Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოქრუაშვილი ’ამ ეტაპზე’ პოლიტიკას ჩამოცილდება
სივილ ჯორჯია, თბილისი / 11 ოქტ.'07 / 15:43

ირაკლი ოქრუაშვილი დროებით ჩამოცილდება პოლიტიკას, განაცხადა ყოფილი თავდაცვის მინისტრის თანაპარტიელმა, დეპუტატმა კოკა გუნცაძემ 11 ოქტომბერს და იქვე დასძინა, რომ მოძრაობა ერთიანი საქართველოსთვის  წევრებს ოქრუაშვილის მიმართ ”პრეტენზიები არ გააჩნიათ”.

ეს განცხადება კოკა გუნცაძემ იმ 2-საათიან შეხვედრაზე დაყრდნობით გააკეთა, რომელიც 10 ოქტომბერს ციხიდან გამოსულ ოქრუაშვილთან, მისივე სახლში შედგა. შეხვედრას ასევე ესწრებოდა დეპუტატი გია თორთლაძე.

დღეს ოქრუაშვილის თანაპარტიელებმა კიდევ ერთხელ გაუსვეს ხაზი, რომ ოქრუაშვილის მორალური და ჯანმრთელობის მდგომარეობა ძალიან მძიმეა იმ აღიარებითი ჩვენებების შემდეგ, რომელიც ოპოზიციის განცხადებით, სამართალდამცავთა მხრიდან ზეწოლის შედეგია.

”შექმნილი ვითარების და ყველა ნიუანსის გათვალისწინებით ამ ეტაპზე ირაკლი ოქრუაშვილი ჩამოცილდება პოლიტიკას,”- განაცხადა გუნცაძემ დღეს გამართულ პრესკონფერენციაზე.

”ირაკლი ოქრუაშვილმა თავისი საქმე გააკეთა,”- აღნიშნა მან,  ”ირაკლი ოქრუაშვილმა დაძრა საქართველოში პოლიტიკური ცხოვრება მკვდარი წერტილიდან, ირაკლი ოქრუაშვილმა გატეხა შიში და გამოიწვია 28 სექტემბერს უპრეცედენტო ხალხის გამოსვლა ქუჩაში, ირაკლი ოქრუაშვილმა თქვა სიმართლე და დაარწმუნა ქართველი ხალხის აბსოლუტური უმრავლესობა ამ სიმართლეში, რაც მთავარია, მან ბიძგი მისცა ოპოზიციური სპექტრის გაერთიანებას, საერთო სახალხო მოძრაობის დაწყებას ძალადობის და უსამართლობის წინააღმდეგ, ადამიანის თავისუფლების და ღირსების დასაცავად”. 

გუნცაძის განცხადებით, მოძრაობა ერთიანი საქართველოსთვის აგრძელებს ”გაცილებით უფრო მეტი სიმძლავრით” დასახული გეგმების განხორციელებას და 2 ნოემბერს, როდესაც გაერთიანებული ოპოზიციის ორგანიზებით საპროტესტო აქცია იგეგმება,  ”ამ უზნეო ხელისუფლებას გავცემთ საკადრის პასუხს”.

ირაკლი ოქრუაშვილმა ოპოზიციური პარტიის  - მოძრაობა ერთიანი საქართველოსთვის  - პრეზენტაცია 25 სექტემბერს გამართა. იმავე დღეს მან პრეზიდენტ სააკაშვილსა და სხვა მაღალჩინოსნებს მძიმე ბრალდებები წაუყენა.

ამ განცხადებების შემდეგ, 27 ოქტომბერს ყოფილი თავდაცვის მინისტრი ოთხი ბრალდებით დააპატიმრეს, რაც მისი მინისტრობის პერიოდში ჩადენილ დანაშაულობებს უკავშირდება. ბრალდებების ნაწილი ოქრუაშვილმა 8 ოქტომბერს პროკურატურის მიერ გავრცელებულ ვიდეო-ჩვენებაში აღიარა და ასევე უარყო ყველა ის ბრალდება, რომელიც ხელისუფლების პირველი პირების მისამართით გამოთქვა. აღიარებითი ჩვენებების შემდეგ ოქრუაშვილი გირაოთი გაათავისუფლეს წინასწარი პატიმრობიდან, რაც პროკურატურის განცხადებით, ”არ გულისხმობს პასუხისმგებლობისაგან გათავისუფლებას”.

 

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
19