Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოპოზიცია სააკაშვილის გადადგომას ითხოვს
სივილ ჯორჯია, თბილისი / 3 ნოე.'07 / 17:40

”იმედი” საპროტესტო აქციას პირდაპირ ეთერში
გადასცემს.
პარლამენტის წინ მიმდინარე საპროტესტო აქციაზე ოპოზიციონერმა ლიდერებმა პრეზიდენტ სააკაშვილის გადადგომის მოთხოვნა დააყენეს მას შემდეგ, რაც ხელისუფლება მათი ოთხი მოთხოვნის შესრულების თაობაზე დათმობებზე არ წავიდა. ამის შესახებ გადაწყვეტილება ოპოზიციამ რამდენიმე საათიანი კონსულტაციის შემდეგ მიიღო.

”ეს სახალხო მოძრაობა ამატებს თავის მოთხოვნებს მოთხოვნას მიხეილ სააკაშვილის გადადგომის შესახებ,”- განაცხადა დეპუტატმა ლევან გაჩეჩილაძემ გაერთიანებული ოპოზიციის სახელით, ”ჩვენი ბრძოლა გრძელდება იმისთვის, რომ საქართველო დაემშვიდობოს მიხეილ სააკაშვილს”.

”ოპოზიციის ეროვნულმა საბჭომ აღასრულა ქართველი ხალხის ნება და მიიღო გადაწყვეტილება მიხეილ სააკაშვილის გადადგმის მოთხოვნა გახდეს მთავარი ამოცანა,”- განაცხადა ლეიბორისტული პარტიის ლიდერმა შალვა ნათელაშვილმა.

”ამ გადაწყვეტილებას წინ უძღოდა ძალიან სერიოზული განსჯა,”- განაცხადა კონსერვატიული პარტიის ლიდერმა ზვიად ძიძიგურმა, ” და ჩვენ ჩავთვალეთ, რომ ამ პრეზიდენტს აღარ აქვს ლეგიტიმაცია, ხალხის მხარდაჭერა”.

აქამდე ოპოზიცია ”ზომიერ მოთხოვნებს” აყენებდა: საპარლამენტო არჩევნების გამართვა გაზაფხულზე, ნაცვლად შემოდგომისა; საარჩევნო კოდექსში ადმინისტრაციების დაკომპლექტების წესის და მაჟორიტარული სისტემის შეცვლა; პოლიტპატიმარ ირაკლი ბათიაშვილის გათავისუფლება. თუმცა ოპოზიციის ლიდერები აცხადებდნენ, რომ ხალხს გაცილებით რადიკალური მოთხოვნები ჰქონდათ.

”ამ ერთი თვის განმავლობაში საქართველოს ხელისუფლებას ვთავაზობდით ყველაზე უფრო ცივილიზებულ, ყველაზე უფრო მშვიდობიან და დემოკრატიულ გზას კრიზისის დაძლევის  - არჩევნებს, ”- განაცხადა თინა ხიდაშელმა რესპუბლიკური პარტიიდან, ”მაგრამ ეშინია სააკაშვილს არჩევნების, ეშინია იმ ხალხის, რომელმაც მოიყვანა. ეშინია იმიტომ, რომ მოძალადეა, კორუმპირებულია, მის ხელისუფლებას ახალგაზრდა ბიჭების სისხლში აქვს ხელი გასვრილი”. 

იმავდროულად, ოპოზიციონერმა ლიდერებმა მოუწოდეს მოსახლეობას საპროტესტო აქციაში აქტიური მონაწილეობისაკენ, რადგან ”ჩვენ უნდა მივიღოთ ის რაოდენობა, რამდენიც გუშინ [2 ნოემბერს აქციაზე] ვიყავით”.

აქციაზე ისმის სკანდირება: ”წადი, წადი”; ”გადადექი, გადადექი”.  

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
19