(თბილისი, 9 ნოემბერი, 2003, სივილ ჯორჯია) - პრეზიდენტი ედუარდ შევარდნაძე დღეს დილით მოულოდნელად გამოჩნდა საპროტესტო აქციის მონაწილეებს შორის პარლამენტის შენობის წინ და შეეცადა მოლაპარაკებოდა ხალხს, რომელიც მის გადადგომას ითხოვდა.

თუმცა, ხალხი მას შეძახილებით შეხვდა: "წადი, გადადექი!". პარლამენტის თავჯდომარე და ოპოზიციის ლიდერი ნინო ბურჯანაძე, რომელიც ასევე ხალხს შორის იყო, გაესაუბრა პრეზიდენტს, რის შემდეგაც პრეზიდენტმა დატოვა პარლამენტის მიმდებარე ტერიტორია.

"ჩვენ შევთანხმდით, რომ ოპოზიციის ლიდერები, მათ შორის ზურაბ ჟვანია და მიხეილ სააკაშვილი, შევხვდებით მას და გავაცნობთ ჩვენს მოთხოვნებს", - განაცხადა ნინო ბურჯანაძემ.

შევარდნაძე უკვე მანქანაში იმყოფებოდა, როდესაც მიხეილ სააკაშვილი მიუახლოვდა და შეეცადა დალაპარაკებოდა მას, თუმცა, პრეზიდენტის დაცვამ იგი მანქანასთან არ მიუშვა.