Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ახალი მემარჯვენეები შიმშილობის აქციას უერთდებიან
/ 10 მარ.'08 / 16:11
სივილ ჯორჯია

ოპოზიციის საპროტესტო აქციამ 10 მარტს ახალი იმპულსი შეიძინა მას შემდეგ, რაც შიმშილობის აქციას 6 დეპუტატი შეუერთდა ახალი მემარჯვენეებიდან.

თუმცა, განსხვავებით ხუთი ოპოზიციური პოლიტიკოსისა რვა პარტიისგან შემდგარი ოპოზიციური კოალიციიდან, რომლებიც პარლამენტის წინ შიმშილობენ, დეპუტატებმა ახალი მემარჯვენეებიდან პარლამენტის თავმჯდომარის ნინო ბურჯანაძის მისაღებში გადაწყვიტეს შიმშილობის აქციის დაწყება.

ახალმა მემარჯვენეებმა, რომლებიც ყოველთვის პროტესტის რადიკალური ფორმების წინააღმდეგი იყვნენ, განაცხადეს, რომ შიმშილობის აქციას ხელისუფლებისგან ოპოზიციის მემორანდუმში ასახული მოთხოვნების შესრულების მოთხოვნით იწყებენ. მოშიმშილეებს შორის ასევე არის ახალი მემარჯვენეების ლიდერი დავით გამყრელიძე.

”ჩვენ დღეს მემარჯვენე ოპოზიციის სახელით ვაცხადებთ პარლამენტის თავმჯდომარის მისაღებში უვადო შიმშილობას მემორანდუმის მოთხოვნების დაკმაყოფილების მიზნით,”- განუცხადა ჟურნალისტებს დეპუტატმა ახალი მემარჯვენეებიდან ფიქრია ჩიხრაძემ, ”იმისათვის, რომ საქართველოში ერთხელ და სამუდამოდ გონზე მოეგოს ხელისუფლება და მზად იყოს იმისათვის, რომ საქართველოში ჩატარდეს დემოკრატიული, სამართლიანი და თავისუფალი არჩევნები. სამწუხაროდ ჩვენ სხვა გამოსავალი აღარ გვრჩებოდა, ზემოქმედების არანაირი საშუალება ამ უგუნურ ხელისუფლებაზე არ არსებობს. აქედან გამომდინარე ფრაქციამ, რომელიც ყოველთვის კონსტრუქციული, თანმიმდევრული და პრინციპული იყო თავის პოზიციაში, პროტესტის უკიდურეს ზომას მიმართა დღეს უკვე”.

ამ განცხადებამდე ფრაქციის ლიდერმა დავით გამყრელიძემ გამართა საგანგებო ბრიფინგი, სადაც დიალოგის ჩიხში შეყვანასა და პოლიტიკური კრიზისის გამწვავებაში პარლამენტის თავმჯდომარე ნინო ბურჯანაძე დაადანაშაულა. მან ბურჯანაძეს ჟურნალისტების თანდასწრებით საჯარო შეხვედრის გამართვა მოსთხოვა, რათა მემორანდუმში ასახული საკითხები განეხილათ.

თუმცა, პარლამენტის თავმჯდომარის კაბინეტის განმარტებით, ბურჯანაძის დატვირთული გრაფიკის გამო შეხვედრა შეუძლებელი იყო და სანაცვლოდ ის მათ შეხვედრას 4 საათზე სთავაზობს.

ამასობაში, ოპოზიციური კოალიციის ლიდერი ლევან გაჩეჩილაძე მიესალმა ახალი მემარჯვენეების გადაწყვეტილებას და მას ”ვაჟკაცური” უწოდა.

”მე მადლობელი ვარ ახალი მემარჯვენეების ამ სწორი გადაწყვეტილების გამო. ჩვენ გვჭირდება სამართლიანი და თავისუფალი არჩევნების ჩატარება. მხოლოდ თავისუფალი არჩევნები დაგვეხმარება კრიზისის გადალახვაში,” - განაცხადა გაჩეჩილაძემ. 

9 მარტს პარლამენტის წინ შიმშილობა დაიწყო სამმა დეპუტატმა და კიდევ ორმა პოლიტიკოსმა ოპოზიციური კოალიციიდან. მათ პირობა დადეს, რომ აქციას მანამ გააგრძელებენ, სანამ ხელისუფლება მათ მოთხოვნებს არ დააკმაყოფილებს. ისინი ითხოვენ ხელახალ საპრეზიდენტო არჩევნებს; თავისუფალი და სამართლიანი საპარლამენტო არჩევნების ჩატარებისთვის პირობების შექმნას და ყველა იმ პირის გათავისუფლებას, რომლებიც 7 ნოემბრის მოვლენებთან დაკავშირებით დააპატიმრეს. ოპოზიციის თქმით, აქამდე მხოლოდ რვა ადამიანი გაათავისუფლეს.

თუმცა, გაჩეჩილაძემ 10 მარტს მიანიშნა, რომ შიმშილობის აქცია შეიძლება შეწყდეს, თუ ხელისუფლება უარს იტყვის ახალ 150-წევრიან პარლამენტში 75 მაჟორიტარი დეპუტატის არჩევის წესზე.

ეს საკითხი ცოტა ხნის წინ ქვეყნის პოლიტიკური დღის წესრიგის მთავარი თემა გახდა და დაპირისპირების ახალი ტალღა გამოიწვია. ოპოზიციამ განაცხადა, რომ პროპორციული სიების ხარჯზე მაჟორიტარების რიცხოვნობის გაზრდით, რაზეც პარლამენტმა გადაწყვეტილება პირველი მოსმენით 4 მარტს მიიღო, ხელისუფლება ცდილობს მომავალ პარლამენტში უმრავლესობით შესვლის გარანტიები შეიქმნას. 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
38