Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
აფხაზური მხარე მზად არის საქართველოს ახალ ხელმძღვანელობასთან მოლაპარაკებები გამართოს
/ 1 დეკ.'03 / 14:31

(თბილისი, 1 დეკემბერი, 2003, სივილ ჯორჯია) - აფხაზეთის თვითგამოცხადებული რესპუბლიკის საგარეო საქმეთა სამინისტროს საერთაშორისო განყოფილების უფროსმა მაქსიმ გინჯიამ დღეს განაცხადა, რომ აფხაზური მხარე მზად არის საქართველოს ახალ ხელმძღვანელობასთან მოლაპარაკებები განაგრძოს.

"თავდაპირველად აფხაზეთის ხელისუფლებამ თბილისში ხელისუფლების შეცვლა სახელმწიფო გადატრიალებად შეაფასა, თუმცა მას შემდეგ, რაც საქართველოს დროებითი მთავრობა საერთაშორისო საზოგადოებამ აღიარა, აფზახურმა მხარემ გადაწყვიტა არ გაწყვიტოს ურთიერთობა თბილისთან და მასთან მოლაპარაკებები განაგრძოს", - განუცხადა მაქსიმ გინჯიამ "სივილ ჯორჯიას" 1 დეკემბერს.

"აფზახური მხარე იმედოვნებს, რომ მომავალში საქართველო და აფზახეთი, როგორც ორი დამოუკიდებელი სახელმწიფო, განავითარებენ ურთიერთობებს თანასწორუფლებიანობის საფუძველზე", - განაცხადა გინჯიამ და დასძინა, რომ აფზახური მხარე არ აპირებს აფხაზეთის პოლიტიკური სტატუსის საკითხი განიხილოს.

მომავალი მოლაპარაკებების საკითხის კომენტირებისას მაქსიმ გინჯიამ აღნიშნა, რომ აფხაზურ და ქართულ დელეგაციებს შორის მოლაპარაკებები ზაფხულში იყო დაგეგმილი, თუმცა უსაფრთხოების გარანტიების უქონლობის გამო გადაიდო.

მისი თქმით, თუ ქართული მხარე უზრუნველყოფს აფხაზური დელეგაციის უსაფრთხოებას, აფხაზური მხარე მზად არის თბილისში ჩამოვიდეს. "თუმცა ეს შეხვედრა მხოლოდ საპრეზიდენტო არჩევნების შემდეგ არის შესაძლებელი", - დასძინა მან.   

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
21