Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
აბაშიძე გაიქცა – „ვარდების რევოლუცია“ დასრულდა
/ 6 მაი.'04 / 12:44
გიორგი სეფაშვილი, "სივილ ჯორჯია"

ბათუმი აბაშიძის ცამეტწლიანი მმართველობის
დასრულებას მთელი ღამე ზეიმობდა.
გოგა ჩანადირის ფოტო
„ასლან აბაშიძე წავიდა, აჭარა თავისუფალია“, - განაცხადა პრეზიდენტმა სააკაშვილმა და საქართველოს „მეორე უსისხლო რევოლუცია“ მიულოცა. იგი 6 მაისს გამთენიისას ბათუმში, ასლან აბაშიძის მოსკოვში გაფრენიდან რამოდენიმე საათის შემდეგ ჩავიდა.

ასლან აბაშიძე, რომელიც 13 წლის განმავლობაში ერთპიროვნულად მართავდა აჭარას, გაემგზავრა მას შემდეგ, რაც ბათუმში რუსეთის ეროვნული უშიშროების საბჭოს მდივანთან იგორ ივანოვთან გამართა მოლაპარაკებები.

ასლან აბაშიძის გადადგომით, რომელიც საქართველოში შევარდნაძის რეჟიმის გადმონაშთს წარმოადგენდა, შეიძლება ითქვას რომ დასრულდა „ვარდების რევოლუციის“ დროს დაწყებული პროცესი. პრეზიდენტმა სააკაშვილმა. 

პრეზიდენტის განცხადებით აბაშიძის გადადგომა „საქართველოს აღმშენებლობის საწინდარია.“ „ეს საქართველოს ტერიტორიული მთლიანობის აღდგენიდ დასაწყისია“ - დასძინა მიხეილ სააკაშვილმა.
 
ისევე, როგორც თბილისში გასული ნოემბრის „ვარდების რევოლუციის“ მსგავსად, ინფორმაციამ აბაშიძის გადადგომის შესახებ ბათუმის ქუჩებში დიდი საზეიმო განწყობა გამოიწვია.

„თქვენ ხართ გმირები,“ - ასე მიმართა მიხეილ სააკაშვილმა ბათუმში, აბაშიძის ყოფილი რეზიდენციის ფანჯრიდან, იქ შეკრებილ მოსახლეობას.

ბათუმის საპროტესტო აქციის მონაწილენი, რომელთაც პრემიერ-მინისტრი ზურაბ ჟვანია და მთავრობის სხვა წევრებიც ახლდნენ, აბაშიძის რეზიდენციისკენ დაიძრნენ, რომელიც ასლან აბაშიძის სპეცრაზმმა უკვე მიტოვებული ჰქონდა.
 
აბაშიძემ მოსკოვში გაფრენამდე მომხრეებს
დაშლისკენ მოუწოდა. ეს იყო მისი უკანასკნელი
განცხადება, რომელიც მან ბათუმიდან წასვლამდე
გააკეთა.
გ.ჩანადირის ფოტო
აბაშიძეს წასვლის წინ კომენტარი არ გაუკეთებია. თუმცა, იგორ ივანოვთან მოლაპარაკებების შემდეგ თავისი რეზიდენციის წინ შეკრებილ ასამდე მხარდამჭერებს მიმართა დაშლილიყვნენ. „დაიშალეთ, წადით სახლებში“, - განუცხადა მან მხარდამჭერებს. ეს იყო მისი ბოლო საჯარა გამოსვლა აჭარის ავტონომიური რესპუბლიკის მეთაურის პოსტზე.
 
არსებული ინფორმაციით, აბაშიძე რუსეთში თავის ოჯახის წევრებთან და მისი მთავრობის რამდენიმე მაღალი რანგის წარმომადგენელთან ერთად გაემგზავრა, რომლებიც ბოლომდე მისი ერთგულნი დარჩნენ.
 
ყოველივე ამას წინ უძღოდა პრეზიდენტ სააკაშვილის მიერ 5 მაის გაკეთებული განცხადება და ბათუმში რუსეთის უშიშროების საბჭოს მდივნის სერგეი ივანოვის ჩასვლა.

5 მაისს პრეზიდენტმა სააკაშვილმა განაცხადა, „აბაშიძის რეჟიმის საათები დათვლილია“. მან აჭარის ლიდერს უსაფრთხოების გარანტიები შესთავაზა. სააკაშვილმა, რომელიც რუსეთის პრეზიდენტს ვლადიმერ პუტინს 5 მაისს ორჯერ ესაუბრა ტელეფონით, სთხოვა რუსეთს ასლან აბაშიძისთვის პოლიტიკური თავშესაფარი მიენიჭებინა.
 
მიხეილ სააკაშვილის განცხადებით, აჭარაში საპრეზიდენტო მმართველობა დამყარდება. „რეგიონს სპეციალური საბჭო უხელმძღვანელებს, მანამდე სანამ აჭარაში ვადამდელი არჩევნები არ ჩატარდება უმოკლეს ვადებში,“ - დასძინა მან.

საქართველოს მთავრობის წევრები აბაშიძის
ყოფილ რეზიდენციაში.
გ.ჩანადირის ფოტო
პრეზიდენტის თქმით, საქართველომ უნდა იამაყოს, „რადგანაც ჩვენ მოვახერხეთ რამდენიმე თვის განმავლობაში ორი უსისხლო რევოლუცია მოხდენა“. გასულ ნოემბერს თბილისში მშვიდობიანი დემონსტრაციების შედეგად ექს-პრეზიდენტი შევარდნაძე გადადგა.

რუსეთის უშიშროების საბჭოს მდივანი იგორ ივანოვი 5 მაისს სააკაშვილსა და პუტინს შორის გამართული სატელეფონო საუბრის შემდეგ ჩამოვიდა ბათუმში.

იგორ ივანოვის ჩამოსვა კარგად აქვს დაცდილი საქართველოს ცენტრალურ ხელისუფლებას.

გასულ ნოემბერს ივანოვი, რომელიც მაშინ საგარეო საქმეთა მინისტრი იყო, საქართველოშო ჩამოვიდა და შუამავლის როლი შეასრულა მაშინდელი ოპოზიციის ლიდერს მიხეილ სააკაშვილსა და საქართველოს ექს-პრეზიდენტ ედუარდ შევარდნაძეს შორის გამართულ მოლაპარაკებებში, რასაც შედეგად შევარდნაძის გადადგომა მოყვა.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2024, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
11