Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პარლამენტმა მთავრობის სტრუქტურულ რეორგანიზაციას მხარი დაუჭირა
Civil Georgia, Tbilisi / 7 დეკ.'17 / 19:32


პარლამენტმა მთავრობის სტრუქტურულ რეორგანიზაციას მხარი დაუჭირა, 7 დეკემბერი, 2017. ფოტო: parliament.ge

საქართველოს პარლამენტმა 7 დეკემბერს დაამტკიცა მთავრობის მიერ ინიცირებული საკანონმდებლო ცვლილებათა პაკეტი, რომელიც რამდენიმე სამინისტროს და ძალოვანი უწყების შერწყმას და რეორგანიზაციას ითვალისწინებს.

ცვლილებების მიხედვით, ენერგეტიკის სამინისტრო ეკონომიკის და მდგრადი განვითარების სამინიტროს უერთდება, ხოლო გარემოს და ბუნებრივი რესურსების დაცვის სამინისტრო იყოფა. ამ უკანასკნელის ბუნებრივი რესურსების მართვის კომპონენტი ეკონომიკის სამინისტროს გადაეცემა, ხოლო გარემოს დაცვის მიმართულება სოფლის მეურნეობის სამინისტროს კომპეტენციაში შევა. შედეგად, ახალ სამინისტროს გარემოს დაცვის და სოფლის მეურნეობის სამინისტრო ეწოდება.

გარემოს დაცვის და ბუნებრივი რესურსების სამინისტროს მსგავსად, სპორტისა და ახალგაზრდობის საქმეთა სამინისტროც იყოფა. ახალგაზრდობის საქმეთა მართვა  განათლების და მეცნიერების სამინისტროს კომპეტენციაში შევა. სპორტის კომპონენტი კი, კულტურისა და ძეგლთა დაცვის სამინისტროს მმართველობის სფეროში შევა, ხოლო ახალ სამინისტროს კულტურისა და სპორტის სამინისტრო ეწოდება. 

საკანონმდებლო ცვლილებები ძალოვან სტრუქტურებსაც შეეხება. შინაგან საქმეთა სამინისტროში დღეს მოქმედი საგანგებო სიტუაციების მართვის სააგენტოსა და პრემიერ-მინისტრთან არსებული სახელმწიფო უსაფრთხოებისა და კრიზისების მართვის საბჭოს შერწყმის შედეგად, მთავრობის მეთაურის დაქვემდებარებაში საგანგებო სიტუაციების მართვის სამსახური იქმნება. თავდაპირველი გეგმა სახელმწიფო უსაფრთხოების სამსახურისა და დაზვერვის სამსახურის გაერთიანებასაც ითვალისწინებდა, თუმცა მმართველ გუნდში, ოპოზიციასა და სამოქალაქო სექტორში არსებული აზრთა სხვადასხვაობის გამო, მთავრობამ შესაბამისი კანონპროექტები უკან გაიწვია

პარლამენტმა საკანონმდებლო ცვლილებათა პაკეტი 6-7 დეკემბერს, რიგგარეშე პლენარულ სხდომაზე, დაჩქარებული წესით განიხილა. საპარლამენტო ოპოზიციამ მთავრობის მიერ წარდგენილ საკანონმდებლო ცვლილებათა პაკეტს მხარი არ დაუჭირა. ამის მიზეზად კი ის დაასახელა, რომ მთავრობამ სტრუქტურული რეორგანიზაციის პროექტი საკადრო და საბიუჯეტო ოპტიმიზაციის გეგმის გარეშე წარმოადგინა. პლენარულ სხდომაზე საკანონმდებლო ცვლილებების განხილვას ოპოზიციიდან მხოლოდ ევროპული საქართველო და პატრიოტთა ალიანსი დაესწრო, თუმცა მათ კენჭისყრაში მონაწილეობა არ მიუღიათ. ნაციონალური მოძრაობის დეპუტატები კი პლენარულ სხდომას არ დასწრებიან. 

მთავრობის სტრუქტურული რეორგანიზაციის გეგმის ზოგიერთ კომპონენტს მმართველი გუნდის წარმომადგენლებიც აკრიტიკებდნენ. კრიტიკა ძირითადად გარემოსა და ბუნებრივი რესურსების სამინისტროს გაუქმებას შეეხებოდა.

მთავრობის სტრუქტურული რეორგანიზაციის პროცესი დღევანდელი საკანონმდებლო ცვლილებებით არ შემოიფარგლება. პრემიერ-მინისტრ კვირიკაშვილის მიერ 13 ნოემბერს წარმოდგენილი გეგმის მიხედვით, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი საქართველოს საგარეოს საქმეთა სამინისტროს შეუერთდება, რაც საქართველოს მთავრობის შესაბამისი სამართლებრივი აქტით დამტკიცდება. 

საბოლოოდ, ცვლილებების შედეგად, საქართველოს მთავრობაში მანამდე არსებული 16 სამინისტროსა და სახელმწიფო მინისტრების ორი აპარატის ნაცვლად, 13 სამინისტრო და შერიგებისა და სამოქალაქო თანასწორობის საკითხებში სახელმწიფო მინისტრის აპარატი დარჩება.

სტრუქტურული რეორგანიზაციის ფარგლებში ახალი სამინისტროების შექმნა, ასევე პრემიერ-მინისტრის მიერ რამდენიმე კვირის წინ მინისტრთა კაბინეტში განხორციელებული საკადრო ცვლილებები აჩენს პარლამენტის მიერ მთავრობის ახალი შემადგენლობისთვის ნდობის გამოცხადების საჭიროებას, რაც უახლოეს კვირებში განხორციელდება.

წლის ბოლომდე საქართველოს პარლამენტი ასევე  2018 წლის სახელმწიფო ბიუჯეტსაც დაამტკიცებს, რომლის პროექტშიც მთავრობის ახალი სტრუქტურა უკვე ასახულია.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
49