Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოქრუაშვილი კოდორის ხეობაში არსებულ დაძაბულობაში გარეშე ძალებს ადანაშაულებს
სივილ ჯორჯია, თბილისი / 27 ივლ.'06 / 16:09

თავდაცვის მინისტრმა ირაკლი ოქრუაშვილმა 27 ივლისს განაცხადა, რომ ემზარ კვიციანის მიერ ზემო კოდორის ხეობაში განხორციელებული "პროვოკაცია იმართებოდა ქვეყნის გარედან იმ ძალების მიერ, რომელთაც არ სურთ საქართველოში სტაბილურობა“.

ოქრუაშვილმა, რომელიც კოდორის ხეობაში შინაგან საქმეთა მინისტრთან ვანო მერაბიშვილთან ერთად იმყოფება, განაცხადა, რომ სპეცოპერაციის "მთავარი ფაზა“ დასრულებულია და კოდორის ხეობა მთლიანად კონტროლდება სამთავრობო შენაერთების მიერ.

მისი თქმით,  რუსი სამშვიდობოების მხრიდან იყო მცდელობა დახმარებოდნენ კვიციანს და მის მომხრეებს. 

"მაგრამ იქ იმდენი რაოდენობით ვართ [ქართული ძალები], რომ ამის საშუალებას არავის არ მივცემდით“, - განუცხადა თავდაცვის მინისტრმა "რუსთავი 2“-ს სატელეფონო საუბრისას.

მისი თქმით, "სულ ცოტა 10 ტონა ტყვია-წამალი“ და ჰაერსაწინააღმდეგო სისტემები "იგლა“ და "სტრელა“ იქნა ამოღებული ჩხრეკის შედეგად.

ოქრუაშვილმა განაცხადა, რომ ოპერაცია "მინიმალური მსხვერპლით“ დასრულდა, თუმცა ისიც დაადასტურა, რომ ხანშიშესული ქალი დაიღუპა სოფელ ჩხალთის დაბომბვის დროს.

ოქრუაშვილმა განაცხადა, რომ კვიციანის "ბანდამ“ სამხედრო ვერტმფრენებს ცეცხლი გაუხსნა, რასაც მოჰყვა საპასუხო ცეცხლი და "ერთი ქალბატონის სიკვდილი". მისი თქმით, კვიციანის მებრძოლებმა მშვიდობიანი მოსახლეობა ფარად გამოიყენეს.

"ყველამ უნდა იცოდეს ერთი რამ, რომ ნებისმიერ შემთხვევაში, როდესაც ქართველ ჯარისკაცს, ქართველ პოლიციელს დაემუქრება საფრთხე,  ჩვენ ადექვატურად  ვუპასუხებთ ყველა იმ ადამიანს, რომელიც აგრესიას გამოავლენს ჩვენი მისამართით“, - განაცხადა ოქრუაშვილმა.

მისი თქმით, კოდორის ხეობაში 25 ივლისს ემზარ კვიციანის და მისი ჯგუფის წინააღმდეგ დაწყებული სპეცოპერაციის დროს შინაგან საქმეთა სამინისტროს ორი ოფიცერი დაიჭრა.  ამჟამად, კვიციანის ადგილსამყოფელი უცნობია.

ოქრუაშვილის თქმით, ამჟამად მიმდინარეობს ოპერაციის მეორე ფაზა, რომლის ფარგლებშიც იძებნება კვიციანი. მან ასევე აღნიშნა, რომ კვიციანს ბევრი მებრძოლი აღარ დარჩა.

თავდაცვის მინისტრმა ასევე განაცხადა, რომ "სამართალდამცავები დარჩებიან ხეობაში მშვიდობისა და წესრიგის დაცვის მიზნით“.

"ხეობაში ასევე დარჩება შინაგან საქმეთა მინისტრიც, სანამ ამის აუცილებლობა იარსებებს“, - დასძინა ოქრუაშვილმა.


 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
22