Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოპოზიციამ და მმართველმა პარტიამ მოლაპარაკებები დაიწყეს
/ 1 თებ.'08 / 20:20
სივილ ჯორჯია

ოპოზიციასა და მმართველ პარტიას შორის მემორანდუმთან დაკავშირებით 1 თებერვალს კონსულტაციების პირველი რაუნდი გაიმართა, რომელიც უფრო მოსაზრებების ურთიერთგაცვლას დაეთმო, ვიდრე კონკრეტული შეთანხმებების მიღწევას. თუმცა გამოიკვეთა იმ საკითხების კონტურები, რომლებზეც შესაძლოა ხელისუფლება კომპრომისზე წავიდეს.

შეხვედრას, რომელიც პარლამენტის თავმჯდომარის ნინო ბურჯანაძის მონაწილეობით სამ საათს გაგრძელდა, ასევე ესწრებოდნენ ვიცე-სპიკერი მიხეილ მაჭავარიანი და დეპუტატები უმრავლესობიდან:  ლევან ბეჟაშვილი, პავლე კუბლაშვილი და ირინა ქურდაძე. ოპოზიციის მხრიდან მოლაპარაკებებს წარმართავდნენ ოპოზიციური კოალიციის ლიდერები კახა კუკავა (კონსერვატორები), დავით უსუფაშვილი (რესპუბლიკელები), კობა დავითაშვილი (ხალხის პარტია), გია ცაგარეიშვილი (მოძრაობა ერთიანი საქართველოსთვის), პაატა დავითაია (ჩვენ თვითონ); ასევე დეპუტატები მამუკა კაციტაძე ახალი მემარჯვენეებიდან და ზურაბ ტყემალაძე მრეწველებიდან.

შეხვედრის დასრულების შემდეგ ოპოზიციისა და მმართველის პარტიის წარმომადგენლებმა ერთხმად აღნიშნეს, რომ კონსულტაციები სასარგებლო იყო, რადგან გაირკვა ოპოზიციის ერთიან მემორანდუმში ასახული 17 მოთხოვნის ხედვა. თუმცა მათ თავი შეიკავეს მეტი კომენტარისაგან იმ მოტივით, რომ კონკრეტიკამ არ დააზიანოს დიალოგის რეჟიმი.

თუმცა შეხვედრის დასრულების შემდეგ პოლიტიკოსების მიერ გაკეთებულ კომენტარებში გამოიკვეთა, რომ  საარჩევნო ადმინისტრაციის, საზოგადოებრივი მაუწყებლის სამეურვეო საბჭოს დაკომპლექტებაზე და საკონსტიტუციო ცვლილებებზე, რომელიც ახალი პარლამენტის მიერ მთავრობის დამტკიცებას გულისხმობს,  პოზიციათა მეტ-ნაკლები დაახლოება მოხერხდა.

იურიდიულ საკითხთა კომიტეტის თავმჯდომარის ლევან ბეჟაშვილის განცხადებით, შეთანხმება მიღწეულია ცალკეულ საკითხებზე, თუმცა ახლა საჭიროა მათი შესრულების მეთოდებსა და ფორმულირებებში მეტი სიცხადის შეტანა მომდევნო კონსულტაციებისთვის, რომელიც 5 თებერვალს არის დაგეგმილი.

”მათ [ოპოზიციამ] გაიგეს ჩვენი პოზიცია და შევთანხმდით, რომ მომავალ შეხვედრაზე უკვე კონკრეტული წინადადებებით, კონკრეტული მოდელებით მოვალთ”, - განუცხადა ჟურნალისტებს ლევან ბეჟაშვილმა, ”ეს საკითხებია მაგალითად, საარჩევნო ადმინისტრაციის დაკომპლექტების წესი, არჩევნების თარიღის განსაზღვრის საკითხი, საზოგადოებრივი მაუწყებლის პარიტეტის საფუძველზე დაკომპლექტება. ჩვენ ვფიქრობთ, რომ საპარლამენტო არჩევნების შემდეგ ახალი პოლიტიკური რეალიების გათვალისწინებით შესაძლებელია ის, რომ ხელახლა მოხდეს მთავრობის დაკომპლექტების საკითხის წამოწევა პრეზიდენტსა და პარლამენტს შორის”.

