Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
იაკობაშვილი საქართველოს წინააღმდეგ დაგეგმილ მედია კამპანიაზე საუბრობს
სივილ ჯორჯია, თბილისი / 12 ნოე.'08 / 18:45

საქართველოს წინააღმდეგ მედია-კამპანიის საწარმოებლად რუსეთმა ”ძალიან დიდი ფული” გამოყო და მისმა უშიშროების სამსახურებმა ამ მიზნით ”დაშინება-შანტაჟის” მექანიზმები აამუშავეს, განაცხადა რეინტეგრაციის საკითხებში სახელმწიფო მინისტრმა თემურ იაკობაშვილმა.

მან დღეს პრესკონფერენცია ბოლო დროს უცხოურ მედიაში გააქტიურებული ”ანტიქართული პროპაგანდის” საპასუხოდ მოიწვია.

”ასეთი ”მარგალიტები” მრავლად ხვდება დასავლეთის პრესაში,”- განაცხადა იაკობაშვილმა, ”ჩვენ ვერავის ვერ დავაბრალებთ პირდაპირ, რომ ფული აიღო ან რუსეთის აგენტია, ასეთი განსჯის უფლება ალბათ მკითხველს უფრო აქვს, ვიდრე ხელისუფლებას, მაგრამ მიგითითებთ და მოგიწოდებთ ყველას გადაამოწმოთ ის ინფორმაციები, რომლებიც ვრცელდება, მიმართოთ ეუთოს ადგილობრივ ოფისს და სათავო ოფისს და გაარკვიოთ ამ ინფორმაციის წყაროების წარმომავლობის სანდოობა”. 

” ალბათ, მოვიდა დრო, რომ ღიად ვთქვათ, რომ ეს არის ალბათ დაგეგმილი მედია კამპანიის ნაწილი,”- დასძინა მან.

New York Times-ში გასულ კვირას გამოქვეყნდა სტატია, სადაც ეუთოს სამხედრო დამკვირვებლებზე დაყრდნობით ეწერა, რომ ქართული სოფლები არ იბომბებოდა 7 აგვისტოს საღამოს, ვიდრე ქართული ძალები დაბომბავდნენ ცხინვალს, რამაც ოფიციალური თბილისის ვერსია ეჭვქვეშ დააყენა. ეუთოს მისიამ საქართველოში 9 ნოემბერს გამოქვეყნებულ მოკლე განცხადებაში აღნიშნა, რომ ”ის არ გააკეთებს კომენტარს მისი ყოფილი წევრების პერსონალურ განცხადებებზე” - გულისხმობდა რა ეუთოს იმ ყოფილ დამკვირვებლებს, რომელთა ინფორმაციასაც დაეყრდნო New York Times. 

ამის გარდა 11 ნოემბერს, International Herald Tribun-ში (ეს გაზეთი New York Times-ის კომპანიის ნაწილია) გამოქვეყნდა სარედაქციო სტატია სადაც ნათქვამია: “ეუთოს დამკვირვებლებში ეჭვის შეტანის მიზეზი არ არსებობს. გარდაუვალი დასვნაა ის, რომ სააკაშვილმა დაიწყო ომი და შემდეგ იცრუა ამის შესახებ. შესაძლოა კრემლმაც შეიტანა თავისი წვლილი საქართველოს პროვოცირებაში - და მისი რეაქცია საქართველოს [ცხინვალზე] თავდასხმებზე წინასწარგანხრახულად მწვავე იყო - მაგრამ ეს არ ამართლებს სააკაშვილს, რომელმაც უფლება მისცა საკუთარ თავს პროვოცირებული ყოფილიყო”. 

აღსანიშნავია, რომ 10 ნოემბერს საქართველოს პარლამენტში გადაწყდა სპეციალური ჯგუფის შექმნა, რომელიც საქართველოს მიმართ, როგორც დეპუტატებმა აღნიშნეს, ”ცილისმწამებლურ” პუბლიკაციებს პასუხს გასცემს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
11