Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ქართული პრესა ტელეკომპანია ”იმედის” ირგვლივ არსებულ პრობლემებზე წერს
სივილ ჯორჯია, თბილისი / 18 მარ.'08 / 19:54

ხელისუფლება ზეწოლას ახდენს გარდაცვლილი ბადრი პატარკაციშვილის ოჯახზე, რათა აიძულოს უარი თქვას ტელეკომპანია ”იმედის” მფლობელობაზე, წერს 18 მარტს ქართული პრესა. თუმცა ხელისუფლება უარყოფს რაიმე სახის ზემოქმედებას ”იმედის” ხელში ჩაგდების მიზნით.

ამ თემას დღეს გაზეთები ”ალია” და ”რეზონანსი” აშუქებენ. საგაზეთო ცნობებით, ჯერ კიდევ  პატარკაციშვილის ცხედრის ლონდონიდან თბილისში გადმოსვენებამდე ერთი კვირით ადრე, ბიზნესმენის მეგობარმა გოგი ჯაოშვილმა, რომელიც ”ალიას” ინფორმაციით დოკუმენტებით ფიქსირდება, რომ ”იმედის” მფლობელი იყო,  ტელეკომპანიის ქონება ამერიკელ ჯოზეფ ქეის იგივე იოსებ კაკალაშვილს სასამართლო წესით გადაუფორმა. ეს უკანასკნელი, გაზეთის ცნობით, ბადრი პატარკაციშვილის დეიდის გერია. ”ალიას” ინფორმაციით, ხელისუფლების წარმომადგენლები ამჟამად მოლაპარაკებებს ტელეკომპანიის თაობაზე სწორედ ჯოზეფ ქეისთან აწარმოებენ.

”საქართველოს უმაღლესი ხელისუფალი, [შს მინისტრი ვანო] მერაბიშვილის და [ყოფილი გენპროკურორი, პრეზიდენტის ადმინისტრაციის ხელმძღვანელი ზურაბ] ადეიშვილის დახმარებით, ქონების დათმობის მიზნით პატარკაციშვილის ოჯახზე ზეწოლას ახორციელებს,”- აცხადებს გაზეთ ”რეზონანსთან” ინტერვიუში გოგა ხაინდრავა ოპოზიციური კოალიციიდან, ”სააკაშვილი ყველაფერს აკეთებს, რომ ჩაახშოს ”იმედი”, მაგრამ ეს არის საკითხი, რომელზეც საზოგადოება ერთ მუშტად შეიკვრება”.

ხაინდრავა ცოტა ხნის წინ ლონდონს სტუმრობდა, სადაც ტელეკომპანიის ბედთან დაკავშირებით ესაუბრა პატარკაციშვილის ქვრივს ინა გუდავაძეს. შეხვედრას ასევე ესწრებოდა ცნობილი ოლიგარქი ბორის ბერეზოვსკი. ხაინდრავად განცხადებით, ინა გუდავაძე ”იმედთან” დაკავშირებით საგანგებო განცხადებას 23 მარტის შემდეგ გააკეთებს.

”დეტალებზე ქალბატონი ინა [პატარკაციშვილის მეუღლე] ისაუბრებს”, - აცხადებს ხაინდრავა, ”მიდის ”იმედის” ხელისუფლებისთვის გადაცემაზე ზეწოლა და ამით აშანტაჟებენ ოჯახს... გამოჩნდა ხელისუფლების მოგზავნილი ავანტიურისტი ვინმე ჯოზეფ ქეი, სოსო კაკალაშვილი, რომელიც ცდილობს მიითვისოს ბადრის ოჯახის საკუთრება და ხელისუფლებას გადასცეს ეს წილები... აცხადებს, რომ ”იმედის” მართვის უფლებაც აქვს”.

ტელეკომპანია ”იმედს”, რომლის ლიცენზიის შეწყვეტის საკითხის განხილვა დროებით მოხსნილია დღის წესრიგიდან, ყადაღა 22 იანვარს დაედო, პატარკაციშვილის სხვა ქონებასთან ერთად. 

გაზეთ ”ალიასთვის” მიცემულ ინტერვიუში გარდაცვლილი ბიზნესმენის და, ნანა პატარკაციშვილი აცხადებს, რომ ტელეკომპანიას ყადაღა ოჯახისგან მალულად ახსნეს და ადასტურებს, რომ გოგი ჯაოშვილმა ჯოზეფ ქეის გადაუფორმა ”იმედის” ქონება, რომელიც ამ უკანასკნელმა ხუთი წლის მართვის უფლებით სხვა პიროვნებას გადასცა. დეპუტატი ნანა პატარკაციშვილი არ ასახელებს პიროვნებას, ვისაც გააჩნია ამჟამად ”იმედის” მართვის უფლება.

”ეს ყველაფერი, ვიმეორებ, ჩემი ძმის ოჯახის, მისი მეუღლისა და შვილების და ჩვენი გვერდის ავლით მოხდა,”- დასძენს იგი.

”იმედის” თემაზე დღეს კომენტარი გააკეთა პარლამენტის თავმჯდომარემ ნინო ბურჯანაძემ და უარყო ხელისუფლების კავშირი ამ საკითხთან.

”მე რამდენადაც ვიცი, ეს არის შიდა ოჯახური დავა და ეს არის იურისტების გადასაწყვეტი. ვერავინ ვერავის ვერაფერს ვერ ჩამოართმევს. ეს არ არის კომპანია, რომელიც მარტო საქართველოსთან იქნებოდა დაკავშირებული, თქვენ იცით, რომ აქ ძალიან სერიოზული უცხოური კომპანიები და იურისტებიც არიან ჩარეული. ჩვენ აქ ნამდვილად არაფერ შუაში არ ვართ”, - განუცხადა ჟურნალისტებს ნინო ბურჯანაძემ

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
19