Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სამეგრელოს და შიდა ქართლის გუბერნატორებმა პარლამენტის დროებით კომისიას ჩვენება მისცეს
სივილ ჯორჯია, თბილისი / 11 ნოე.'08 / 17:57

სამეგრელოს გუბერნატორმა ზაზა გოროზიამ ჩვენება მისცა აგვისტოს მოვლენების შემსწავლელ პარლამენტის დროებით კომისიას იმ ვითარების შესახებ, რომელიც ქვეყანაში რუსული სამხედრო ოკუპაციის დაწყებამდე და ოკუპაციის პერიოდში არსებობდა.

მისი თქმით, ის დაესწრო გუბერნატორების შეხვედრას თბილისში 7 აგვისტოს, სადაც შინაგან საქმეთა მინისტრმა ვანო მერაბიშვილმა ”ზოგადი” ინფორმაცია მიაწოდა მათ სამხრეთ ოსეთის კონფლიქტის ზონაში დაძაბულობის ზრდის თაობაზე; გოროზიას თქმით, მინისტრმა ყურადღება გაამახვილა ცხინვალის მიმართულებაზე, რადგანაც სამეგრელოს რეგიონში იმ ეტაპზე სიტუაციის გაუარესება მოსალოდნელი არ იყო.

”8 აგვისტოს, საღამოს იყო ყველაზე უფრო მძიმე დღე,” - განაგრძო მან, ”როცა მოხდა სენაკისა და ფოთის მიმართულების დაბომბვა; სენაკში სამი ადამიანი დაიღუპა. ფოთის პორტში გარდაიცვალა 6 ადამიანი, მთლიანობაში ფოთში 10 ადამიანი გარდაიცვალა”.

9 აგვისტოს რუსულმა ძალებმა, მისი თქმით, დაიწყეს სამხედრო ტექნიკის კონცენტრირება გალის რაიონში. ”ეს ის დღეა, როცა პრეზიდენტი ჩამოვიდა რეგიონში გართულებული ვითარების მიუხედავად,” - განაცხადა გოროზიამ.

გოროზიას თქმით, 10 აგვისტოს საღამოს რუსული სამხედრო სარდლობა ადგილზე დაუკავშირდა მას და პოლიციის სამმართველოს უფროსს და შეხვედრა სთხოვა, სადაც რუსულმა მხარემ აცნობა მათ, რომ განზრახული ჰქონდათ ზუგდიდის რაიონის შიგნით შესვლა, რათა სრული კონტროლი დაემყარებინათ 12-კილომეტრიან უსაფრთხოების ზონაზე.

გოროზიამ განაცხადა, რომ იგი შეეცადა შეწინააღმდეგებოდა რუსების ამ ქმედებას რუსულ სარდლობასთან მოლაპარაკებების დროს, თუმცა საბოლოოდ მას დათანხმება მოუწია, რათა თავიდან აეცილებინა რაიმე საფრთხე ადგილობრივი მოსახლეობისთვის. ”პოლიციის სამმართველოს უფროსმა მიიღო დავალება, რომ მათი შემოსვლა მომხდარიყო,”- აღნიშნა ასევე გოროზიამ. მისი თქმით, მან ამ გადაწყვეტილების შესახებ აცნობა სახელმწიფო მინისტრს რეგიონალურ საკითხებში დავით ტყეშელაშვილს.

შემდეგ მან განაცხადა: ”ეს არის ის დღე, როცა სამეგრელოში არ იმყოფება არცერთი სამხედრო დანაყოფი,” რადგანაც ქართული სამხედრო შენაერთები რუსულ ძალებთან საბრძოლველად გაგზავნეს სამხრეთ ოსეთში. მისი თქმით, მიუხედავად თავდაპირველი შეთანხმებისა, 11 აგვისტოს რუსული ძალები გასცდნენ 12-კილომეტრიან უსაფრთხოების ზონას და თითქმის მთელი სამეგრელოს რეგიონი დაიკავეს, მათ შორის სენაკი და ფოთი.

