Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ჩეჩნებს “ფარული ექსტრადიციის” ეშინიათ
/ 1 მარ.'04 / 19:42
გიორგი სეფაშვილი, "სივილ ჯორჯია"

მულკოევი (მარცხნივ) და ალხანოვი
სასამართლომ 6 თებერვალს გაანთავისუფლა,
თუმცა ათი დღის შემდეგ ისინი გაუჩინარდნენ.
საქართველოში ორი ჩეჩნის უეცარმა გაუჩანირებამ და მოგვიანებით რუსეთის უშიშროების სამსახურების მიერ მათი დაკავების თაობაზე გავრცელებულმა ინფორმაციამ, საქართველოში მცხოვრები ჩეჩნების ვარაუდები მათი თანამემამულეების ფარულად დაკავებისა და მოსკოვისთვის გადაცემის  თაობაზე კიდევ უფრო გააძლიერა.

რუსეთის მედია 25 თებერვალს იუწყებოდა, რომ 19 თებერვალს რუსეთის ფედერალური უშიშროების სამსახურმა ორი ჩეჩენი – ბექჰამ მულკოევი და ჰუსეინ ალხანოვი – დააკავა რუსეთ-საქართველოს საზღვარზე, რომლებიც საზღვრის გადაკვეთას ცდილობდნენ. რუსეთის განცხადებით, მულკოევი და ალხანოვი ჩეჩენი მებრძოლები არიან და ჩეჩნეთში ფედერალური ჯარების წინააღმდეგ იბრძოდნენ.

ბეკჰან მულკოევი და ჰუსეინ ალხანოვი ის ორი ჩეჩენია, რომლებიც საქართველოში მას შემდეგ გაუჩინარდნენ, რაც 6 თებერვალს თბილისის სასამართლომ მათი უდანაშაულობა ცნო და გაათავისუფლა.

ორი ჩეჩენი იმ 13 ჩეჩენს შორის იყვნენ, რომლებიც საქართველოს მესაზღვრეებმა 2002 წლის ზაფხულში საზღვრის უკანონო გადმოკვეთისთვის დააკავეს. ხუთი მათგანი რუსეთში იქნა ექტრადირებული. თუმცა, მულკოევი და ალხანოვი ექსტრადირებას გადაურჩნენ საქართველოში წარმატებული სასამართლო პროცესის შედეგად.

შვიდთვიანი სასამართლო პროცედურების შემდეგ უზენაეემა სასამართლომ გასულ მაისს გამოიტანა დადგენილება მულკოევისა და ალხანოვის რუსეთში ექსტრადიციის წინააღმდეგ.

თუმცა, დაკავებულები არ გამოუშვეს, რადგანაც ქართველი სამართალდამცავები მათ საზღვის უკანონო გადმოკეთასა და იარაღის ტარებაში ადანაშაულებდნენ. სასამართლომ ისინი 2004 წლის 6 თებერვალს, წელიწადნახევარის განმავლობაში პატრიმრობაში ყოფნის შემდეგ გაათავისუფლა. 

საქართველოში მცხოვრები ჩეჩენი ლტოლვილების ჯგუფმა 18 თებერვალს პანკისის ხეობაში აქცია გამართა და ბეკჰამ მულკოევისა და ჰუსეინ ალხანოვის გაუჩინარება გააპროტესტა.

ორი ჩეჩნის ნათესავები შიშობდნენ, რომ ისინი საქართველოს ხელისუფლების წარმომადგენლებმა გაიტაცეს და ფარულად გადასცეს რუსეთს.  

თუმცა, საქართველოს ოფიციალური წარმომადგენლები უარყოფენ ამ ვარაუდებს, სხვები კი დუმილს ამჯობინებენ.

“ამის შესახებ არაფერი არ ვიცი. ამიტომ, კომენტარის გაკეთება არ შემიძლია”, - განუცხადა უშიშროების სამსახურის წარმომადგენელმა ნიკა ლალიაშვილმა “სივილ ჯორჯიას”.

საქართველოს გენერალური პროკურატურა ანალოგიურ კომენტარს აკეთებს. “ჩვენ მხოლოდ ის ვიცით, რომ ორი ჩეჩენი რუსებმა საზღვარზე დააკავეს. ეს რუსეთის საინფორმაციო წყაროებიდან გავიგეთ”, - განუცხადა “სივილ ჯორჯიას” პაატა მსხილაძემ, გენერალური პროკურატორის წარმომადგენელმა საგარეო ურთიერთობებისა და ექსტრადიციის საკითხებში.

