Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ბუშმა ”ურყევი მხარდაჭერა” აღუთქვა საქართველოს ნატოში მისწრაფებას
/ 20 მარ.'08 / 10:44
სივილ ჯორჯია

პრეზიდენტმა ბუშმა განუცხადა ვაშინგტონში მყოფ თავის ქართველ კოლეგას, რომ მხარს დაუჭერს საქართველოს შემდგომ ინტეგრაციას ნატოში აპრილში ბუქარესტის სამიტზე. პრეზიდენტმა სააკაშვილმა 19 მარტს თეთრი სახლის ოვალურ დარბაზში გამართული შეხვედრის შემდეგ განაცხადა, რომ ”ყველაფერი, რისი მოსმენაც სურდა”, მან მოისმინა ამერიკელი კოლეგისგან. 

შეხვედრის შემდეგ ორივე პრეზიდენტმა გააკეთა პრესისთვის განცხადებები, თუმცა მათთვის კითხვები არ დაუსვამთ.

”ბუქარესტის სამიტი გვიახლოვდება. საქართველოს მისწრაფების საკითხი ბუქარესტის სამიტზე გადაწყდება,”- განაცხადა პრეზიდენტმა ბუშმა, ”ნატოში წევრობის სამოქმედო გეგმაზე (MAP) განაცხადის გაკეთება, რა თქმა უნდა პრეზიდენტმა [სააკაშვილმა] კარგად იცის, რომ არ ნიშნავს გაწევრიანებას. MAP არის პროცესი, რომელიც საშუალებას მისცემს ნატოს წევრ სახელმწიფოებს თავი კომფორტულად იგრძნონ იმ ქვეყანასთან, რომელიც ალიანსში შემოერთებას აპირებს. მე მჯერა, რომ ნატო სარგებელს მიიღებს საქართველოს წევრობისგან. მჯერა ასევე, რომ საქართველოც მიიღებს სარგებელს ნატოს წევრობისგან. და მე ვუთხარი პრეზიდენტს, რომ ეს არის გზავნილი, რომელსაც მე მალე ბუქარესტში წავიღებ”.

აშშ-ს პრეზიდენტმა ასევე პირადად სააკაშვილი შეაქო. მან განაცხადა: ”მე აღფრთოვანებული ვარ პრეზიდენტით. მე აღფრთოვანებული ვარ იმით, თუ რა გზა გაიარა საქართველომ და რას აკეთებს საქართველო”.

საქართველოს ნატოში მისწრაფების შესახებ განცხადების გაკეთებამდე, ბუშმა საქართველოს ეკონომიკურ პროგრესზე ისაუბრა და შეაქო სააკაშვილის მთავრობა ”ძალიან გამარტივებული საგადასახადო კოდექსის” მიღების გამო. ”მე ვცადე ჩვენი საგადასახადო კოდექსის გამარტივება. ეს ისეთი რთულია. გილოცავთ, რომ თქვენ გაამარტივეთ და ასევე გილოცავთ იმას, რომ ზრდის ასეთ ტემპებს მიაღწიეთ,” - განაცხადა მან.

შემდეგ ბუში მიესალმა საქართველოს ”წვლილს დემოკრატიის განვითარებაში” არა მხოლოდ საქართველოში, არამედ ”ისეთ ადგილებშიც, როგორიცაა ერაყი”. 19 მარტს ხუთი წელი გავიდა ერაყის ომიდან.

”საქართველოს მოქალაქეებმა უნდა იცოდნენ, რომ ის ძალები, რომელიც იქ მიავლინეს, არიან გაბედული, მამაცი პროფესიონალები, რომელთაც მნიშვნელოვანი წვლილი შეიტანეს,” - განაცხადა ბუშმა.

თავის კომენტარებში პრეზიდენტმა ბუშმა კიდევ ერთხელ გამოხატა აშშ-ს მხარდაჭერა კონფლიქტების მშვიდობიანი მოგვარებისა და საქართველოს ტერიტორიული მთლიანობის მიმართ.

ბუშის საპასუხოდ პრეზიდენტმა სააკაშვილმა მადლობა გადაუხადა ამერიკის შეერთებულ შტატებს ”ჩვენი თავისუფლების, ჩვენი დემოკრატიის, ჩვენი ტერიტორიული მთლიანობის ცალსახა და ურყევი მხარდაჭერის გამო, ასევე საქართველოს საზღვრების დაცვისა და საქართველოს ნატოში მისწრაფების მხარდაჭერის გამო”.

სააკაშვილმა ასევე განაცხადა, რომ ბუშის ადმინისტრაციის მხარდაჭერა საქართველოს მიმართ ”დარჩება როგორც ფოტოგრაფიული მახსოვრობა ჩვენი ხალხის გონებაში და ჩვენ ეს ყოველთვის გვემახსოვრება”.

2004 წლიდან ეს უკვე მეოთხე შეხვედრაა ორ პრეზიდენტს შორის. 2005 წლის მაისში აშშ-ს პრეზიდენტი თბილისს სტუმრობდა.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14