დასჯადი ქმედება ხდება საქართველოს სახელმწიფო საზღვრის გადაკვეთა ან გადაკვეთის მცდელობა ტერორისტული საქმიანობის განხორციელების, მომზადების, მონაწილეობის მიღების ან ტერორისტული წვრთნის გავლის მიზნით.

ამასთან, ტერორისტულ ორგანიზაციაში გაწევრიანებისათვის ან ტერორისტული საქმიანობის განხორციელებისათვის გადაბირება 5-დან 10 წლამდე პატიმრობით დაისჯება; ასევე, კანონპროექტის თანახმად, დასჯადი ხდება ტერორიზმისკენ მოწოდება ან ტერორიზმის საჯაროდ მხარდაჭერა, თუ ეს ქმედება წარმოშობს „ტერორისტული საქმიანობის განხორციელების აშკარა, პირდაპირ და არსებით საფრთხეს“.

სისხლის სამართლის კოდექსს ასევე ემატება მუხლი, რომელიც  6-დან 10-წლამდე თავისუფლების აღკვეთას ითვალისწინებს „წინასწარი შეცნობით“ საქართველოს კონსტიტუციური წყობილებისა და ეროვნული უშიშროების საფუძვლების წინააღმდეგ მიმართული საქმიანობის დაფინანსების ან ამგვარი საქმიანობის სხვაგვარი მატერიალური მხარდაჭერისთვის.

ამ კანონპროექტის ნაწილია ცვლილება, რომელიც „ძალადობრივი ქმედებებისკენ საჯარო მოწოდების“ კრიმინალიზაციას ახდენს. 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2024, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
6