Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
გიორგი თარგამაძე: დიალოგს ალტერნატივა არ გააჩნია
სივილ ჯორჯია, თბილისი / 26 მარ.'09 / 18:02

საპარლამენტო უმცირესობის და ქრისტიან-დემოკრატიული პარტიის ლიდერმა გიორგი თარგამაძემ განაცხადა, რომ დაპირისპირებულ პოლიტიკურ ძალებს შორის ”დიალოგს, კონსენსუსს და შეთანხმებას” ალტერნატივა არ გააჩნია.

”ჩვენ კმაყოფილი ვართ, რომ მარტოები აღარ ვართ ამ ინიციატივებში და დიალოგზე საუბარი სულ უფრო ხშირად გაისმის, თვით არასაპარლამენტო ოპოზიციურ ფლანგზე, კონკრეტულად კი ამ შემთხვევაში ბატონი ირაკლი ალასანიას განცხადებები მაქვს მხედველობაში,”- განაცხადა მან დღეს ევროპის საბჭოს საპარლამენტო ასამბლეის მონიტორინგის კომიტეტის დელეგაციასთან შეხვედრის შემდეგ, ”თუმცა ეს დიალოგი უნდა იყოს დატვირთული რეალური შინაარსით, უნდა მივიღოთ რეალური შედეგები და ხელისუფლებას არ უნდა ჰქონდეს ილუზია იმისა, რომ მხოლოდ კოსმეტიკური ცვლილებებით რაიმე გამოსავალი იქნება მიღწეული”.

25 მარტს ალიანსი საქართველოსთვის ლიდერმა ირაკლი ალასანიამ განაცხადა, რომ  ”გამოსავალი უნდა ვიპოვოთ ქართველებმა  - ოპოზიციის და ხელისუფლების დიალოგის გზით”.

არასაპარლამენტო ოპოზიციური პარტიების დიდი ნაწილი აცხადებს, რომ ხელისუფლებასთან დიალოგი შესაძლებელია მხოლოდ პრეზიდენტ სააკაშვილის გადადგომის პირობებზე.

იმავდროულად, გიორგი თარგამაძემ, რომელმაც ცოტა ხნის წინ ტრადიციონალისტთა კავშირის ლიდერთან აკაკი ასათიანთან ერთად საპარლამენტო რესპუბლიკის სისტემაზე გადასვლაზე მსჯელობის დაწყებისკენ მოუწოდა, განაცხადა, რომ აუცილებელია საკონსტიტუციო ცვლილებები.

”მიგვაჩნია, რომ აუცილებლობას წარმოადგენს სისტემური, მათ შორის კონსტიტუციური ცვლილებები, რაც უნდა გამოიხატოს პრეზიდენტის ხელისუფლების შეზღუდვის ხარჯზე საპარლამენტო ხელისუფლების გაძლიერების კუთხით,”- განაცხადა მან.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15