Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ტრაგიკულად დაღუპულ ქართველ ოლიმპიელს 17 თებერვალს ჩამოასვენებენ
სივილ ჯორჯია, თბილისი / 15 თებ.'10 / 13:48

ვანკუვერში ტრაგიკულად დაღუპულ მოციგავეს ნოდარ ქუმარიტაშვილს საქართველოში 17 თებერვალს ჩამოასვენებენ და მის მშობლიურ ბაკურიანში დაკრძალავენ.

21 წლის მოციგავე ოლიმპიური თამაშების დაწყებამდე რამოდენიმე საათით ადრე მომხდარი უბედური შემთხვევის დროს დაიღუპა, როდესაც ის მსოფლიოში ერთ-ერთი ყველაზე სწრაფი და სახიფათო უისტლერის ტრასიდან ეშვებოდა.

ეს სავარჯიშო დაშვება იყო, ხოლო შეჯიბრში ქუმარიტაშვილი 14 თებერვალს უნდა ჩართულიყო. მასთან ერთად, იმავე დღეს მისი თანაგუნდელი და მეგობარი, ლევან გურეშიძეც უნდა გამოსულიყო, თუმცა მომხდარის შემდეგ ის შეჯიბრზე აღარ გასულა. სხვა ქართველი ოლიმპიელები, ახლა უკვე ექვსნი, ასპარეზობას განაგრძობენ.

შეჯიბრის დაწყება ორგანიზატორებს და საციგაო სპორტის საერთაშორისო ფედერაციას არ გადაუდიათ. ერთობლივ განცხადებაში მათ აღნიშნეს, რომ ტრაგიკული შემთხვევა არა ტრასის გაუმართაობამ, არამედ ქართველი მოციგავის მიერ ტრასის ბოლო მოსახვევში შესვლისას დაშვებულმა შეცდომამ გამოიწვია.

თუმცა, ასეთი განცხადების მიუხედავად, მათ ცვლილებები შეიტანეს ტრასის კონფიგურაციაში.

იმ მოსახვევის კედელი, სადაც ტრაგედია მოხდა, აამაღლეს - შედეგად შეჯიბრის დროს რომელიმე მოციგავე ტრასის ამ მონაკვეთზე ციგიდან რომც გადმოვარდნეს ის ტრასიდან არ გადავარდება. 12 თებერვალს როდესაც ტრაგედია მოხდა, ეს დამცავი კედელი არ არსებობდა და ქართველი ოლიმპიელი ციგიდან გადმოვარდნის შემდეგ ტრასიდან გადავარდა და რკინის ბოძებს შეასკდა.

მეორე ცვლილებით ორგანიზატორებმა და საციგაო სპორტის საერთაშორისო ფედერაციამ, ტრასაზე სტარტის ადგილი ქვემოთ ჩაწიეს, რითაც მანძილი შეამცირეს. ამ ცვლილებით, ტრასაზე მოციგავეთა სიჩქარე დაახლოებით 10 კმ/სთ-ით შემცირდა.

ეს საკითხი დასავლეთის მედიის ყურადღების ცენტრში მოექცა. ბრიტანული Guardian-ი სვამდა შეკითხვას, თუ რატომ გახდა საჭირო ამ უსაფთხოების ზომების გატარება თუ ტრასა სახიფათო არც ყოფილა, როგორც ამას ორგანიზატორები და ფედერაცია აცხადებს.

New York Times-ი კი წერდა, რომ ტრასაზე განხორციელებული ცვლილებები ფაქტიურად ორგანიზატორების მხრიდან ”უთქმელ აღიარებას” ნიშნავდა, რომ ტრასა სახიფათო იყო. თუმცა თავად ოლიმპიური კომიტეტის წარმომადგენლები, გაზეთის ცნობით, ამ ცვლილებებს იმით ხსნიდნენ, რომ სურდათ ტრაგედიით აღელვებული მოციგავეთა დამშვიდება.

პრეზიდენტმა სააკაშვილმა ვანკუვერში გამართული პრესკონფერენციის დროს განაცხადა, რომ ის ამ საქმის სპეციალისტი სულ არ არის, ”მაგრამ ერთი რამ ცხადია - სპორტული შეცდომა, ადამიანის სიკვდილის მიზეზი არ უნდა გახდეს.”

შეჯიბრში 14 თებერვალს გერმანელმა მოციგავეებმა გაიმარჯვეს, რომლებმაც ოქრო და ვერცხლის მედლები გაინაწილეს, ხოლო ბრინჯაო იტალიელ მოციგავეს ერგო.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12