Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
კოდორში დაპირისპირებას ერთი ქალი ემსხვერპლა, კვიციანმა კი გაქცევა მოახერხა
/ 27 ივლ.'06 / 15:19
სივილ ჯორჯია

აფხაზეთის რუქა (გაერო).
ფართო ფორმატით სანახავად დააკლიკეთ სურათზე.
ოფიციალური ინფორმაციით, კოდორის ხეობის სოფელ ჩხალთაში ვერტმფრენებიდან დაბომბვის შედეგად ერთი ქალი დაიღუპა, ხოლო ემზარ კვიციანმა და მისმა შეიარაღებულმა მებრძოლებმა გაქცევა მოახერხეს.

ამჟამად, ქართველი სამართალდამცავები მას ეძებენ, განაცხადა საქართველოს პრეზიდენტის ადმინისტრაციის უფროსმა გიორგი არველაძემ 27 ივლისს თბილისში გამართულ პრესკონფერენციაზე.

მისი თქმით, კვიციანი და მისი მებრძოლები სოფელ ჩხალთაში 27 ივლისს ღამის 2 საათამდე იმყოფებოდნენ.

"კრიმინალები ეფარებოდნენ მშვიდობიან მოსახლეობას და ეს გახდა ერთი ქალბატონის დაღუპვის მიზეზი“, - განაცხადა გიორგი არველაძემ.

მისი თქმით, მეამბოხეებმა ცეცხლი გახსნეს და ორი ვერტმფრენი დააზიანეს, რასაც შედეგად მოყვა იმ ტერიტორიების დაბომბვა, საიდანაც ეს სროლები განხორციელდა.

მისი თქმით, იმისათვის, რომ  თავიდან აეცილებინათ მსხვერპლი მშვიდობიან მოსახლეობაში, სამართალდამცავებმა დერეფანი გაუკეთეს კვიციანს, რომლის საშუალებითაც კვიციანმა და მისმა მებრძოლებმა ალყაშემორტყმული სოფელი დატოვეს.

"ამჟამად, მიმდინარეობს მისი ძებნის ოპერაცია. ისინი ტყეებს აფარებენ თავს, მაგრამ სადაც არ უნდა იმყოფებოდნენ, ჩვენ მათ მაინც დავიჭერთ და დავსჯით“, - განაცხადა არველაძემ.

"ძებნის ოპერაციას რამდენიმე დღე დასჭირდება“, - დასძინა მან.

საქართველოს ოფიციალურმა პირებმა უკვე გააფრთხილეს აფხაზური მხარე არ აღმოუჩინონ დახმარება კვიციანის მებრძოლებს და არ შეუშვან ისინი აფხაზეთის მიერ კონტროლირებად ტერიტორიაზე.

საქართველოს ხელისუფლებამ უკვე დააწესა 100 000 ლარი ემზარ კვიციანის ადგილსამყოფელის დასადგენად.

აფხაზეთის თვითგამოცხადებული რესპუბლიკის შეიარაღებული ძალების გენშტაბის მეთაურმა ანატოლი ზაიცევმა 27 ივლისს გამორიცხა ემზარ კვიციანის შესაძლო გადასვლა აფხაზეთის მიერ კონტროლირებად ტერიტორიაზე.

არველაძემ ასევე ვერ დაადასტურა ინფორმაცია, რომ კვიციანი დაჭრილია. მისი თქმით, ოპერაციის დროს შინაგან საქმეთა სამინისტროს მხოლოდ ორი თანამშრომელი დაიჭრა.

არველაძის თქმით, "რამდენიმე კრიმინალი" დაკავებულია, ბევრმა მათგანმა კი იარაღი ჩააბარა.

მისი თქმით, "ანტიკრიმინალური საპოლიციო ოპერაციის ძირითადი ნაწილი წარმატებით დასრულდა" და სამართალდამცავები ზემო კოდორის ყველა სოფელს აკონტროლებენ.

მისი თქმით, ამოღებულია დიდი რაოდენობით იარაღი, ყუმბარმტყორცნები და ასევე საზენიტო დანადგარები "სტრელა" და "იგლა". 

არველაძემ ასევე განაცხადა, რომ მთავრობა ხეობაში სოციალური რეაბილიტაციის პროგრამების განხორციელებას გეგმავს, მათ შორის სკოლების, საავადმყოფოების, გზების და აეროდრომის აღდგენას.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12