Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ტელეკომპანია ”იმედის” ყოფილი ოფიციალური მფლობელი ზეწოლაზე საუბრობს
სივილ ჯორჯია, თბილისი / 10 დეკ.'08 / 17:28

ტელეკომპანია ”იმედის” ყოფილმა ოფიციალურმა მფლობელმა გოგი ჯაოშვილმა 10 დეკემბერს განაცხადა, რომ იგი აიძულა ხელისუფლებამ დაეთმო აქციები და გადაეცა ტელეკომპანიის ამჟამინდელი მფლობელისთვის, ჯოზეფ ქეისთვის.

გოგი ჯაოშვილი, რომელიც პატარკაციშვილის ახლო მეგობარი იყო, ფლობდა 70%-ს კომპანია JMG-ში. ეს კომპანია I-Media-ს აქციების 65%-ის მფლობელია, ეს უკანასკნელი კი ტელეკომპანია ”იმედის” 100%-იანი დამფუძნებელი და მფლობელია. ჯაოშვილი ასევე იყო I-Media-ს სამეთვალყურეო საბჭოს თავმჯდომარე.

ჯოზეფ ქეიმ, პატარკაციშვილის შორეულმა ნათესავმა, განაცხადა, რომ მან ტელეკომპანია და რადიო ”იმედის” აქციები გოგი ჯაოშვილისგან 2008 წლის თებერვალში პატარკაციშვილის გარდაცვალების შემდეგ იყიდა ”უბრალოდ ფულის გადახდის შედეგად”. თუმცა, გარდაცვლილი ბიზნესმენის ოჯახი აცხადებს, რომ ქეიმ უკანონოდ მოიპოვა კონტროლი ტელეკომპანიაზე საქართველოს ხელისუფლების დახმარებით.

ჯაოშვილმა, რომელსაც აქამდე რაიმე საჯარო განცხადება არ გაუკეთებია, დუმილი 10 დეკემბერს პატარკაციშვილის ოჯახის მიერ მოწვეულ პრესკონფერენციაზე დაარღვია.

მისი თქმით, 19 თებერვალს, პატარკაციშვილის გარდაცვალებიდან ერთ კვირაში, ჯოზეფ ქეიმ მას შეხვედრა სთხოვა გარდაცვლილი ბიზნესმენის საქართველოში არსებულ ქონებასთან დაკავშირებული საკითხების განსახილველად. შეხვედრაზე, როგორც ჯაოშვილმა განაცხდა, ქეიმ უჩვენა მას დოკუმენტები და განუცხადა, რომ პატარკაციშვილის ქონების მართვის უფლება აქვს. შემდეგ, განაგრძო ჯაოშვილმა, ის და ქეი ნოტარიუსთან წავიდნენ სამართალდამცავი სტრუქტურების წარმომადგენლების თანხლებით.

”მე ავუხსენი მათ, რომ ამ მქონდა ჩემი აქციების გაყიდვის ან გადაცემის უფლება სხვა თანამფლობელების თანხმობის გარეშე,” - განაცხადა ჯაოშვილმა. ”სამართალდამცავი სტრუქტურის წარმომადგენლებმა, რომლებიც იქ იყვნენ, მითხრეს, რომ სხვა თანამფლობელებთან პრობლემები არ შეიქმნებოდა. შემდეგ მე ავუხსენი მათ, რომ ”იმედის” აქტივები დაყადაღებულია [პატარკაციშვილის აქტივები იანვარში დააყადაღეს სისხლის სამართლის ბრალდებებთან დაკავშირებით]  ... თუმცა, ორი საათის შემდეგ მათ მოიტანეს დოკუმენტები და განაცხადეს, რომ მის ქონებას ყადაღა მოეხსნა. ამის შემდეგ ხელი მოვაწერე ყიდვა-გაყიდვის შეთანხმებას”. 

მან ასევე განაცხადა, რომ იმავე დღეს სამართალდამცავებმა იგი წაიყვანეს ფინანსური პოლიციის ოფისში, სადაც მას მოსთხოვეს ”ნებაყოფლობით გადამდგარიყო” I-Media-ს სამეთვალყურეო საბჭოს თავმჯდომარის პოსტიდან. ”ჩემს მიმართ გამოყენებული იყო ფსიქოლოგიური ზემოქმედების უხეში ფორმები და იძულებული გავხდი ხელი მომეწერა განცხადებებისთვის,” - განაცხადა ჯაოშვილმა.   
 

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14