ორი ჩეჩენის ადვოკატმა მალხაზ პატარაიამ ასევე განუცხადა “სივილ ჯორჯიას”, რომ იგი “ამ საკითზე კომენტარს ვერ გააკეთებს”, რადგანაც მას არ აქვს ინფორმაცია ბოლოდროინდელ მოვლენებზე ჩეჩნებთან დაკავშირებით. მეორე ადვოკატი ლია მუხაშავრია ასევე დუმილს ამჯობინებს.

საქართველოში ჩეჩნური დიასპორის ერთ-ერთი ლიდერი და თბილისში ჩეჩნეთის დე ფაქტო წარმომადგენლობის ყოფილი ხელმძღვანელი ხიზრი ალდამოვი ერთადერთი პიროვნება იყო, რომელიც საუბარზე დათანხმდა. იგი დარწმუნებულია, რომ საქართველომ ორი ჩეჩენი რუსეთს გადასცა.

“ის რომ თითქოს ისინი საზღვარზე დააკავეს აბსურდია. არავინ დაიჯერებს, რომ ისინი [მულკოევი და ალხანოვი] თვითონ წავიდნენ რუსეთის საზღვარზე. ისინი საერთოდ არ აპირებდნენ საქართველო დატოვებას”, - განუცხადა ხიზრი ალდამოვმა “სივილ ჯორჯიას”.

საქართველოს ჩეჩნურმა დიასპორამ უკვე გაუგზავნა წერილი საქართველოს პრეზიდენტს, ეროვნული უშიშროების საბჭოს მდივანს და სამართალდამცავი სტრუქტურების ხელმძღვანელებს, რომელშიც საქმის გამოძიებას მოითხოვენ. თუმცა, ჩეჩნებს მცირე იმედები აქვთ, რომ მათ შეშფოთებას ხელისუფლება გაიზიარებს.

პანკისის ხეობაში მცხოვრები ჩეჩენი ლტოლვილები შიშობენ, რომ თბილისსა და მოსკოვს შორის ბოლო დროს დამთბარი ურთიერთობები, რაც მოსკოვში პრეზიდენტ სააკაშვილის შემდეგ შეინიშნება, ჩეჩნების უსაფრთხოებზე შესაძლოა უარყოფითი გავლენა იქონიოს.

ორი ჩეჩენის გაუჩინარების უცნაური ისტორია ადამიანთა უფლებების ევროპის სასამართლოს დელეგაციის საქართველოში ვიზიტს დაემთხვა, რომელიც თბილისში 13 ჩეჩნის საქმის შესასწავლად ჩამოვიდა.

2003 წლის 16 სექტემბრის მოსმენის შემდეგ ევროპის სასამართლომ მიიღო გადაწყვეტილება 13 ჩეჩნის მიერ შეტანილი სარჩელი განეხილა. ჩეჩნები ირწმუნებიან, რომ მათი ხუთი თანამემამულის გადაცემა რუსეთისთვის უკანონოდ მოხდა და ევროპის ადამიანის უფლებათა სასამართლოში საქართველოსა და რუსეთს უჩივიან..

ხიზრი ალდამოვის განცხადებით, მიუხედავად მრავალი მცდელობისა საქართველოს ჩეჩნურმა დიასპორამ ვერ გაარკვია ექსტრადირებული ჩეჩნების ბედი. “ვფიქრობ, ისინი მკვდრები არიან”, - განაცხადა ალდამოვმა.

ევროპის სასამართლოს დელეგაციას, რომელიც საქართველოდან რუსეთში გაემგზავრა შემდგომი გამოძიებისთვის, ეცნობა მულკოევისა და ალხანოვის გაუჩინარების თაობაზე.

ეს ჩეჩნების გაუჩინარება პირველი შემთხვევა არ ყოფილა საქართველოში. 2003 წლის 12 თებერვალს პანკისში მცხოვრები ჩეჩენი ლტოლვილი ადამ თალალოვი სახლიდან გავიდა და გაუჩინარდა. მისი ადგილსამყოფელი დღემდე უცნობია.

ასევე უცნობია ჩეჩენი ლტოლვილის ჰუსეინ იუსუფოვის ადგილსამყოფელი, რომელიც 2002 წელს გაუჩანარდა, მას შემდეგ რაც უშიშროების სამინისტროს დაკავების საკნიდან გამოუშვეს.      

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2024, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
8