Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ევროპის საბჭომ საქართველოში კონფლიქტის შესახებ ანგარიში გამოაქვეყნა
Civil Georgia, Tbilisi / 20 აპრ.'18 / 19:09


ევროპის საბჭოს მინისტრთა მოადგილეების 1314-2 შეხვედრა, 18 აპრილი, 2018. ფოტო: MFA Georgia

ევროპის საბჭოს მინისტრთა მოადგილეების 1314-ე შეხვედრაზე, რომელიც 18 აპრილს გაიმართა, საბჭოს გენერალურმა მდივანმა ტორბიორნ იაგლანდმა მე-17 კონსოლიდირებული ანგარიში „კონფლიქტი საქართველოში“ წარადგინა, რომელიც 2017 წლის ოქტომბერი - 2018 წლის მარტის პერიოდს მოიცავს და საქართველოს აფხაზეთის და ცხინვალის/სამხრეთ ოსეთის რეგიონებში უსაფრთხოების და ადამიანის უფლებათა დაცვის კუთხით არსებულ ვითარებას მიმოიხილავს.

ევროპის საბჭოს გენერალურმა მდივანმა აღნიშნა ანგარიშში, რომ „მიუხედავად განმეორებითი ძალისხმევისა, სამდივნოს არ მიეცა კონსოლიდირებული ანგარიშის მომზადების მიზნით აფხაზეთსა და სამხრეთ ოსეთში შესვლის უფლება“, რითიც მას „არ მიეცა შესაძლებლობა, რომ ადამიანის უფლებათა დაცვის კუთხით არსებული ვითარება ადგილზე შეეფასებინა“.

შედეგად, დოკუმენტში წარმოდგენილი ინფორმაცია წინა კონსოლიდირებულ ანგარიშებზე, ასევე საქართველოს ხელისუფლებასთან და სახალხო დამცველთან, საერთაშორისო ორგანიზაციების და შერიგებაზე მომუშავე ადგილობრივი არასამთავრობო ორგანიზაციების წარმომადგენლებთან საუბრებზეა დაფუძნებული.

ჟენევის საერთაშორისო დისკუსიების მონაწილეების მიერ ოკუპირებულ ტერიტორიებზე უსაფრთხოების კუთხით არსებული ვითარება „შეფასებულია როგორც სტაბილური და მშვიდი“, თუმცა ადმინისტრაციული-სასაზღვრო ზოლის ორივე მხარეს მიმდინარე სამხედრო წვრთნები „კვლავ შეშფოთებას იწვევს“.

გენერალური მდივანი ანგარიშში საქართველოს მოქალაქის არჩილ ტატუნაშვილის „ტრაგიკურ გარდაცვალებასაც“ ეხება და აღნიშნავს, რომ ინციდენტს სერიოზული შეშფოთება მოყვა და ის საერთაშორისო ორგანიზაციებმა დაგმეს.

„2017 წელს გაგრძელდა საქართველოს და რუსეთის ფედერაციას შორის მზარდი დინამიკა ვაჭრობის, ტურიზმის, ტრანსპორტის და ჰუმანიტარულ სფეროებში“, რა დროსაც ორივე მხარე აღიარებდა, რომ დიპლომატიური ურთიერთობების არარსებობის პირობებში პრაგმატულ მიდგომას დიდი მნიშვნელობა აქვს ურთიერთობების შემდგომი ნორმალიზებისთვის.

აფხაზეთი

აფხაზეთში, „უსაფრთხოების კუთხით არსებული ვითარება შედარებით სტაბილური იყო, როგორც ამის თაობაზე სიტუაციის მონიტორინგში ჩართული სხვადასხვა დამკვირვებელი იტყობინება“, თუმცა „ზოგადი კრიმინოგენული სიტუაცია“ საანგარიშო პერიოდში „გაუარესდა“.

„თავისუფალ გადაადგილებაზე კვლავ სერიოზულ გავლენას ახდენს ე.წ. ბორდერიზაციის პროცესი“, - განაცხადა გენერალურმა მდივანმა და დასძინა, რომ ეს მოვლენები და თავისუფალი გადაადგილების სხვა შეზღუდვები ადმინისტრაციული საზღვრის გადაკვეთისთვის საჭირო დოკუმენტების არარსებობასთან ერთად ართულებს მოსახლეობის წვდომას საარსებო წყაროზე, ჯანდაცვასა და განათლებაზე.

იაგლანდმა ასევე ისაუბრა ახალი „ბინადრობის ნებართვების“ შესახებ და აღნიშნა, რომ ახალი დოკუმენტისთვის მინიჭებული უფლებების მასშტაბი “ბუნდოვანია, რაც წუხილებს აღძრავს ადგილობრივი მოსახლეობის უფლებების შესახებ“. „განსაკუთრებით პრობლემატურია საკუთრების უფლებების ეფექტური განხორციელება საკუთრების გადაცემის პროცესში“, - ნათქვამია ანგარიშში.

ცხინვალის რეგიონი/სამხრეთ ოსეთი

ცხინვალის რეგიონში უსაფრთხოების კუთხით არსებული ვითარება „ადგილზე მყოფმა დამკვირვებლებმა შეაფასეს როგორც შედარებით მშვიდი“. თუმცა, საანგარიში პერიოდში გრძელდებოდა ე.წ. ბორდერიზაციის პროცესი.

ანგარიშის თანახმად, ე.წ. ბორდერიზაციის პროცესი კვლავ მნიშვნელოვან გავლენას ახდენდა ადგილობრივი მოსახლეობის ყოველდღიურ ცხოვრებაზე, მათ თავისუფალ გადაადგილებაზე და საარსებო წყაროს მოპოვებაზე.

საქართველოს საგარეო საქმეთა სამინისტრო მიესალმა მე-17 კონსოლიდირებულ ანგარიშს, ასევე ევროკავშირის, სუამის და სხვა პარტნიორების მიერ ანგარიშთან დაკავშირებით გაკეთებულ განცხადებებს, და იმედი გამოთქვა, რომ საკითხი მომავალშიც დარჩება ევროპის საბჭოს დღის წესრიგში.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
52