Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ნაციონალური მოძრაობა ახალი თავმჯდომარის არჩევაზე შეუთანხმებლობის ფონზე ფართომასშტაბიან ყრილობას იანვარში გეგმავს
Civil Georgia, Tbilisi / 1 დეკ.'16 / 14:52

ოპოზიციური ნაციონალური მოძრაობის პოლიტსაბჭომ ხანგრძლივი მსჯელობის შედეგად გადაწყვეტილება ფართომასშტაბიანი ყრილობის სასარგებლოდ მიიღო, რომელიც, სავარაუდოდ, 20 იანვარს გაიმართება იმ ფორმატით, როგორც ეს პარტიის დამფუძნებელს მიხეილ სააკაშვილს სურდა, თუმცა საკითხი ახალი თავმჯდომარის არჩევის თაობაზე კვლავ დაპირისპირების საგნად რჩება.

30 ნოემბერს პოლიტსაბჭოს 25-მა წევრმა 24-ის წინააღმდეგ მხარი დაუჭირა გადაწყვეტილებას, რომ ყრილობა 7 ათასი დელეგატის მონაწილეობით გაიმართოს, თუმცა კონკრეტულად როგორი დღის წესრიგით, ეს, როგორც პარტიაში აცხადებენ, შემდგომი მსჯელობის საგანია. კენჭისყრის შედეგების მიხედვით, პოლიტსაბჭოს ორმა წევრმა თავი შეიკავა ხმის მიცემისგან.

„დღეს ჩემი პოზიციის საწინააღმდეგო გადაწყვეტილება იქნა მიღებული, მაგრამ ეს არის დემოკრატიული პროცესის ნაწილი“, - განუცხადა ნაციონალური მოძრაობის დეპუტატმა გიგა ბოკერიამ პოლიტსაბჭოს სხდომის დასრულების შემდეგ ჟურნალისტებს.

მისი თქმით, ის მხარს უჭერდა ყრილობის უფრო შემჭიდროვებულ ვადებში და 2 ათასი დელეგატის მონაწილეობით ჩატარებას, სადაც პარტიის ახალი თავმჯდომარე უნდა აერჩიათ.

თავმჯდომარის არჩევა უთანხმოების ერთ-ერთი მთავარი თემა გახდა პარტიაში მას შემდეგ, რაც არჩევნების შემდეგ ნაციონალურმა მოძრაობამ უარყო სააკაშვილის მოწოდება საპარლამენტო საქმიანობის ბოიკოტირების თაობაზე. პარტიის წევრთა ნაწილი ახალი თავმჯდომარის არჩევას უჭერს მხარს, როცა მათი ოპონენტები ამ პოსტის ვაკანტურად დატოვებას ითხოვენ - მას შემდეგ, რაც 2015 წლის დეკემბრიდან მიხეილ სააკაშვილმა საქართველოს მოქალაქეობის შეწყვეტის გამო დაკარგა პარტიის თავმჯდომარეობის უფლება, ამ თანამდებობაზე პარტიას შემცვლელი არ აურჩევია.

„მიხეილ სააკაშვილის როლი ამ პარტიის ცხოვრებაში არის უზარმაზარი, უბრალოდ პარტია აგრძელებს ცხოვრებას და იმ ვითარებაში, როცა ის უკრაინაშია ჩართული თავის ბრძოლაში, ამ პარტიას სჭირდება თავმჯდომარე და [საპარლამენტო უმცირესობის ლიდერი და პოლიტსაბჭოს თავმჯდომარე] დავით ბაქრაძე არის საუკეთესო კანდიდატურა ამისთვის“, - განაცხადა ბოკერიამ.

მისი თქმით, ახალი თავმჯდომარის არჩევის საკითხი ყრილობაზე ალტერნატივის სახით მაინც დადგება.

თუმცა ოპონენტების მტკიცებით, ამ საკითხის ყრილობაზე წამოწევას პოლიტსაბჭომ მხარი არ დაუჭირა.

„გაიმარჯვა მიშას გუნდმა“, დაწერა თავის facebook-ის გვერდზე ნაციონალური მოძრაობის წევრმა ჩიორა თაქთაქიშვილმა, რომელიც პოლიტსაბჭოს სხვა არადეპუტატ 21 წევრთან ერთად 29 ნოემბერს გავრცელებულ განცხადებაში ახალი თავმჯდომარის არჩევის წინააღმდეგ მოუწოდებდა, რადგან ეს იმის დეკლარაცია იქნებოდა, რომ პარტია „ემიჯნება მიხეილ სააკაშვილს“, რაც „პოლიტიკური თვითმკვლელობის ტოლფასი“ იქნებოდა და „აუნაზღაურებელ ელექტორალურ ზიანს“ მიაყენებდა პარტიას. 

„არ მოხდება ახალი არჩევნები პარტიის თავმჯდომარის პოსტზე და ეს არის მკაფიო ნიშანი ბიძინა ივანიშვილისათვის, რომ ერთიანი ნაციონალური მოძრაობისათვის მიხეილ სააკაშვილი არის უპირობო ლიდერი“, -  განუცხადა ნაციონალური მოძრაობის ყოფილმა დეპუტატმა ნუგზარ წიკლაურმა ჟურნალისტებს პოლიტსაბჭოს გადაწყვეტილების კომენტირებისას.

მიხეილ სააკაშვილი, რომელიც ოდესის გუბერნატორობიდან გადადგომის შემდეგ უკრაინაში ოპოზიციური მოძრაობის ლიდერი გახდა, მიესალმა მრავალათასიანი ყრილობის სასარგებლოდ „ერთადერთ სწორ არჩევანს“  .

„მადლობა მინდა გადავუხადო ყველას, ვინც მაღალი ნდობა გამომიცხადა და არ დაუშვა ჩემი პარტიიდან დისტანცირების გეგმის განხორციელება“, - დაწერა ექსპრეზიდენტმა სააკაშვილმა თავის facebook-ის გვერდზე.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
34