Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
გაეროს გენასამბლეამ საქართველოს იძულებით გადაადგილებულ პირებზე რეზოლუცია მიიღო
სივილ ჯორჯია, თბილისი / 8 სექ.'10 / 12:49

გაეროს გენერალურმა ასამბლეამ 7 სექტემბერს მიიღო საქართველოს მიერ ინიცირებული რეზოლუცია, რომელიც აღიარებს ყველა დევნილისა და ლტოლვილის უფლებას დაბრუნდნენ აფხაზეთსა და ცხინვალის რეგიონში.

რეზოლუციას მხარი 50–მა ქვეყანამ დაუჭირა 17–ის წინააღმდეგ; 86–მა თავი შეიკავა.

გაეროს გენერალურმა ასამბლეამ მსგავსი რეზოლუციები ორჯერ უკვე მიიღო 2008 წელს (აფხაზეთთან მიმართებაში) და 2009–ში. საქართველო მიესალმება, რომ ყოველწლიურად რეზოლუციის მხარდამჭერთა წრე ფართოვდება.

შარშან რეზოლუციას მხარი 48 ქვეყანამ დაუჭირა, 19–მა მის წინააღმდეგ მისცა ხმა, ხოლო 78–მა თავი შეიკავა. 2008 წელს კი რეზოლუცია მხოლოდ 14 ხმით 11–ის წინააღმდეგ გავიდა, 105-მა თავი შეიკავა.

“ჩვენ ორი ხმა მოგვემატა, ჩვენ ოპონენტებს – რუსეთის ფედერაციას – ორი ხმა დააკლდათ,“– განაცხადა გრიგოლ ვაშაძემ, საქართველოს საგარეო საქმეთა მინისტრმა 8 სექტემბერს თბილისში ვიზიტად მყოფ მის ფინელ კოლეგასთან, ალექსანდრე სტუბთან ერთობლივ პრესკონფერენციაზე საუბრისას.

“და ეს ტენდენცია გაგრძელდება მარტივი მიზეზის გამო  – საერთაშორისო საზოგადოებამ ვერდიქტი გამოუტანა რუსეთის და საოკუპაციო რეჟიმების ქმედებებს ოკუპირებულ ტერიტორიებზე და იმ ეთნიკურ წმენდას – რეზოლუციაში არის შესანიშნავი ფორმულირება ‘ძალადობრივი შეცვლა დემოგრაფიული სიტუაციის’, რაც სინონიმი არის ეთნიკური წმენდის, რომელიც მოხდა აფხაზეთში და ცხინვალის რეგიონში,“– აღნიშნა მან. 

7 სექტემბრის კენჭისყრამდე რუსეთი შეეცადა დღის წესრიგიდან მოეხსნა ეს საკითხი; მაგრამ ამ მცდელობას 67–მა ქვეყანამ არ დაუჭირა მხარი, მომხრე 32 იყო, ხოლო თავი 54–მა შეიკავა.

გაეროში რუსეთის წარმომადგენელმა განაცხადა, რომ რეზოლუციას არ აქვს ჰუმანიტარული მიზნები და ის გამოკვეთილად პოლიტიკურ ხასიათს ატარებს, რაც საქართველოს მოკლევადიან გათვლებს ეფუძნება. რუსეთმა ასევე განაცხადა, რომ რეზოლუციის ტექსტი არარეალისტურია, კერძოდ იმ ნაწილში, სადაც საუბარია იძულებით გადაადგილებულ პირთა ადრეული დაბრუნებისთვის ვადების დაწესებაზე. ამ კუთხით, რუსეთის ელჩის თქმით, მხედველობაში არ არის მიღებული გენერალური მდივნის მოხსენება, სადაც ნათქვამია, რომ ასეთი ვადების დაწესება ნაადრევია.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14