Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
თბილისში „ქართველთა მარში“ გაიმართა, ბერშუეთში ოკუპაცია გააპროტესტეს
Civil Georgia, Tbilisi / 15 ივლ.'17 / 01:11

ოპოზიციური პარტიების, სამოქალაქო საზოგადოებისა და მედიის წარმომადგენლებმა, 14 ივლისს, რუსეთის მიერ საქართველოს ოკუპაცია გორის მუნიციპალიტეტის სოფელ ბერშუეთთან გააპროტესტეს, სადაც რამდენიმე დღის წინ რუსეთის ფედერალური უშიშროების სამსახურის წარმომადგენლებმა სამხრეთ ოსეთის საოკუპაციო ხაზი თბილისის მიერ კონტროლირებადი ტერიტორიის სიღრმეში გადმოწიეს.

აქციის მონაწილეები ბერშუეთში შუადღისთვის ჩავიდნენ, შეკრეს ცოცხალი ჯაჭვი, შეასრულეს საქართველოს ჰიმნი, ასევე - აღმართეს სიმბოლური ბანერი, წარწერით  - „სახელმწიფო საზღვრამდე (როკის გვირაბი) 101 კილომეტრია“.

სოფელ ბერშუეთთან შეკრებილმა 500-მდე დემონსტრანტმა საქართველოს ხელისუფლებას, რუსეთის ოკუპაციის აღსაკვეთად, აქტიური მოქმედებისკენ მოუწოდა.

„ქართველთა მარში“

საქართველოს ხელისუფლების ყურადღების მიპყრობას იმავე დღეს ულტრანაციონალისტური ორგანიზაციებიც შეეცადნენ, რომლებმაც თბილისში ე.წ. „ქართველთა მარში“ გამართეს.

მსვლელობა, რომელიც მოძრაობა „ეროვნულების“ ორგანიზებით მოეწყო, საღამოს 8 საათზე აღმაშენებლის გამზირზე დაიწყო და იმავე ქუჩაზე, ერთი საათის შემდეგ დასრულდა.

მსვლელობის 2000-მდე მონაწილე არალეგალი უცხოელების გაძევებას, საიმიგრაციო კანონმდებლობის გამკაცრებას, უცხოელებისთვის ბინადრობის ნებართვის შეზღუდვას და არასამთავრობო ორგანიზაციებისათვის უცხოური დაფინანსების აკრძალვას მოითხოვდნენ. მათ მსვლელობას საპარლამენტო ოპოზიციური პარტიის - პატრიოტთა ალიანსის წარმომადგენელი, ემზარ კვიციანიც, შეუერთდა.

ულტრანაციონალისტური ორგანიზაციები „ქართული მარშისთვის“ საზოგადოების მობილიზებას რამდენიმე დღის მანძილზე ახორციელებდნენ.

29 ივნისს, ფეისბუქში გამოქვეყნებულ განცხადებაში, მარშის ერთ-ერთმა ორგანიზატორმა, მოძრაობა „ეროვნულების“ ლიდერმა, სანდრო ბრეგაძემ, „ულტიმატუმი“ წამოაყენა და  „ირანელებს, არაბებს და აფრიკელებს“ საქართველოს დატოვებისკენ მოუწოდა.

მარშის გამართვამდე, სამოქალაქო პლატფორმა „არა ფობიას“ წევრმა არასამთავრობო ორგანიზაციებმა განცხადება გაავრცელეს და, რასისტულ და ქსენოფობიურ ნიადაგზე ძალადობის ფაქტების თავიდან ასაცილებლად, ხელისუფლებას შესაბამისი ღონისძიებების გატარებისკენ მოუწოდეს.

გარდა ამისა, „მედიის განვითარების ფონდის“ მიერ გამოქვეყნებული ანგარიშის თანახმად, რამდენიმე ულტრანაციონალისტური ორგანიზაცია, სოციალური ქსელების გამოყენებით, „ქართველთა მარშის“ მხარდამჭერ ნეოფაშისტურ, რასისტულ და ქსენოფობიურ მოწოდებებს აქტიურად ავრცელებდა.

მდუმარე აქცია სოფელ ბერშუეთთან

„ქართველთა მარშის“ პასუხად, 14 ივლისს, საღამოს, სოფელ ბერშუეთში 60-მდე სამოქალაქო აქტივისტმა კიდევ ერთი საპროტესტო აქცია გამართა.

„ზუსტად იმ დროს, როდესაც აღმაშენებლის გამზირზე „ქართველთა მარში“ გაიმართება, ჩვენ გვსურს დავდგეთ ყოველდღიურად მცოცავ საოკუპაციო ხაზთან! გვსურს, ჩვენ თანამოქალაქეებს და უცხოელ გულშემატკივრებს ნათლად დავანახოთ, რომ ჩვენი უმთავრესი პრობლემა ოკუპაციაა“, - ნათქვამი იყო ფეისბუქზე გამოქვეყნებულ განცხადებაში, რომელიც მოქალაქეთა საინიციატივო ჯგუფის სახელით გავრცელდა.

„ქართველთა მარშს“ ბერშუეთის პირველი აქციის მონაწილეებიც გაემიჯნნენ.

„ჩვენ ვემიჯნებით ყოველგვარ ძალადობას, ყოველგვარ ჰომოფობიას, ჩვენ ვემიჯნებით ქსენოფობიურ გამოხტომებს ამ ქვეყანაში. ჩვენ გვინდა თავისუფალი ქვეყანა“, - აღნიშნა ბერშუეთში გამართული აქციის ერთ-ერთმა ორგანიზატორმა, ჟურნალისტმა ელისო კილაძემ.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
43