Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოპოზიციის ზოგიერთი წარმომადგენელი, ომბუდსმენი მერაბიშვილს შეხვდნენ
სივილ ჯორჯია, თბილისი / 12 აგვ.'09 / 15:45

ოპოზიციის წარმომადგენლებმა დღეს შინაგან საქმეთა მინისტრთან ვანო მერაბიშვილთან დაახლოებით 1.5 საათიანი შეხვედრის შემდეგ განაცხადეს, რომ შსს ერთ კვირაში გასცემს მათ პასუხს ოპოზიციის მხარდამჭერების  ”პოლიტიკურად მოტივირებულ” საქმეებზე და ასევე მათ მიეცემათ შსს-ს ხელმძღვანელობასთან შეუფერხებელი კონტაქტის შესაძლებლობა.

ოპოზიციის წარმომადგენლებმა შსს-ს გადასცეს მათი აქტივისტების სია, რომლებიც ბოლო თვეებში იქნენ დაკავებული, როგორც თავად აცხადებენ, ძირითადად ნარკოტიკებთან და იარაღთან დაკავშირებული გამოგონილი ბრალდებებით საპროტესტო აქციების მსვლელობისას.  

”შეთანხმება შედგა, რომ ის მასალები და კონკრეტული მონაცემები, რომელიც გადაეცა შინაგან საქმეთა მინისტრს, მათი მხრიდან შესწავლილი იქნება და დაახლოებით ერთ კვირის ვადაში კონკრეტული პასუხები იქნება შსს-ს მხრიდან. ასევე ჩვენ შევთანხმდით, რომ იქნება შესაძლებლობა 24-საათიან რეჟიმში ოპოზიციიდან კავშირის საშუალების შსს-ის ხელმძღვანელობასთან, თუკი პოლიტიკურად მოტივირებული დაჭერები გაგრძელდება,”- განაცხადა შეხვედრის შემდეგ ირაკლი ალასანიამ, ჩვენი საქართველო - თავისუფალი დემოკრატების და ალიანსი საქართველოსთვის ლიდერმა.

”ეს ორივე ნაბიჯი, ჩემი აზრით, არის ძალიან კარგი კეთილი ნების ნაბიჯი,”- აღნიშნა მან და დასძინა, რომ მომდევნო ერთი კვირა იქნება ხელისუფლების გამოცდა, თუ რამდენად შედეგიანია მსგავსი ტიპის შეხვედრები.

შეხვედრას არასაპარლამენტო ოპოზიციიდან ასევე ესწრებოდნენ ირაკლი ალასანიას პარტიის წევრი ზურაბ აბაშიძე, ასევე ალიანსიდან რესპუბლიკელების ლიდერი დავით უსუფაშვილი და ახალი მემარჯვენე ფიქრი ჩიხრაძე, პარტია თავისუფლებიდან სანდრო ბრეგაძე, მრეწველების ლიდერი ზურაბ ტყემალაძე, ტრადიციონალისტთა კავშირიდან აკაკი ასათიანი და ეროვნულ-დემოკრატიული პარტიის ლიდერი ბაჩუკი ქარდავა, რომელსაც ერთი წარმომადგენელი ჰყავს პარლამენტში. საპარლამენტო უმცირესობიდან შეხვედრაზე წარმოდგენილი იყვნენ დეპუტატები ლევან ვეფხვაძე ქრისტიან-დემოკრატებიდან, ჯონდი ბაღათურია ქართული დასიდან და პაატა დავითაია, პარტია ჩვენ თვითონ ლიდერი.

შეხვედრაზე ასევე მივიდა სახალხო დამცველი სოზარ სუბარი, რომელსაც ამ პოსტზე ვადა სექტემბერში ეწურება.  სუბარმა შეხვედრის დაწყებამდე განაცხადა, რომ უნდა შეწყდეს პოლიტიკური ტერორი, რამაც საგანგაშო ხასიათი მიიღო.

”ჯერ დაველოდებით შედეგებს და მერე ვიტყვით დადებითია თუ უარყოფითი [შეხვედრა],” - განუცხადა შეხვედრის დასრულების შემდეგ სუბარმა ჟურნალისტებს.

ზურაბ აბაშიძემ განუცხადა Civil.ge-ს, რომ ალიანსმა საქართველოსთვის შსს-ს გადასცა სხვადასხვა პოლიტიკური პარტიის დაკავებული აქტივისტის 48-კაციანი სია.  

დეპუტატმა ლევან ვეფხვაძემ განაცხადა, რომ მან წარადგინა 10-კაციანი სია, რომელიც ქრისტიან-დემოკრატებს დაკავებულების ნათესავებმა მიაწოდეს. მისი თქმით, ხელისუფლებას ამ პირების გათავისუფლებით ეძლევა მარტივი შანსი, რათა რეალური ნაბიჯები გადმოდგას ოპოზიციისკენ ნდობის აღდგენის კუთხით.

დავით უსუფაშვილის თქმით, მან მოუწოდა მერაბიშვილს იმ სისტემის დემონტაჟისკენ, რომელიც წარმოშობს პოლიტპატიმრებს და ”ჩვენ  მზად ვართ მონაწილეობა მივიღოთ” ამ პროცესში. 

ვანო მერაბიშვილთან დღევანდელი შეხვედრა დაიგეგმა უშიშროების საბჭოს ფორმატში ოპოზიციის ნაწილის წარმომადგენელთა პრეზიდენტ სააკაშვილთან შეხვედრაზე.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
30