Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სახალხო კრება 25 ნოემბრისთვის დაიგეგმა
სივილ ჯორჯია, თბილისი / 30 სექ.'10 / 17:19

წარმომადგენლობითი სახალხო კრება, რომელსაც ნინო ბურჯანაძის პარტია დემოკრატიული მოძრაობა – ერთიანი საქართველო აქტიურად უჭერს მხარს, 25 ნოემბერს გაიმართება, მანამდე კი კრების მიზნებისა და ამოცანების პოპულარიზაციისთვის და მის მოსამზადებლად რეგიონებში გასვლითი შეხვედრები იგეგმება.

სამოქმედო გეგმის შესახებ დეკლარაცია სახალხო კრების მოსამზადებელ კონფერენციაზე იქნა მიღებული, რომელიც თბილისში 29 სექტემბერს ჩატარდა.

“სახალხო წარმომადგენლობითი კრება გამოიყენებს სამოქალაქო წინააღმდეგობის ყველა ქმედით ფორმას... და ჯანსაღ პოლიტიკურ ძალებთან, სამოქალაქო საზოგადოებასთან ერთად მიაღწევს საქართველოში ვადამდელი დემოკრატიული და სამართლიანი საპრეზიდენტო და საპარლამენტო არჩევნების ჩატარებას,“– ნათქვამია დეკლარაციაში, სადაც სახალხო კრება მოხსენიებულია, როგორც "საქართველოს მოსახლეობის ნების გამომხატველი უზენაესი ორგანო“.

სახალხო კრების საინიციატივო ჯგუფში საზოგადოებისთვის ცნობილი სახეები არიან გაერთიანებული. ჯგუფის  ერთ–ერთმა ხელმძღვანელმა ნონა გაფრინდაშვილმა გაერთიანებისაკენ მოუწოდა ყველას, ვინც მზად არის სახალხო წინააღმდეგობის გზით შეცვალოს ხელისუფლება. საინიციატოვო ჯგუფი და ნინო ბურჯანაძის პარტია კრების მოწვევის პროცესში ჩართვის მიზნით ოპოზიციურ პოლიტიკურ ძალებთან კონსულტაციებს გეგმავენ.

სახალხო კრების იდეას პოლიტიკური პარტიებიდან ამ დრომდე მხოლოდ ნინო ბურჯანაძემ გამოუცხადა პირდაპირი მხარდაჭერა. არცერთი სხვა ოპოზიციური პარტიის ლიდერი კრების დამფუძნებელ შეხვედრას არ დასწრებია. მათი ნაწილი ამ ეტაპზე  სახალხო კრების იდეისგან დისტანცირებას ამჯობინებს, თუმცა მოგვიანებით არ გამორიცხავს მის მხარდაჭრას;  ნაწილი თვლის, რომ ეს საზოგადოებრივი ინიციატივაა და მასში პოლიტიკური პარტიები არ უნდა ჩაერთონ.

იმავდროულად, მოძრაობა ერთიანი საქართველოს ლიდერის ირაკლი ოქრუაშვილის ინიციატივით მიმდინარეობს კონსულტაციები ახალი ოპოზიციური გაერთიანების შექმნის მიზნით. პრესაში ვრცელდება ინფორმაცია, რომ რამდენიმე დღის წინ ჟენევაში ოქრუაშვილთან ამ საკითხზე მოლაპარაკებები გამართეს დაიცავი საქართველოს ლიდერმა ლევან გაჩეჩილაძემ, ტელეკომპანია „მაესტროს“ მმართველმა ეროსი კიწმარიშვილმა, ყოფილმა ომბუდსმენმა სოზარ სუბარმა და კოკა გუნცაძემ.

30 სექტემბერს ტელეკომპანია „რუსთავი 2“–ს ოქრუაშვილმა პარიზისდან ტელეფონით განუცხადა, რომ ახალი გაერთიანების შესახებ საუბარი მიდის ასევე ყოფილ პრემიერ–მინისტრთან და მოძრაობა სამართლიანი საქართველოსთვის ლიდერთან ზურაბ ნოღაიდელთან, რომელთან ერთადაც მან ოპოზიციას კონსოლიდაციისკენ ჯერ კიდევ ივნისში მოუწოდა.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
35