Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
გირგვლიანის მკვლელობის მოწმე ჩვენებას ნაწილობრივ ცვლის
სივილ ჯორჯია, თბილისი / 10 მარ.'06 / 10:36

სანდრო გირგვლიანის მკვლელობის მოწმემ ლევან ბუხაიძემ განაცხადა, რომ მან ვერ ამოიცნო ოლეგ მელნიკოვი, შსს-ს კონსტიტუციური უსაფრთხოების დეპარტამენტის უფროსის მოადგილე, პოლიციაში ოთხ პირს შორის ამოცნობის პროცედურის დროს.  

თუმცა, მოგვიანებით ბუხაიძემ ტელეკომპანია "იმედს“ განუცხადა, რომ ის ფაქტი, რომ მან ვერ შეძლო მელნიკოვის ამოცნობა, არ ნიშნავს, რომ ეს უკანასკნელი არ იყო ომ ოთხ პირს შორის, რომელთაც სასტიკად სცემეს ის და მისი მეგობარი სანდრო გირგვლიანი, რის შედეგადაც ეს უკანასკნელი 27 იანვარს გარდაიცვალა.

28 თებერვალს დეპუტატმა ოპოზიციური "კონსერვატორული" პარტიიდან ზვიად ძიძიგურმა პრეს-კონფერენცია მოიწვია, სადაც გირგვლიანის მეგობრის ლევან ბუხაიძის - თვითმხილველის ვიდეო–ინტერვიუ აჩვენა. ინტერვიუ თავად ძიძიგურმა ჩაწერა. ინტერვიუს მსვლელობისას ძიძიგური უჩვენებს ბუხაიძეს ახალგაზრდა კაცის ფოტოს და სთხოვს მას ამოიცნოს იგი. ბუხაიძე პასუხობს, რომ ფოტოზე გამოსახული პიროვნება ძალიან ჰგავს იმ ოთხი პიროვნებიდან ერთ-ერთს, რომლებმაც ორი მეგობარი ოქროყანაში გატაცების შემდეგ სცემა. "100%-ით დარწმუნებული არ ვარ“, - დასძინა მან. ფოტოზე აღბეჭდილი პიროვნება ოლეგ მელნიკოვი იყო.

ბუხაიძის მიერ 9 მარტს ტელეკომპანია "იმედი“-სთვის მიცემულ ინტერვიუში გაკეთებული განცხადება კითხვის ნიშნის ქვეშ აყენებს საქმეში მთავარი ეჭვმიტანილის, კონსტიტუციული უსაფრთხოების დეპარტამენტის სამმართველოს უფროსის გია ალანიას ჩვენებას, რომელიც 6 მარტს იმავე დეპარტამენტის კიდევ სხვა მაღალჩინოსანთან ერთად დააპატიმრეს.

ალანია აცხადებს, რომ იგი გირგვლიანს მაშინ შეხვდა, როცა ეს უკანასკნელი 27 იანვარს გვიან ღამით კაფედან გამოვიდა. ალანიას თქმით, მან და მისმა კოლეგებმა გაიგეს, თუ როგორ ლანძღავდა გირგვლიანი გურამ დონაძეს, შინაგან საქმეთა სამინისტროს პრესსამსახურის მაშინდელ უფროსს, რამაც გააღიზიანა ალანია და გირგვლიანთან შელაპარაკება მოუვიდა. 

თუმცა, ბუხაიძე კატეგორიულად უარყოფს ამას და აცხადებს, რომ არანაირი კამათი არ მომხდარა მას შემდეგ, რაც მან და მისმა მეგობარმა კაფე დატოვეს.

მიუხედავად იმისა, რომ ბუხაიძემ ვერ ამოიცნო ოლეგ მელნიკოვი 9 მარტს, მეორე მოწმის თამარ მაისურაძის განცხადება შესაძლოა მელნიკოვის წინააღმდეგ შემობრუნდეს.

მაისურაძემ, რომელიც მკვლელობის დღეს შსს-ს მაღალჩინოსნებთან ერთად კაფეში იმყოფებოდა, 9 მარტს ტელეკომპანია "იმედს“ განუცხადა, რომ მელნიკოვმა კაფე სიგარეტის ყიდვის მოტივით დატოვა, სწორედ მაშინ, როცა ბუხაიძე და გირგვლიანი გავიდნენ.

"ის უკან 30-40 წუთის შემდეგ დაბრუნდა“, - განუცხადა მაისურაძემ "იმედს“ და დასძინა, რომ მელნიკოვმა თავისი დაგვიანება იმით ახსნა, რომ მას მოშორებით მდებარე სუპერმარკეტში მოუხდა წასვლა, რადგანაც მისთვის სასურველი სიგარეტი ახლომდებარე მაღაზიებში არ იყო. 

"მე ვნახე იმ სუპერმარკეტის ვიდეოფირი, თუმცა მელნიკოვის შესვლა იქ აღბეჭდილი არ არის“, - დასძინა მან.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14