Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ბურჯანაძე მემარჯვენეების ნაბიჯს მიტინგზე ხალხის ნაკლებობას უკავშირებს
სივილ ჯორჯია, თბილისი / 10 მარ.'08 / 16:09

პარლამენტის თავმჯდომარემ ნინო ბურჯანაძემ ”მოულოდნელი სიურპრიზი” უწოდა ახალი მემარჯვენეების 6 დეპუტატის გადაწყვეტილებას დღეიდან დაიწყოს მის მისაღებში შიმშილობის აქცია და ასეთ გამწვავებაზე წასვლა 9 მარტის აქციაზე ოპოზიციის მხარდამჭერების რაოდენობის კლებით ახსნა.

”მე ამ აქციის საბაბს ნამდვილად ვერ ვხედავ. თუ ვინმეს სურს ღია კარის მტვრევა იმის გამო, რომ აქციაზე ხალხი მოაკლდათ და დღეს გადაწყვიტეს, რომ რაღაცნაირად მოეძებნათ გამოსავალი და ტემპერატურის აწევა სცადეს, ეს მათი პრობლემაა, თუმცა ვფიქრობ, რომ განსაკუთრებულ მხარდაჭერას ვერ მოიპოვებენ,”- განაცხადა ბიუროს დღევანდელ სხდომაზე ნინო ბურჯანაძემ, ” მე მესმის, რომ ჩვენმა კოლეგებმა, ოპონენტებმა აირჩიეს გამწვავების გზა და ისინი აპირებენ ბოლომდე ვითარების გამწვავებას. ოპონენტების გადასაწყვეტია პოლიტიკურ ბრძოლაში რა მეთოდებს და რა ტაქტიკას აირჩევენ”.

მან გამოთქვა მზადყოფნა შეხვდეს მოშიმშილე კოლეგებს ახალ მემარჯვენეებიდან 4 საათისათვის,  ”თუ მათ აქვთ რაიმე სასაუბრო და მათი ამოცანა არ არის მხოლოდ შოუს მოწყობა”.

მემარჯვენეებმა განაცხადეს, რომ ნინო ბურჯანაძეს, როგორც მთავარ მომლაპარაკებელს მმართველი პარტიიდან, პოლიტიკური დიალოგის ჩიხში შეყვანის გამო პასუხისმგებლობა ეკისრება.

”იმის გამო, რომ ახლა საპარლამენტო არჩევნები მოდის, მათი  [ოპოზიციის] ერთ-ერთი მთავარი სამიზნე მე ვარ და აქედან გამომდინარე 2 თვის წინ თუ კონსტრუქციული ვიყავი და შეიძლებოდა ჩემთან საუბარი, დღეს უცებ არაკონსტრუქციული გავხდი,”- განაცხადა ბურჯანაძემ მემარჯვენეების ბრალდების საპასუხოდ.

მან ასევე განაცხადა, რომ 4 მარტამდე, სანამ პარლამენტის პირველი მოსმენით მიიღებდა საკონსტიტუციო ცვლილებებს, რომელიც მაჟორიტარი დეპუტატების 75-მდე გაზრდას ითვალისწინებს პროპორციული სიების ხარჯზე, დიალოგის გაგრძელება შესთავაზა ოპოზიციის ლიდერებს ლევან გაჩეჩილაძეს, რესპუბლიკური პარტიის ლიდერს დავით უსუფაშვილს და ახალი მემარჯვენეების ლიდერს დავით გამყრელიძეს, თუმცა მათგან უარი მიიღო. მაჟორიტარების საკითხმა ოპოზიციასა და მმართველ მარტიას შორის დაპირისპირების ახალი ტალღა გამოიწვია.

ბურჯანაძემ განაცხადა, რომ დიალოგის თაობაზე შეთავაზება ოპოზიციისთვის ძალაში რჩება.

”რაზეც შეთანხმება მიღწეული არ არის და ჯერ კიდევ ღია არის მოლაპარაკებებისათვის კარი, ჩვენ მზად ვართ გავაგრძელოთ დიალოგი,”- აღნიშნა ბურჯანაძემ.

თუმცა ოპოზიცია აცხადებს, რომ მოლაპარაკებების გაგრძელებას არ აპირებს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15