გოროზიას თქმით, 12 აგვისტოს აფხაზეთის სეპარატისტული ძალები პირველად გამოჩნდნენ და ”ხურჩის და განმუხურის კონტროლი დაიწყეს”. მან ასევე განაცხადა, რომ აფხაზეთის წარმომადგენლები ცდილობდნენ დაერწმუნებინათ ხურჩის და განმუხურის ადგილობრივი მოსახლეობა ლოიალურობა გამოეჩინათ აფხაზეთის ხელისუფლების მიმართ, თუმცა, ადგილობრივებმა ეს შეთავაზება უარყვეს, განაცხადა გოროზიამ.

გოროზიამ განაცხადა, რომ ”რუსები არაფრად არ აგდებდნენ გაეროს დამკვირვებლებს, მათთან არც საუბრობდნენ”.

მისი თქმით, სენაკის სამხედრო ბაზა არის ”პრაქტიკულად ხელშეუხებელი”, თუმცა მან ასევე განაცხადა, რომ სენაკის ინფრასტრუქტურის გადასარჩენად მიღებულ ზომებზე ის დახურულ სხდომაზე ისაუბრებს.

შიდა ქართლის გუბერნატორმა ლადო ვარძელაშვილმა განუცხადა კომისიას, რომ აგვისტოს დასაწყისიდან ხორციელდებოდა ქართული სოფლების წინააღმდეგ ”მასიური და დიდი ხანგრძლივობის სროლები”.

მისი თქმით, სხვა გუბერნატორების მსგავსად, ისიც დაესწრო 7 აგვისტოს ვანო მერაბიშვილთან შეხვედრას; შეხვედრა ასევე ესწრებოდა დავით ტყეშელაშვილი. ”ჩვენ მივიღეთ დავალებები, რომ ჩვენ უნდა გადავსულიყავით 24-საათიანი მუშაობის რეჟიმზე და გვემოქმედა ჩვენი კომპეტენციის ფარგლებში, არ ყოფილიყო პანიკა და დეზორგანიზება ადგილობრივ ხელისუფლებაში,” - განაცხადა მან.

”საევაკუაციო დამტკიცებული გეგმა არ არსებობდა... პირველი დაბომბვა გორში 8 რიცხვში დილით მოხდა. დაბომბვების შემდეგ სასწაფოდ მივხვდით, რომ ევაკუაცია იყო დასაწყები. ეს იყო ჩემი დამოუკიდებელი გადაწყვეტილება. მე დავავალე ადგილობრივ ადმინისტრაციას ეცნობათ ადგილობრივი მოსახლეობისათვის, რომ საჭირო იყო ქალაქის დატოვება,” - განაცხადა ვარძელაშვილმა. 

მშვიდობიან მოსახლეობაში 104 ადამიანია მსხვერპლი შიდა ქართლის რეგიონში, განაცხადა მან.

ვარძელაშვილის თქმით, მან გორი 11 აგვისტოს საღამოს იმიტომ დატოვა, რომ ”ფიზიკურად შეუძლებელი იყო იქ კიდევ რამის გაკეთება”. მისი თქმით, ის კასპში წავიდა, საიდანაც 13 აგვისტოს დაბრუნდა.

მისი თქმით, მას ხშირად უწევდა ურთიერთობა რუსეთის სადესანტო ძალების მეთაურის მოადგილესთან გენერალ-მაიორ ალექსანდრე ბორისოვთან, რომელიც რუსულ ძალებს მეთაურობდა ადგილზე. ვარძელაშვილის თქმით, ”გენერალი ბორისოვი თითქმის ყოველთვის ნასვამი იყო”.  

”სისულელეებსაც ბოდავდა ხოლმე. მათი მიზანი იყო მთლიანად შიდა ქართლი დაეკავებინათ, ხელისუფლება შეეცვალათ და პრეზიდენტი სააკაშვილი დაეკავებინათ - მე ბორისოვის სიტყვების ციტირებას ვახდენ,” - განუცხადა ვარძელაშვილმა კომისიის წევრებს.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
10