მმართველი პარტია შედარებით ინერტულია იმ ინიციატივებთან დაკავშირებით, რომელიც შინაგან საქმეთა სამინისტროს ეხება. ოპოზიციის მოთხოვნაა შეიქმნას სამართალდამცავ სისტემაზე მონიტორინგის სისტემა პარიტეტულ საწყისებზე , კერძოდ, პარლამენტის საგამოძიებო კომისია და მონიტორინგის რეგიონული საბჭოები, რომლებიც ”გამოიძიებენ ძალოვანი სტრუქტურების უკანონო ქმედებებს”.

”ჩვენც ვფიქრობთ, რომ შინაგან საქმეთა სამინისტროზე მონიტორინგი უნდა განხორციელდეს, მაგრამ ახლა ვერანაირად ვერ მოესწრება შესაბამისი კანონმდებლობის მომზადება და შესაძლოა, შემდგომ გადაიდოს მომავალი საპარლამენტო საქმიანობისთვის”, - განაცხადა ბეჟაშვილმა.

ოპოზიცია ასევე ითხოვს შსს მინისტრის ვანო მერაბიშვილის გადადგომას, მაგრამ თითქმის გამორიცხულია ეს მოთხოვნა ხელისუფლებამ დააკმაყოფილოს.

”ეს იყო ძალიან სასარგებლო შეხვედრა,”- განაცხადა ვიცე-სპიკერმა მიხეილ მაჭავარიანმა, ” ამ შეხვედრამ კიდევ ერთხელ ანახა, რომ შესაძლებელია ძალიან ბევრ საკითხთან დაკავშირებით გავარკვიოთ საბოლოო პოზიციები. შევთანხმდით, რომ გარკვეულ დროში ისინიც, ჩვენც დავაზუსტებდით საკითხებს და ვიქნებოდით მზად მომავალ კვირაში გავაგრძელოთ დიალოგი”.

მხარეები შეთანხმდნენ შეიქმნას სამუშაო ჯგუფები, რომლებიც მემორანდუმის მოთხოვნებს სათითაოდ შეისწავლიან.

დეპუტატმა კახა კუკავამ კონსერვატიული პარტიიდან განაცხადა, რომ მოლაპარაკებათა შემდეგი რაუნდი მეტ სიცხადეს შეიტანს 17 საკითხიდან რომელზე დათანხმდება ან არ დათანხმდება ხელისუფლება.

”სამშაბათს ხელისუფლება წარმოადგენს თავის საბოლოო პოზიციას. სამშაბათს ჩვენ გვეცოდინება 17 საკითხიდან რამდენ საკითხზე ხერხდება შეთანხმება, რამდენ საკითხზე კომპრომისი და რამდენი საკითხია შეუთანხმებელი”- განაცხადა კახა კუკავამ. ”ჩვენ ვითხოვთ 17-ვეს... ამასთან დაკავშირებით უკვე ხელისუფლების შიდა კონსულტაციები ჩატარდება”.

”ჩვენ პირველი რეაქციები მოვისმინეთ ხელისუფლების წარმომადგენლების,”- განაცხადა ხალხის პარტიის ლიდერმა კობა დავითაშვილმა, ”რაც შეეხება კონკრეტულ გადაწყვეტილებას, მისი მიღება შესაძლებელი იქნება სამშაბათის შეხვედრაზე. არის შეუთანხმებელი საკითხები და არის საკითხები, სადაც პროგრესი შესაძლებელია, მაგრამ ჩვენ კიდევ ვუბრუნდებით საკითხს, რომ კომპლექსურია ჩვენი მოთხოვნები და ჩვენ არ ვაპირებთ ერთი საკითხის კომპრომისს სხვა საკითხებთან მიმართებაში”.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
20