Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
უგულავამ საარჩევნო კამპანია ოფიციალურად დაიწყო
სივილ ჯორჯია, თბილისი / 26 აპრ.'10 / 19:29

მმართველმა პარტიამ თბილისის მოქმედი მერი გიგი უგულავა 26 აპრილს მეორიბს კანდიდატად ოფიციალურად დაასახელა.

”მომავალი 34 დღის განმავლობაში ჩვენ შევეცდებით თბილისელებს ავუხსნათ, თუ რის გაკეთებას ვაპირებთ, დაფუძნებული იმაზე, თუ რა გვიკეთებია. ჩვენი თითოეული დაპირება იქნება მოკრძალებული, საქმიანი და, ამავდროულად, რეალისტური,” - განუცხადა უგულავამ ჟურნალისტებს ცენტრალურ საარჩევნო კომისიაში განცხადების შეტანის შემდეგ.

იმავე დღეს უგულავა გლდანის რაიონში მხარდამჭერების წინაშე წარსდა და მათ განუცხადა, რომ მისი პრიორიტეტი დასაქმება იქნება. 

”მომდევნო ოთხი წლის განმავლობაში თბილისის მერია, მისი ყველა სტრუქტურული ერთეული, გამგეობები და მუნიციპალიტეტები იქნება ერთგავი დასაქმების ბიურო, ხოლო თბილისის მერი იქნება დასაქმების დამცველი,” - განაცხადა უგულავამ მხარდამჭერებთან სიტყვით გამოსვლისას.

”თბილისს სჭირდება მერი, რომელმაც ბევრი გააკეთა, მაგრამ აღიარებს, რომ გასაკეთებელი კიდევ ბევრი აქვს,” - განაცხადა მან.

თავის გამოსვლაში უგულავამ ასევე განაცხადა, რომ თბილისის მერი ქალაქის ყოველდღიურ საჭიროებებზე უნდა ზრუნავდეს და არა ”საკუთარ პოლიტიკურ ამბიციებზე.”  

”თბილისს არ სჭირდება მერი, რომლისთვისაც მერობა მხოლოდ ტრამპლინია და მეტი არაფერი. თბილისს არ სჭირდება მერი, რომელიც ქალაქს პოლიტიკური კინკლაობის ცენტრად აქცევს. თბილისს სჭირდება მშრომელი მერი, რომელიც თბილისს დასაქმების ცენტრად აქცევს,” - განაცხადა მან.

უგულავა ბოლო თვეების განმავლობაში საჯაროდ პოლიტიკური განცხადებების გაკეთებისგან თავს იკავებს და ”მეურნე მერის” იმიჯის დამკვიდრებაზე იყო გადასული.

იგივე მიდგომას იზიარებს ქრისტიან-დემოკრატიული მოძრაობის მერობის კანდიდატი გიორგი ჭანტურიას, რომელიც აცხადებს, რომ იგი სულაც არ არის პოლიტიკოსი და რომ მთავარია მერი კარგი მეურნე იყოს.

ალიანსი საქართველოსთვის ლიდერი და მერობის კანდიდატი ირაკლი ალასანია აცხადებს, რომ ოპოზიციის წარმატება ადგილობრივ არჩევნებში ამომრჩევლებს ნდობას გაუჩენს, რომ ”მთავრობის შეცვლა არჩევნების გზით შესაძლებელია” და რომ 30 მაისის არჩევნები ამ ”მნიშვნელოვანი ცვლილების” დასაწყისი უნდა გახდეს.

26 აპრილს ამგვარი მიდგომა პრეზიდენტმა სააკაშვილმაც გააკრიტიკა.
 
”არსებობს ხალხი, ვინც ამბობს, რომ ეს არჩევნები არაფერს არ ნიშნავს, ეს არის პლაცდარმი იმისათვის, რომ საქართველოში რაღაც პერიოდის შემდეგ შეიცვალოს მართველობა. მე ნამდვილად არ მინდა, რომ რომელიმე თბილისელი ცხოვრობდეს ვიღაცის ამბიციების პლაცდარმზე ან ვიღაც პოლიტიკოსის კატაპულტში,” - განაცხადა სააკაშვილმა ”რუსთავი 2”-თან ინეტრვიუში 26 აპრილს.

მან ასევე განაცხადა: ”სხვა კანდიდატებიც არსებობენ, რომლებიც დაბერავენ ლამაზად ტუჩებს და ამბობენ: ’შემომხედეთ რა ლამაზი ვარ, როგორ შეიძლება ასეთ ბიჭს არ მისცე ხმა?’ სილამაზით რომ ქვეყანა შენდებოდეს, მაშინ თბილისის მერად ნანკა კალატოზიშვილი უნდა ავირჩიოთ.”

მან ასევე გააკრიტიკა ქრისტიან-დემოკრატების მერობის კანდიდატი გიორგი ჭანტურია, რომელიც გაზის და დენის ტარიფებში მნიშვნელოვან შემცირებას და უფასო წყალს პირდება ამომრჩევლებს.

”არიან კანდიდატები, ვინც იძახიან, რომ გაზი და წყალი იქნება უფასო ან ძალიან პატარა ფასად... შეგვიძლია მივცეთ ხმა ასეთ კანდიდატებს, მაგრამ მაშინ უნდა ვიცოდეთ, რომ წყალი და გაზი აღარ გვექნება,” - განაცხადა სააკაშვილმა.

მისი თქმით ის დაინტერესებულია უგულავას ხელახლა არჩევაში, რადგანაც არ სურს, რომ ყველაფერი რაც დედაქალაში გაკეთდა ”წყალში ჩაიყაროს”.

 ”ფაქტია, რომ ახლა ვდგავართ სწორ გზაზე,” - განაცხადა მან. ”ყველა თბილისელმა უნდა ჰკითხოს საკუთარ თავს: არის თუ არა თბილისი უკეთესი ქალაქი, ვიდრე ოთხი წლის წინ? მოსწონს თუ არა აღმშენებლობა, რომელსაც ყველა აღიარებს, მათ შორის ოპონენტებიც? უნდათ თუ არა იცხოვრონ იმ ქალაქში, რომელიც ერთ-ერთი ყველაზე ლამაზი და კომფორტული იქნება ევროპის ქალაქებს შორის? თუ ამ ყველაფერზე პასუხი არის დადებითი, მაშინ ამ არჩევნებში ამომრჩეველმა მხარი უნდა დაუჭიროს ნაციონალურ მოძრაობას და მოქმედ მერს, გიგი უგულავას. მე ვფიქრობ, ჩვენ გვყავს ძალიან გონიერი ამომრჩეველი და ის მიიღებს სწორ გადაწყვეტილებას,” - განაცხადა სააკაშვილმა.

მმართველმა პარტიამ ასევე წარადგინა თბილისის საკრებულოს წევრობის კანდიდატები. თბილისის საკრებულოს ამჟამინდელი თავმჯდომარე ზაალ სამადაშვილი მმართველი პარტიის სიის პირველი ნომერია.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
23